Luke 7
7
1ချောင်ထု ပရိတ်သတ် ဟော့ အစုပ်ဟောက် ပြီးစလော့ ကိုယ်တော်ဟော့ ကပေရနောင် မြို့အာ အစိဟီ။ 2အနီမြို့ဝါ တပ်မှူးပွေန်းနောတ် ဟော့ အစေခံပေန်းနောတ် ကောလော့သဲ့ အဒူးလှောက်ကာအဖြစ်။ အနီအရာရှိလော့ အဲ့နီအစေခံနဟော့ ကီးကယ် အလိုအို။ 3ယလော့ ကိုယ်တော်ယေရှုအကြောင်းအရောက် ပိဇလော့ ယလောယုဒ အမျိုးသားခေါင်းဆောင်ငဲ့ ကိုယ်တော် ငှာ လှို့လော့သဲ ကာန်းငှားဟော့ချောင် အကုပိတ်ကိုင်းသိမ် အဖိတ်အိပ်။ 4အဲ့နီခေါင်းဆောင်ငဲ့ လော့ ကိုယ်တော် ငှာ စိအလို့လော့သဲ့ ယဝါ အကူညီရိုင်းသိမ် ယနိဟောက်။အနီခေါင်းဆောင်ငဲ့လော့ "နီတပ်မှူးဝဟော ကိုယ်တော်လော့အကူညီ ယဟော့ အခွန်းအွမ် ထိုက် ဟော့ချောင် အဖြစ်။ 5ယလော့ ကနိ အမျိုးသား ဝဟော့ နိုးအိုနောက်လော့သဲ့ ဓမ္မာရုံဟော ဆောက်လော့သဲ့ အလှူ ဟော့ချောင်အဖြစ်။" 6"အနီကြောင်းငို ကိုယ်တော်ယေရှုဝေါ ကနိ ဟွေးတူလူးပိဘွေ့" သိမ်အလျှောက်တင်။ ကိုယ်တော်ယေရှု ဟော အရှာရှိ လော့ အလှို့ဝဟော့ ချောင်ဟွေးတူ လူးပိလော့သဲ့ တပ်မှူးအင်းနို မလှမ်းမကမ်းနာ အဖိုးလူး။ အနီပိဇ အရာရှိလော့ ယမိတ်ဆွေရဲ့ လှို့လော့သဲ့ ကိုယ်တော်ဝါ "အရှင်နော ကေ့အတော့ ဒုက္ခ ခွန်းအွမ်သလို့သဲ့ ကြွလူးဝိုင်းသိ ကေ့အင်းနာနလူးဝိုင်တော့ ကေ့ယဟော့ အရှင်နို ထိုက်တန်အန်ငှားဟော့ချောင်နော့ အဆိတ်။" 7အဲ့လှောက်အပြင် အရှင့်ငှာလူးဟလော့သဲ့ ကခွန်းအွမ်နိုင်ဟော ကေ့ရိုထိုက်တန်အမ်နာ့ဟူ" အရှင်လော့ အမိန့်နပိတ်ရုံငို ကေ့ အစေခံနဟော့ ရောဂါ အကျုပ်ကိုင်။ 8ကေ့ဘဟော့ အပုဝါဟော့ အရာရှိရဲ့ငှာ အမှုကထမ်းကြောင်းငို ယနိအမိန့်ကဟော့ ကနာခံလာ့။ ကေ့လက်အောက်ကဟော စစ်သား မနဲ ယနိမွက် ယနိလော့ ကေ့အမိန့် ယနိနာခံလာ့။ ကေ့လော့ စစ်သားပေန်းနောတ်တာ 'စိရဲ့' သိမ် အမိန့် ကပိတ်ကနို ယအစိလာ့။ အရာစစ်သား ပေန်းနောတ်တာ 'လူးဝဲ့' သိမ်ကဟောက်ကနို ယအလူးလာ့။ ကေ့လော့ ကေ့အစေခံနဲ့ငါ 'ယစိုင်းရဲ့' သိမ်ကဟောက်ကနိုဟော ယလော့အစိုင်းလာ့။ 9အလှောက်အဟောက်ဝဟော့ ကိုယ်တော်ယေရှုလော့ အရောက်ပိဇ ကီးကယ်အံ့ဩလော့သဲ့ ယဟွေးတူလူးပိဟော့ ချောင်ငဲ့ ငါအစ္စရေး တစ်ခွင်နာ နီလှောက် ယုံကြည်မှု အလင်နဟော့ မှူးဖူးဟနဟူ။ 10အရာရှိ မိတ်ဆွေရဲ့ ပြန်လော့အဖိုးဘော် ပိဇ လော့ အနီအစေခံနဟော့ အကာန်းဘော်ဝဟော့ ယနိခွန်း။ 11နိုက်စအော်ကြာပိဇ ကိုယ်တော် လော့ ယတပည့်ဝဲ့ ဝို အတွက်တူဝါ နာဣနမြို့ ဝါ အစိဟနို ချောင်ပုရိတ်သတ်သဲ့ဟော တောန်းအမ်လော့သဲ့ အပိုပိ။ 12မြို့ဝါအဝေါင်းနောက်ဒွန်း ဒိုင်ဆွတ်တာ မုဆိုးမပေန်းနောတ်လော့ ယစိုးဖြစ်ဟော့ အရုတ် ယနိဆီးရိုင်သိမ် ချောင်စုဝတ်လော့ အလောင်းမကို့နောက်ဒွန်းနို့ ကို့အလို့ မြို့အကြောင်ငါ ယနိလူး။ အဲ့နီမြို့ဝါဟော့ချောင်ငဲ့လော့ဟော့ အနီနှတိုးဟွေးတူ ရုတ်ဘနိထိုးပိ။ 13အရှင်လော့ အဲ့နီနှတိုးနူး မှူးလော့သဲ့ အနိနှတိုးနူးဝါ ကီးကယ်အဟင်းရှေ ကြောင်းငို အဲ့နီနှတိုးနူးဝါ "ကာ့ဝိုင်သိ" သိမ်အဟောက်။ 14ကိုယ်တော် လော့ ချောင်ငဲ့လော့ ယနိကို့ လူးဟော အလောင်းစင် အစိမ်းငါ အောနိစိမ်းအာအစိလော့ အလောင်းစင် အကွတ် အို အထိ ဟော့။ ပေါင်ပြီးစလော့ အလောင်းစင် ဟော့ ယနိကိုးလူးဟော့ ချောင်ဟော့ ရပ်အလော့တဲ့ ကိုယ်တော်လော့ "ချောင်ဆမီးစအော်အိုး ထောက်ဝဲ" တိမ် အဟော့ဆမော်။ 15ဟောနိ ပတိုးဟော့ ထောန် လော့တဲ့ အအုံး ဟော့ အသက်အစ် ။နိကိုယ်တော် လော့ ရနိအူ ဝါအအွတ်ပေါ်။ 16ချောင်မနည်းလော့ အံ့သြလော့အလစ်လစ်မိုက် ဘုရားရှင် ဟော့ ဂုဏ်တော်ဟော့ ချီးမွမ်းလှဲယ်။ယနိဟော့ " ကေ့နိဟူးတူ အလင်းသ ဟော့ ပညာရှိ ပရောဖက် ပရောက်အကုတ်ရိုဝါ အပေါ်လူး၊ဘုရားရှင်ဟော့ မနိချောင်သားမနည်း အကယ်တင် ငဲ့ တိမ် အကြွလူးဟီ" တိမ်ဂုဏ်တော် ယနိချီးမွန်း ဆမော်။ 17ကိုယ်တော်ဟော့ သတင်းဟော့ ယုဒပြည်နယ် တစ်ခွင်လုံးကာ နိုင်ငံတစ်ကားအာ အပြနှံ့ မိုန်။ 18ယောဟန်ဟော့ တပည့်များဟော့ ကိုယ်တော် ယေရှု ဟော့အကြောင်းဟော့ ယောဟန် ဟော့ အစုံအလင်ယနိဟောက်အော 19တပည့်ပဟိဟော့ ကိုယ်တော်လော့ အစိုက်အပ်တိမ် အလှို့ဟောက်။ "ကိုယ်တော်လော့ ကေ့နိလော့ ကနိရွှီးဟော့ အကြွလလူးဝဲဟီ သိမ် အဟော့ဝဟော့ အရှင် မိုး ၊ ဆိတ်ငလော့ဟော အခြားလော့ ပုဂ္ဂိုလ်တစ်ရောက် အစုံးလဟိုင် မိုး " သိမ် အစိုက်အယ်တောက် ယဟိဟော့ အစိဆောက်ဟောက်။ 20နိချောင်ဟော့ ကိုယ်တော်ယေရှု အဖိုးလူးပြီးစလော "ကေ့နိလော့ ကနိရွှီးဟော့ အကြွလူးဝဲ သိမ်ယနိစော့ဟော့ အရှင် နဆိတ်မိုး (ဆိတ်ငါတစ်အုံး) အခြား ပုဂ္ဂုလ် ပရောက်မော့ ကေ့ဟိစုံလငွါမော့" တိမ် ရေနှစ် မဂ်လာဆရာကြီး 'ယောဟန်' ကေ့ဟိဟော့ အရှင့်အာ အစိုက်အာ အလွှတ်တိယနိဟော့" သိမ် ယဟိဟော့ ။ 21ဟောနိခွာ ကိုယ်တော်ယေရှု ဟော့ ယနိကော်ဟော့ ၊ အရုယံအစုစစ်ဟော့ ၊ မကောင်း ဆိုးဝါးပူးကပ်ဟော့ ဒက္ခရောက် ဟော့ ချောင်ငဲ့နိုး ကုသပိတ် သာမက မျက်မမြင်မနည်း ဟော် ဟော့ မျက်စိ အလင်းမူးလအုံ ကကုသပိတ်။ 22ကိုယ်တော်လော့ ယောဟန်စေလွှတ်ဟော့ ယဟိဟော့ "နောင်နိမူ့လဟော့ အရာဟော့ ယောဟန်ငွာစိတစ်လော့ တဲ့ ဟောက်ပိတ်ပေါ်ဘွတ်" အမိတ် မူးဟဟော့ တုဝါ အမိတ်ပြအမှု့လပေါ်ဟီ၊ အကွတ် ခူးပေါ့ငှားဟော့ ပြန်လော့ယနိကျောင်းခူးပေါ်ဟီ၊ အနာကြီးညရောဂါ ဟော့ ရောဂါ အကျုံ့မိတ်ဟီ၊ အနိုပငှားဟော့ ချောင်ဟော့ ပြန်လို့ပေါ့ပေါ်ဟီ၊ ဒူးဟော့ချောင်ဟော ပြန်လော့ အဟိန်း ပေါ်ဟီ၊ ဆင်းရဲသားမနည်းလော့ဟော့ မင်္ဂလာသတင်း ယနိယောက်လပေါ် ဝိုင်ဟီ၊ 23ကေ့ကစိုင်းဟော့ အမှုတော် ဟော့ ညာန်းငှားဟော့ချောင်ငဲ့လော့ဟော့ ဘုရားရှင် ပွယ်ဟော့ မင်္ဂလာ အပိတ်အယ်။ 24ယောဟန် စေတမာန်နဲ့ အပြန်ဘော်ပုန်ပိဇ ချောင်ပုရိသတ်သဲ့ဝါ ယောဟန် အကြောင်း အဟောတို့။ ကိုယ်တော်လော့ "နောင်နိယဟော့ ကန္တာရ ဒိက်ကာစိသလို့သဲ့ ပိဘောင်းဘောင်ချောင် နောင်နိသိုင်းငိုင်သိမ် နောင်နိစိ ရိုး။ ခီလောသောက်လျောက်ကာ စအာက်ဟော့ ကျူပင်နဲ့မိုး၊ 25နောင်နိယဟော့ အကြောင်ငါဆုတလို့သဲ့ ပိဘောင်းဘောင် ချောင် နောင်နိမှု ငှူးဝိုး၊ အောင်းကျီ ထာ ရှိုအို့ဟော့ ချောင်ငဲ့ နောင်နိ သိုင်းငါတ်မိုး၊ တန်ဖိုးမွက်ဟော့ အောင်းကျီရဲ့ ရှိုအို့လော့ စည်းစိမ်လွေ့လွေ့ ခံစားဟော့ချောင်ငဲ့ နန်းတော်ဒိတ်ကာနော နောင်နိမှု လာဝိုင်။ 26နောင်နိ အကြောင်ငါဆုတစ်လော့တဲ့ မောင်ပုဂ္ဂုလ် မျိုးဟော့ အမူ့လအိုး။ ပညာအမော့ဟော့ ပရောဖက်ဟော့ အမူ့ဝေါ့မော့၊ ယဟော့ပညာမော့ဟော့ အမုန် ။ ကေ့လော့ နောင်နိဟော့ ကဝေါ့ဝါ ယဟော ပညာမော့ဟော့ ပရှိပရောဖက်ထက် အလင်းဟိုက် ဆမော်။ 27ကျမ်းစာတော် ၀ွါဘုရားရှင် အမိန့်တော်ဟော့၀ွါ "ကေ့ဟော့ နောင်းလော့ နကျောင်းအနောက်အဲ လောင်းဟော့ အဆင်သင့် အဖြစ်အယ်သောက်နောင်းထောက်ကာ ဉီးအုံသိမ် ကေ့လော့ နောတ်စေတမန်ဟော့ကတို့ ဝယ်" တိမ်အဟောက်။ ဟောနိဟော့ ယောဟန်အဖြစ် ဆမော်။ 28ဟောနိ ကမ္ဘာပေါ် ၀ွါ ယောဟန်ထက် အလင်းဟိုက် ဟော့ချောင် နိဟော မဟောင်န။ ဆိတ်လော့ ဟော ဘုရားရှင်လော့ သာသနာတော် အတွင်းနာ အရေးပိုငှားဟော့ ချောင်ဟော့ ယောဟန်ထက် အလင်းဟိုက်။ 29ချောင်တိုင်းလော့ဟော့ ယောဟန်အကြောင်း ယနိဟောက် ဟော့ယနိဟင်။ ဟောနိ ချောင်ငါ ယောဟန်အာရေနစ် မင်္ဂလာအခေါင်း ဟော့လော့ ဘုရားရှင်လော့ဩဝါဒဟော့ လိုက်နာလော့ အုံ့ဟော့ အကောက်ခွန်တစ်မား ဟောယနိပါဝင်။ 30ဆိတ်လော့ဟော ဖာရိရှဲဟော့ မောရှေ ပညတ်ကျမ်း ပညာရှင် တိဟော့ ယေဟန်ငွာ ရေနစ်မင်္ဂလာ ယနိအခေါင်းအလူး ဘုရားရှင် ဟော့ဩဝါဒဟော့ လိုက်နာရန် ယနိ တောင်းဟော့ချောင် ငဲ့ဆမော်။ 31ကိုယ်တော်လော့ "ချောင်တိုင်းဟော့မောင်းငိုအတူဝိုး၊ ဘီးဘောင်ချောင်ငိုအတူဝိုး" တိမ် အဟော့ 32နောင်နိ ဟော့ ဈေးဒိက်ကာ ငုံအလို့သဲ့ ပေန်းနောတ်သာ ပေန်းနောတ်လော့ ပါန်အာန်ဟော့ ဆမီးစအောင်လှောက်ကာ "ကနိ ပလွေ ကနိမှုတ်ကနိုဟော လောန်အွမ်ဟယ်ရ သိ၊ ကနိလော သီချင်းကဟောက်ကနိုဟော နောင်နိက ရတို့" သိမ် အချင်းချင်းနောင်နိ ဟောက်အောက်လှောက်ကာနေ အလော့အောက်။ 33ရေနစ်မင်္ဂလာ ဆရာယောဟန်လော အအေးအုပ်ရှောင်အောင်လော့သဲ့ အကြောင် အောင်ကနိုဟော နောင်နိလော့ "ယောဟန်နာ ခွက်ရိုင်း အပူးအူ" သိမ်ယနိဖြေ။ 34ဆိတ်လော့ဟော 'လူ့သားတော' လော့ အေဟလို့သဲ့ ကကြောင် အောင်ကနိုဟော နောင်နိလော"ယေရှုဝဟော့ အအေးအုပ်မက်ဟော့ချောင်ဖြစ်လော့။ အခွန်ကုတ်ဟော့ချောင်ငဲ့၊ ဒုစရိုက် အပြစ်မွက်ဟော့ချောင်ငဲ့ရို မိတ်ဖွဲ့လော့သဲ့" အဟောက်သဘော်ဟီ။ 35ပညာမွက်ဟော့တပည့်ရဲ့ အအွမ်းအိရဲ့ သိုင်ပလို့သဲ ပညာမွက်ဟော့ချောင် အမှန်သိမ် သက်သေအပြနော အဆိတ် 36ဖာရိရှဲရှိမုန် ဟာ့ ကိုယ်တော်ယေရှု ဝါ ယအင်းနာ အမူဘု အအေးရိုင်သိမ် အဖိတ်အိပ်။ အနီကြောင်းငို ကိုယ်တော်ဝဟော့ ဖာရိရှဲအင်းနာ စိဟနို အအေးရိုင်သိမ် အကျာန်ပေါန်ဟီ။ 37အဲ့နီမြို့ဝါ အပြစ်စိုင်းဟော့ နှတိုးနူးလော့ ကိုယ်တော်ရွှီလော့သဲ့ အဲ့နီနေရာဝါ အဖိုးလူး။ အနီနှတိုးနူးလော ကီးကယ်တန်ဖိုးလင်ဟော့ ရေမွှေး ပလိုင်းငေါတ် အလှေ့ပိ။ အပုန်ပိလော့ အဲ့နီနှတိုးနူး ဝဟော့ ကိုယ်တော် နှိုးဝါ လူးလော့တဲ့ အယား။ 38အနီနှတိုးနူးဝဟော့ ဝမ်းနည်းလော့အက ကြောင်းငို ကိုယ်တော် အခူးဝဲ့ဝါ အဲ့နီနှတိုးနူး အမိတ်ခီ ရဲ့ လော့ အလုံနောက်ကြောင်းငို အခူးဝဲ့ယဟော့ ယဆော်း(န်း) နဲ့ဝို ဟိုးအုံ ပြန်လော့အဟုဘော်။ ကိုယ်တော် အခူးဝဲ့ နှောန်းလော့သဲ့ ရေမွှေးယို လေးနောက်လော့သဲ အပူဇော်။ 39နီအကြောင်းငဲ့ဝဟော့ ကိုယ်တော် ဘိက်အိပ်လူးဟော ဖာရိရှဲ လော့ မှု ပိဇ ''နီချောင်ငဟော့ ပညာမွက်ဟော့ ပရောဖက် အမှန်ကနို ယဝါထိဟော့နှတိုးနူးငဟော့ ပိဘောင်းချောင်သိမ်အမှတ်သိုင်၊ ပွယ်ငှားဟော့ချောင်သိမ်ဟော အမှတ်သိုင်'' သိမ် အခင်းတို့။ 40ကိုယ်တော်လော့ 'ဖာရိရှဲ' ဝါ ''ရှိမုန် ကေ့အုဝတ်နောင်းငါကဟောင့်ဝိုင်'' သိမ်အဟောက်ပိဇ 'ရှိမုန်' လော့ ''ဟောက်ရောင်းငဲ့'' သိမ်ပြန်လော့ အလျှောက်တင်။ 41ကိုယ်တော်လော့ '' ဟင်းစပူဟော့ ချောင် ပေန်းနောတ်တာ ချောင်ပေန်းဟိလော့ ဟင်းစယဟိပူ။ ပေန်းနောတ်လော့ ငွေဒင်္ဂါး ချားငှို ၊ အရာပေန်းနောတ်လော့ ငွေဒင်္ဂါး ငါးဆယ် အကြွေး ယဟိခွေန်း။ 42ယဟိလော့ အကြွေးရှင်နာ အကြွေးပြန်လော့ပိတ်ခုသေ့ရကြောင်းငို အကြွေးရှင်လော့ ယဟ်ပေန်းဟိတဒေါန်နာ အကြွေး နန့ဆာ့ဝိုင်လိုသိပ်က သိပ် အဟောက်ကနို အနီးလော့ အကြွးရှင်နာ ပိုလော့ ကျေးဇူးအတောင်အောင်ငိုင်းရိုး။'' သိမ် ဖာရှိရှဲ ယာ အစက်သို့။ 43ရှိမုန် လော့ ''ကေ့ကထင်နဟော့သဲ့ အကြွေးပိုလော ပူ အူဟော့ချောင်လော့ ပိုလော့သဲ့ ကျေးဇူး အတောင်အောင်ငိုင်'' သိမ်အဟောက်။ ကိုယ်တော်လော ''နောင်းနမှန်'' သိမ်အဟောက်။ 44ယလော့ နှတိုးပေါတ်တို ပြန်လော့သိုင့လော့သဲ့ 'ရှိမုန်' ငါ ''နောင်နိ ဟော့ သတိနောင်နိတောက်မှိ မော့ ေက့ဟော့ နေင်းအင်းနာ ကြွလူးခွာ နောင်ဟော့ ကေ့ကခူ အပွတ် အရဲတိမယ် ဒူးအပိတ်အာတိ၊ ဆိတ်လော့ဟော့ နီငှက်တိုးနူးလော့ အခူဟော့ ယမိုက်ချီ အိုအဘွတ် ဟော့ ယဆောင်းငို ဟိုးအုံ အဟုဟောက်ပိတ်။ 45နောင်ဟော့ ကေ့ကြွလူးခွာ ကေ့ဟော့ နမ်းရှုတ် ကြောင့်ငို အကြို ဆိုဝသည်၊ နိငုက်တိုး လော့ ယဆောင်းငို ကေ့အခူး အဆက်မပြတ်အနောန်း ဟော့။ 46နောင်းငဟော့ ကေ့လူဝါ သံလွင်ဆီ ရိုပ အလှု့ငှးသလို့ဟော့ နီနှတိုးနူးလော့ ကီးကယ်တန်ဖိုးလင်ဟော့ ရေမွှေရို ကေ ခူးဝါ လေးနောက်လော့သဲ အပူဇော်ဝတ်။ 47အနီကြောင်းငို နီနှတိုးနူး လော့အနိုးဝိုနောက်ကဟော့ မေတ္တာတရား မသိအလင်းသိမ် အပြကြောင်းငို နီနှတိုးနူး အပြစ်သဲ့ ခွင့်ကလှို့မက်ဟီ။ ဆိတ်လော့ဟော အနိုးနောက်ကဟော့ နိုက်စအောင်နော် အပြဟော့ချောင်ငဟော့ ခွင့်ကလှို့ဝဟော့ နိုက်စအောင်နော အလအ။ 48ပြီးစလော့ ကိုယ်တော် ဟော့ နိငုက်တိုးနူး အာ "နောင့်အပြစ်ဟော့ အားလုံးဟော့ ခွင့်ကလွှတ်ဟီ" တိမ် အဟော့ဟောက်ဆမော်။ 49အားခြား ဧည့်သည်များဟော့ "အပြစ်ဟော့ခွင့် လွှတ်နိုင်အုံး ယဟော့ နိနိုးဝါး" တိမ် အချင်းချင်းယနိ စိုက်အစ်။ 50ပြီးစလော့ ကိုယ်တော် ယေရှု လော့ ဟောနိ ငှက်တိုးနူး "နောင်နယုန်အွင်နောက်ကဟော့ တိုဝါ နောင်ကကယ်ယဟော့ နလအဟီ။ ဘုရားရှင်လော့ နောင်းငါ အငြိမ်းချမ်းရှောက်ဟီ" သိမ် အဟောက်။
دیاریکراوەکانی ئێستا:
Luke 7: ctpv-rv
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.