Johaneb ǂGAEǂGUIǂGĀS
ǂGAEǂGUIǂGĀS
Johaneb ǃGâiǂhôas ge Jesuba ǀamo Mîs Elob dis “khoe kai tsî sada ǁaegu ge hā ǁans” ase ra mâi-aiǃâ. (1:14) ǂKhanis ǂûs ra mî khamis ge nē ǃGâiǂhôasa ǁîs di khomai-aon nî Jesub a mîmâisa Ore-ao, Elob Ôaba* ǃkhaisa ǂgom, tsîn ǁîb ǃnâ ǂgoms ǃnâ-u nî ûiba ūhâ ǃkhaisa ra ǁapoǁapo (20:31).
ǂGaeǂguiǂgās hîa ǀamo Mîs Elob dis, Jesub ǀkha hâsa ra ǁgauǂnûiǀkhās khaoǃgâs ge ǂguro ǃâs ǃGâiǂhôas disa ǃkharagaǃnâgu buruxa dīn, Jesub a mîmâisa Ore-ao, Elob Ôa ǃkhaisa ra ǁgauna ra mâi-aiǃâ. Nē ǃâs ge ǃaruǀî ra ǁgau mâtin ǀnî ǂgomsabena Jesub ǃnâ ǂgom tsî ra ǁîb di saoǃgonao kai ǃkhaisa, naun ǁîba mâǃoa tsî ǁîb ǃnâ ǂgomsa ra ǂkhā hîa. 13—17 Kōse hâ danaǃâdi ge ǃnāsase Jesub ge ǁîb di ǁkhāǁkhāsabegu* ǀkha ǃkhōsis ǃnâb gere ūhe ǃoes ai ūhâ i ǀgūǀhûhâsib tsî ǁîb di mîdi, aiǂhomisens tsî ǀgaiǀgaiǃnâs didi ǃgâuheb gere ǃoes aib ge ǁîgu ǃoa gowade ra ǃnuri. ǀUni danaǃâdi ge Jesub di ǃkhōsis ǃnâ ūhes tsî ǁkharab, ǁîb di ǃgâuhes tsî khâis tsî khâis khaoǃgâ ǁîb di ǁkhāǁkhāsabega ǂhais xa ra ǂhôa.
ǀAib ǃnâ ge ǃkhōhe taras di ǃnaeǃkhais (8:1-11) ge ǂgui xoaǁguigu tsî ǂnûiǃkhunidi xas xūǂuihe hâ xui-ao ǁkhamkha ǃnâ xoahe hâ, ǀnîn xas ǀnî ǃkhaigu ai ǃkhōǂgāhe hâ hîa.
Johaneb ǃGâiǂhôas ge ǀamo ûib di mās Jesub Xristub* ǃnâ-u hâsa ra ǁgaraǃgao, ǁnā mās hîa nēsi tsoatsoa tsî ǁnān hîa Jesuba daob, amab tsî ûib ase ra oe-amn ǃoa ra hā. Mâǂoa hâ ǃkhais nē ǃGâiǂhôas dis ge saoǁnâugowab hîa hoaǃnā-aixa xūn tsēkorobe ûib ǃnâ ra sîsenūhe ǀgauba, gagasi amagu aiǁgause: ǁGam-i, pere-i, ǃnâb, ǃûi-aob tsî ǁîb di gūn tsî draibehaib tsî ǁîb di ǂûn tsîn ǁga ǁnaeǁgaus ǃaroma.
ǃKhōǂgāb
Aigowas 1:1-18
Johaneb ǁĀǁnâ-aob tsî Jesub di ǂguro ǁkhāǁkhāsabegu 1:19-51
Jesub di ǂhaisa sîǂuis sîsenni 2:1—12:50
Jesub di ǀuni tsēdi Jerusalems tsî ǀgūseb ǃnâ 13:1—19:42
ǃKhūb di khâis tsî ǂhais 20:1-31
ǀAmǀams: ǀNî ǂhais Galileab ǃnâ 21:1-25
دیاریکراوەکانی ئێستا:
Johaneb ǂGAEǂGUIǂGĀS: KKG20
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Khoekhoegowab Elobmîs © Bible Society in Namibia, 2020.