Oblíbené biblické verše z San Lucas 12

Sdílet

Magua muan pãragjã “Ich agjota ajapha khĩir khaug nʉisit” a chirʉmgui ajim anʉm. Pãrau mʉ beeju ora chan ãbmuajã khaugbam. Pãrau mʉ da beebajupii nʉm ee, mʉch chi Emkhooi Iewaan degolp barcheju a jaaumajim aajem.

Mag khãyau warag Ẽwandam ipierraa ajuuta khĩirjubat. Pãrau chadcha magmʉn, tagam nem pãachdeu igbarmjã irua deeb khaba deejugui ajim anʉm.

Maimua ĩchab thum aig narr khʉʉnagpa magjim anʉm: —Khĩirjug paraa aajeet. Oob pãrau sĩi nem khĩir thum paarpaju appaita khĩirjumiet ajim anʉm. Pãrau nem thum wai naawia khãijã pãar eu meebamgui ajim anʉm.

Mʉig jẽb gaai nʉweta nem thum paraa aju khĩirjuju khãyau, ʉ̃gthar paawaita nem thum paarpaju khĩirju wenʉrrʉmʉn magan chadcha pãar khĩirjug ãba Ẽwandam gaaita simgui ajim anʉm.

Oob atcha pãachdeu nem ig nʉmta khĩirju nʉʉ amiet ajim anaabá. Mag pãrau pãachdeu khõsimta ig nʉʉ akhiinjã, ¿khaíuta mʉg nʉm aig mag ichdeu khĩirju sim gaaimuapai ich meeju arr ʉ̃r oradam ãbpai khãijã ich iiupiju aai sĩ? ajim anʉm.

Maimua mag ich dʉicha ogdʉba wenʉrraajerr khʉʉnagta, —Mua pãrag jaaukhimgui ajim anʉm: Oob pãrau “¿khani khojuuta maach mʉg nʉma?” awia okhĩirjuu amiet. Wa magbam khai, ya khajũajã chukhu nʉm, “¿khani jũajuuta mʉg nʉma?” a khãijã khĩirjumiet ajim anʉm.

Maagwai oob khĩirjumiet ajim anʉm. Pãar chará nemchaain khãyaujã ʉ̃rʉʉcha irua iigjem. Mag pãachta nemchaain khãyaujã ajapcha nʉm gaaimua, pãar porbʉ maadeu igbaju ayaa sim khapanagjã irua thum khaphʉ wai simgui a jaaumajim aajem.

’Pãar chi mʉ bʉ ogdʉba wenʉrrʉm khʉʉnan chadcha khapan khaba durrum. Mamʉ khapanag ee pãach appai khapan khaba nʉm awia oob nem okho wenʉrramiet ajim anʉm. Pãrau maach Aai ipierraa amʉn, irua ich durr pãar phe arr nʉm ora pãar dʉi nem ajapha aju.

Pãade khĩirjubat ajim anʉm, kuerrb jãga naajẽ. Am phidkhaba aajeewai amach thach khoju ãkhaagjã di chukhu naab mamʉ, am augcheba aajemgui ajim anʉm, ich Ẽwandamauta amag phathau deejeewai. Magʉm pãar chará nemchaain khãyaujã ajapcha naawai, ¿jãga irua pãrag ooba abarju?

Pãach thach kho nʉm dʉi dodojo doju chan oob pãrau atcha khĩirjumiet ajim anʉm. Wa jãga pãachdeu nem ig nʉm paarpajujã oob khĩirjumiet.

Pamaar jãg ooimʉ thʉnʉm edau wʉʉbaademuapai khiugphebaadeewai sĩi khʉʉijemjã Ẽwandamau jãg ooimʉ wai sĩejemta, ¿jãgwia pãar pamaar khãyaujã ʉ̃rʉʉcha balee nʉmua nem jeeu nʉmta irua deeba abarju? ¿Wa pãachdeu jeeu nʉmjã pod deebajupii aajẽwa? ajim anaabá.

Mʉg jẽb gaai aawai meraa iekhatarr iek khãijã mʉg atag paawai sĩi ich mag sĩsiwia khĩir akhoog khabam. Maagwai nem meraa wautarr awia khãijã ich mag khaugba sĩsibajugui ajim anʉm.