Matej 7
7
O Isus sikavol amen te ma sudi averen
1A o Isus vadži vaćarda: “Ma sudin, te ma aven sudime. 2Golese so o Dol ka sudil tumenđe sar so tumen sudin averen. Thaj save merasa ka merin averen, gasava merasa tumenđe ka meril o Dol. 3Sose dičhe i treska ane će phralesi jakh, a o kaš ani ćiri jakh ni dičhe? 4Thaj sar šaj vaćare će phralese: ‘Ač te ikalav i treska tar ćiri jakh’, a dikh, ćiro kaš ani jakh si po baro. 5Dujemujengo! Ikal angleder ćiro kaš andari ćiri jakh, tegani po šukar ka dičhe te ikale će phralese i treska andari jakh. 6Ma den o svetipe e džuklenđe, golese so e džukle irindoj ka pharaven tumen ke kotora! Thaj ma čhuden e bisera angle bale, te ma uštaven len.”
O Isus sikavol kaj o Dol odgovoril ke molitve
7O Isus vadži vaćarda: “Manđen thaj ka dol pe tumenđe! Roden thaj ka aračhen! Maren thaj ka putavol tumenđe! 8Golese kaj savore save manđen, dol pe lenđe, save roden aračhen, save maren, putavol pe lenđe.
9Ko tumendar pe čhavese ka dol bar kana bi rodola mangro? 10A te manglja mačhe dal ka dol le sape? 11Kana tumen, bišukar manuša, džanen šukaripe te den tumare čhaven, kobor tumaro Dad savo si ko nebo ka dol šukaripe pobut kolenđe save manđen lestar.”
12“Gija, sa so manđen e manuša te ćeren tumenđe, tumen ćeren lenđe, golese kaj gova si o sikajipe tare sa e Mojsijaso zakon thaj e lila save pisisade e prorokura.”
O Isus sikavol kaj o drom dži o nebo si pharo
13O Isus vadži vaćarda: “Den ko tesno vudar! Golese kaj o bulo vudar thaj o bulo drom inđarol ano propast thaj but džene džan gole dromesa. 14But si tesno o vudar thaj o drom savo inđarol ano džuvdipe thaj zala si gola save aračhen le!”
O Isus sikavol sar te pindžara e xoxavne prorokuren
15O Isus vadži vaćarda: “Aračhen tumen tare xoxavne prorokura, save aven urade ane bakresi morčhi, al andral ane ile si divlja ruva save manđen te xan tumen. 16Palo lengo bijandipe ka pindžaren len. Dal tare kangre šaj ćide drakh il tare čičke šaj ćide smokve? 17Ke gasavo način e lačhe kašta bijanen lačho bijandipe, a e bilačhe kašta bijanen bilačho bijandipe. 18Našti e šukar kašta te bijanen bilačho bijandipe thaj bilačhe kašta te bijanen lačho bijandipe. 19Gija, sa e kašta save ni bijanen lačho bijandipe, čhinen pe thaj čhuden pe ani jag. 20Gijate palo lengo bijandipe ka pindžaren e xoxavne prorokuren.”
O Isus sikavol kaj si o nebesko Carstvo paše poslušna sikade
21O Isus vadži vaćarda: “Ni ka dol dži jekh savo vaćarol ‘Gospode, Gospode’, ano Carstvo e neboso, nego ka den samo kola save šunen thaj ćeren o manglipe me Dadeso. 22But ka vaćaren ane gova đive ko sudo: ‘Gospode, Gospode! Na li ane ćo alav prorokuisadam? Ćire alavesa e benđen ikaldam thaj ćire alavesa but čuda ćerdam?’ 23I tegani me ka phenav lenđe: ‘Nikad ni džangljem tumen. Džan mandar tumen save phađen e Devleso zakon.’”
O Isus vaćarol tare duj manuša save ćeren čhera
24O Isus vadži vaćarda: “Golese, dži jekh savo šunol kala mingre lafura thaj ćerol len, vov si but džanglo sar manuš savo ćerol po čher ko temelji taro bar. 25Golese kana perol o bršnd thaj aven e paja thaj phurden e balvalja thaj napadin ane gova čher, vov ni perol, golese kaj si o temelji po bar. 26A dži jekh savo šunol kala mingre lafura, a ni ćerol len, vov si sar dilo manuš, savo ćerol po čher pi pošik. 27Golese kana perol o bršnd thaj aven e paja thaj phurden e balvalja thaj napadin ane gova čher thaj o čher perol dži ko temelji.”
28Kana završisada kava vaćaripe o Isus, but manuša čudisajle so šunde leso sikajipe, 29golese kaj sikada sar kova savo isi le zuralipe, a na sar e učitelja tare Mojsijaso zakon.
دیاریکراوەکانی ئێستا:
Matej 7: GSP
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە