ئەستێر کورتە باسێک
کورتە باسێک
خودا بەڵێنی خۆی بۆ پاراستنی گەلەکەی بەجێدەهێنێ.
پەڕتووکی ئەستێر ڕووداوێکی گرنگی تێدا باسکراوە، لەدوای دەست بەسەرداگرتنی شانشینی بابل لەلایەن فارسەکانەوە و وێرانکردنی پایتەختەکەی. هۆزێکی جولەکە کە هێشتا لەو خاکە مابوونەوە کە بۆی ڕاپێچ کرابوون لەنێویان کچێک هەبوو کە ئەحەشوێرۆشی پاشا هاوسەرگیری لەگەڵی کرد. هامانی ڕاوێژکاری پیاوخراپ هەوڵی دا جولەکەکان لەناوببات و دەست بەسەر سامانەکانیاندا بگرێت، ئەستێر بە لێهاتووییەوە هاتە ناو بابەتەکە و پیلانەکەی هەڵوەشاندەوە، نەتەوەکەی خۆی لە کارەسات ڕزگار کرد. هامانیش لە سێدارە درا. هەتا ئێستاش جولەکەکان بە بۆنەی ئەو ڕزگاربوونە جەژنی فوریم دەگێڕن.
ڕزگاریی خودا و هێزەکەی تەوەری سەرەکی ئەم پەڕتووکەن، تەنانەت لە خاکی ڕاپێچکراویش خودا کاری لەسەر پارێزگاریکردنی گەلەکەی کرد، هەموو شتێکی بۆ چاکەی ئەوان گۆڕی، ئەوەش کاتێک نزایان بۆ کرد و بەڕۆژوو بوون و هانایان بۆ خودا برد، خوداش بێ هیوای نەکردن و لە چنگی هامان ڕزگاری کردن. شایانی تێبینییە کە خودا کەسانێکی بەکارهێنا بۆ بەجێگەیاندنی ویستی خۆی لەبری ئەوەی خۆی ڕاستەوخۆ کار بکات. پێویستە لەسەرمان هەموو کاتێک ئامادە بین بۆ بەجێهێنانی ویستی خودا بەگوێرەی ئەوەی داوامان لێدەکات.
دیاریکراوەکانی ئێستا:
ئەستێر کورتە باسێک: KSS
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
کتێبی پیرۆز، کوردی سۆرانی ستاندەر™
مافی چاپکردن پاێزراوە © ١٩٩٨، ٢٠١١، ٢٠١٦، ٢٠٢٠ Biblica, Inc.
بە مۆڵەتی لایەنی بڵاوکار بەکارهاتووە. هەموومافەەەکانی پارێزراوە.
Holy Bible, Kurdi Sorani Standard™
Copyright © 1998, 2011, 2016, 2020 by Biblica, Inc.
Used with permission. All rights reserved worldwide.