Mattĕo Dèsŭgū

Dèsŭgū

Mattĕo d́ò̆sa Vanzĕlō htè B́ĭcè Jezŭ ḿî dèaḿăkhai agè̄ mèhlô̆htage dè dèbwè, d́ŏ Zo kho Zè cè̆ Kib́ĭcè adèaḿăkhai aò Cè Tcahtĭ alila tèb́è abu b́è mè pĕhtazòhtagè nu. Vanzĕlō ajo ḿî tè b́è htĕ Jŭdapho anikhĭ, htè d́ŏ Cò òla kî Zo dohta ale lò ńò, ḿî Lākho thèd́è̆b́è anikhĭ nu.

Mattĕo hwela ladîlase èzènè tèpwè. Cahta b́ĕ B́ĭcè Jezŭ òla, ad́ò̆sa Zè dèŭsab́ăhtĭ kî dèhnakă, mèhwă d́ō Ca cahta Zè dèphîdèmè htè aḿî dèd́ò̆htôla, dèthèhlô̆, kî dèmèhlè̆mè̄ bija adèdî̄dèsè̆ d́ŏ Galilĕage nu. Ajo hwă alekă Cè ajo adèhwehmăi tòcò ḿî Jezŭ adèhèklè cahta d́ŏ Galilĕage do d́ŏ Jerŭsalèm kî dèmè ane adoamu b́ĕ Jezŭ adèòthôḿô̆ agudulă dòsòd́è̆, ajwīdomodo gudŭ ḿî Cè b́è htalaglo d́ŏ Krusu alò kî Zè dèhtaboge nu.

Cè tèb́è jo ad́ò̆sa Jezŭ ḿî acab́ô̆ Sarado dèbwè, htè aòi dèphlŭdèthere akò̄ d́ò̆sa Kib́ĭcè Adèthôdèthò̆ ahtabohtab́ă, kî agè̄ thèhlô̆i Mò̄kho Ahtĭage awîakè̆ nu. D́ŏ Zè dèthèhlô̆ òè̆gla adècŏphu alè̄ nu aglobu ò jè̄dè̆; (1) Dèd́ò̆htô d́ŏ khòlò̆kho ḿî ab́èkja dègemeelô, dèphîdèmè, dèkhwèdèja kî adègudulă nu (aglado 5—7); (2) Dèhtônāi bōhmubicè scigībwè ab́èkja dèphîdèmè tòcò (aglado 10); (3) Mò̄kho Ahtĭage agèlè (aglado 13); (4) Dèthèhlô̆i bōhmubicè ahtabohtab́ă (aglado 18); kî (5) Dèthèhlô̆ ab́èkja munilēdū kî Kib́ĭcè Ahtĭge adèdole (aglado 24-25).

Dèwîdèkè̆ Aglobu

Jezŭ Krĭstu adèòla kî akhwĭathèlè̆ (1.1—2.23)

Zowănnī Batî̆sta adèphîdèmè tòcò (3.1-12)

Jezŭ adèŭsab́ăhtĭ kî khab́è dèhnakă (3.13—4.11)

Jezŭ adèphîdèmè bija aboahò aklè̆ d́ŏ Galilĕage (4.12—18.35)

D́ŏ Galilĕage do d́ŏ Jerŭsalèm u (19.1—20.34)

Agudukă dòsòd́è̆ d́ŏ Jerŭsalèm u kî ab́ôhtî u (21.1—27.66)

B́ĭcè adèhtaboge kî Zè dèd́è̆lî̄hta Ze ne (28.1-20)

دیاریکراوەکانی ئێستا:

Mattĕo Dèsŭgū: GRNT21

بەرچاوکردن

هاوبەشی بکە

لەبەرگرتنەوە

دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە

زانیاری زیاتر لەبارەی Geba Roman New Testament

Mattĕo Dèsŭgū

ئایەتە بڵاوەکانی پەرتووکی پیرۆز لە
Mattĕo Dèsŭgū

کتێبی پیرۆز:

Karen, Geba

وەشان: Geba Roman New Testament - GRNT21

Mattĕo Dèsŭgū

Mattĕo Dèsŭgū

ئایەتە بڵاوەکانی پەرتووکی پیرۆز لە Mattĕo Dèsŭgū

کتێبی پیرۆز:

Karen, Geba

وەشان: Geba Roman New Testament - GRNT21

Mattĕo Dèsŭgū

ئایەتە بڵاوەکانی پەرتووکی پیرۆز لە
Mattĕo Dèsŭgū