ئاشکراکردن 1:12-6
ئاشکراکردن 1:12-6 پەیمانی نوێ و زەبوورەکان بە سۆرانی (PNTZS)
نیشانه‌یه‌كی مه‌زنیش له ئاسماندا ده‌ركه‌وت: ژنێک خۆری پۆشیبوو، مانگ له ژێر پێیدا و تاجێكی دوازده هه‌ساره‌یی له‌سه‌ر سه‌ری بوو، سكی هه‌بوو، ئازاری هه‌بوو و له ژانی منداڵبوون هاواری ده‌كرد. نیشانه‌یه‌كی دیكه‌ش له ئاسماندا ده‌ركه‌وت: ئه‌ژدیهایه‌كی مه‌زنی سوور، حه‌وت سه‌ر و ده قۆچی هه‌بوو، حه‌وت تاج له‌سه‌ر سه‌ره‌كان بوو. كلكیشی سێیه‌كی ئه‌ستێره‌ی ئاسمانی ڕاكێشا و فڕێیدانه سه‌ر زه‌وی، ئه‌ژدیهاكه له‌به‌رده‌م ژنه‌كه كه منداڵی ده‌بوو وه‌ستابوو، تاكو كه منداڵه‌كه بوو بیخوات. ئیتر منداڵێكی نێرینه‌ی بوو، ئه‌وه‌ی له داهاتوو به گۆچانێكی ئاسنین شوانایه‌تیی نه‌ته‌وه‌كان ده‌كات. به‌ڵام كوڕه‌كه‌ی بۆ لای خودا و ته‌خته‌كه‌ی ڕفێندرا. ژنه‌كه‌ش به‌ره‌و چۆڵه‌وانی هه‌ڵات، له‌وێدا شوێنێكی هه‌یه له‌لایه‌ن خوداوه ئاماده كراوه، تاكو له‌وێ هه‌زار و دوو سه‌د و شه‌ست ڕۆژ به‌خێو بكرێت.
ئاشکراکردن 1:12-6 كوردی سۆرانی ستانده‌رد (KSS)
نیشانەیەکی گەورەش لە ئاسماندا دەرکەوت: ئافرەتێک خۆری پۆشیبوو، مانگ لەژێر پێیدا و تاجێکی دوازدە ئەستێرەیی لەسەر سەری بوو، سکی هەبوو، ئازاری هەبوو و لەتاو ژانی منداڵبوون هاواری دەکرد. نیشانەیەکی دیکەش لە ئاسماندا دەرکەوت: ئەژدیهایەکی گەورەی سوور، حەوت سەر و دە شاخی هەبوو، حەوت تاج لەسەر سەرەکانی بوون. کلکیشی سێیەکی ئەستێرەی ئاسمانی ڕاکێشا و فڕێیدانە سەر زەوی. ئەژدیهاکە لەبەردەم ئەو ئافرەتەی کە منداڵی دەبوو وەستابوو، بۆ ئەوەی هەرکە منداڵەکە لەدایکبوو بیخوات. ئیتر منداڵێکی نێرینەی بوو، ئەوەی لە داهاتوودا بە گۆچانێکی ئاسنین فەرمانڕەوایەتی نەتەوەکان دەکات. بەڵام منداڵەکەی بۆ لای خودا و تەختەکەی ڕفێنرا. ئافرەتەکەش بەرەو چۆڵەوانی ڕایکرد، لەوێدا شوێنێکی هەیە لەلایەن خوداوە ئامادە کراوە، تاکو لەوێ هەزار و دوو سەد و شەست ڕۆژ بەخێو بکرێت.