دووەم پاشایان کورتە باسێک
کورتە باسێک
فەرمانڕەوایەتیکردن بە دادپەروەری و دانایی پشت بە گوێڕایەڵبوون دەبەستێ بە فەرمایشتی خودا، گوێڕایەڵنەبوون و هەڵگەڕانەوە سزای قورسی هەیە.
ئەم پەڕتووکە لە نزیکەی سەدەی شەشەمی بەر لە زایین بە ڕۆحی پیرۆز نووسراوە، باسی سەردەمێکی مێژوو دەکات بە درێژایی نزیکەی دوو سەد و پەنجا ساڵ، لەو ماوەیەدا دوو کارەسات بەسەر گەلی ئیسرائیلدا هات. لە ساڵی 722 پ. ز. ئاشورییەکان هێرشیان کردە سەر شانشینی ئیسرائیل لە باکوور و وێرانیان کرد، هەروەها لە ساڵی 586 پ. ز. لەشکری بابلی هەڵکشا بۆ سەر شانشینی یەهودا لە باشوور و داگیریان کرد. دەقەکانی ئەم پەڕتووکە وردەکاری گرنگیان باسکردووە سەبارەت بە فەرمانڕەوایەتی چینێک لە پاشایان لەگەڵ خراپی باری ڕۆحی و خراپەکاری و گوناهباری پاشاکان. لەو ماوەیەی ئەو پاشا خراپانە فەرمانڕەوایەتییان دەکرد، لە کاتی شەڕ و ئاشتی، بووژانەوە و وێرانی، خودا کاریگەری هەبوو لەسەر مێژوو و ژیانی گەل، بە تایبەتیش کاتێک پێغەمبەر و نێردراو و ئاگادارکەرەوەی دەنارد بۆ ئاگادارکردنەوەیان لەو سزایەی بەسەریان دێت.
بە درێژایی ئەم پەڕتووکە دەسەڵاتی خودا لەسەر ژیانی مرۆڤ و نەتەوەکان دیاردەیەکی زەقە. ڕابەرەکان پێیان وابووە کە توانیویانە جڵەوی پاشا بگرنە دەست، بەڵام بە هەڵەدا چوون، لەم پەڕتووکە دەبینین چۆن خودا ئاشوری و بابلییەکانی بەکارهێنا بۆ بەجێگەیاندنی حوکمەکەی لەسەر هەردوو شانشینی یەهودا و ئیسرائیل کە لەڕێ لایاندابوو. دەبێت ئاگاداری ئەوە بین کە گوناه سزا دەهێنێتە سەر گەل، بەڵام چاکە بەرەکەتی خودا دەهێنێت. پەڕتووکی دووەم پاشایان بۆمان ئاشکرا دەکات کە خودا بەبێ ئاگادارکردنەوە کەس سزا نادات، سەرەتا پێغەمبەرەکانی نارد بۆ ئەوەی لە سزای خودایانە ئاگاداریان بکاتەوە.
دیاریکراوەکانی ئێستا:
دووەم پاشایان کورتە باسێک: KSS
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
کتێبی پیرۆز، کوردی سۆرانی ستاندەر™
مافی چاپکردن پاێزراوە © ١٩٩٨، ٢٠١١، ٢٠١٦، ٢٠٢٠ Biblica, Inc.
بە مۆڵەتی لایەنی بڵاوکار بەکارهاتووە. هەموومافەەەکانی پارێزراوە.
Holy Bible, Kurdi Sorani Standard™
Copyright © 1998, 2011, 2016, 2020 by Biblica, Inc.
Used with permission. All rights reserved worldwide.