Luka 24
24
Kusaŋuka kwaYesu
(Mat 28:1-8; Mak 16:1-8; Yow 20:1-8)
1Hamulungu dodifuku datachi, hiyakwinza kwijamu hankunku yakucha, anasendi nyitondu yamavumba amawahi yanaloŋeshuwu.
2Hiyakuwana ilola anadilaŋumuni dehi, anadifumishi kwijamu.
3Hiyakwiŋilamu, kuwana mujimba waMwanta Yesu mwosi.
4Chadiŋi nakujinokawu chumichi, kutala amayala ayedi anemani kwakwihi, anavwali mahina atoŋeka #Yow 20:12chejeji.
5Ambanda hiyakutiya woma, anoŋama nimesu awu hamaseki. Owu amayala hiyakwila nawu, Mudi nakukeŋeladi wamumi mukachi kawafu?
6Hadi munuku, wasaŋuka dehi mudi afu. Anukenu #v44; 9:22; 13:32-33; Mat 17:22-23chayilejeliyi hadiŋiyi muŊaliliya,
7nindi, Mwana kaMuntu chiŋa #Mat 16:21akamulubula kumakasa awakwanshidi, akamupopela hakulusu, wakasaŋuka mudi afu hefuku damuchisatu.
8 #
Yow 2:22
Hiyakwanuka mazu indi,
9hiyakufuma kwijamu kwayiluwu, hiyakuleja ikumi nawumu (11) niakwawu ejima yuma yejimiyi.
10Owu #8:1-3ambanda adiŋi niMariya Mandaleni, niYowana, niMariya mama yaYakoba, hamu nawambanda amakwawu nawa, hiyakuleja apostolu yumiyi.
11Mazu awa hiyakuyitiya neyi adi nakuhosha tuhu; kuyikuhwelela kwawu nehi.
12Petulu hakunyamuka, hakuya lufuchi kwijamu, hakubandama nakutalamu; hakumona mahina atooka adi hakankawawu. #Yow 20:10Hakufunta kwiindi nakujinoka yuma yanamoniyi.
Njila yakuya kuEmawusi
13Kutala akwawu #Mak 16:12ayedi adi nakuya ifuku dodenodu kumukala ijina dawu Emawusi, wekala chintampu naYerusalema kafwampi neyi 11 km.
14Adiŋi nakuhanjika yuma yinamwekani yejima.
15Chadiŋi nakuhanjikawu nakudihujola, yomweni Yesu hakukundama kwakwihi, hakwenda nawu.
16Ilaŋa mesu awu akaŋenyi #Yow 20:14; 21:4kumwiluka.
17Hakuyila nindi, Oyu nsaŋu yimudi nakuya nakuhosha, hinsaŋwinyi? Wena hiyakwimana ku-ka nakudihomba.
18Wumu ijina dindi Kilopa, hakumwakula nindi, Eyi yeyi mwenyi kankaweyi muYerusalema, wunabuli kwiluka yuma yinamwekanumu mafuku anu?
19Hakuyila nindi, Yumanyi? Wena hiyakumwakula nawu, YaYesu wakuNazareta, wadiŋi #Mat 21:11kaprofwetu wasweja nikunyidimu yindi nikumazu indi, kumesu aNzambi nikumesu awantu;
20ninichi chamulubulawu kudi akulumpi jawatupristu hamu nawanyuuli jetu, akamuhishi namuloŋa wakumujaha, amupopela nihakulusu.
21Ilaŋa etu twadiŋi nakukuhwelela netu diyi wukukeŋa #1:68; 2:38kukuula Isarela. Eŋaŋi, hayuma yejimiyi hanalundami ninsaŋu yikwawu; lelu ifuku damuchisatu kufumisha helawu yumiyi.
22Akwetu ambanda amenekela kwijamu #v1-10; Yow 20:3-10anatuhayamishi.
23Chanawanuwu mujimba windi mwosi, hiyakwinza nakwila nawu amona chimwenu chawaŋelu ela nawu yena wamumi.
24Akwetu amakwawu twadiŋi nawu aya kwijamu, amona mwomwashimunawu ambanda, ilaŋa yena kumumona nehi.
25Yena hakuyila nindi, Mayalenu, O chimwabula kashinshi, O chimwalemendenda kukuhwelela yuma yejima yahosheli atuprofwetu!
26Hichawahilili Kristu #Heb 2:10; 1 Pet 1:11kukabakana yumiyi, akeŋili nimulubanji lwakulema kwinduku?
27Hakuyilumbulwila munyikanda yajila, kutachika hadi #Kutach 3:15; 12:3; Kuch 21:9; Kuhit 18:15; 2 Sam 7:12-16; Isa 7:14; 9:1-2; 53:1-12; Dan 7:13Mosi niatuprofwetu ejima, yuma yamutenenuwu yomweni.
28Cheliluwu hiyakushika kwakwihi namukala kwadiŋi nakuyawu, yena hakwila nindi #Mak 6:48apandakani.
29Ilaŋa wena hiyakumushinjila nawu, Kamaku hanu hetu, muloŋa kuneli dehi melela, itaŋwa dahita dehi. Yena hakwiŋila ashakami nawu.
30Chanashakamiyi nawu nakudya, hakunona dinkendi, hakukiswila nkisu, #Mat 14:19hakudihumuna, hakuyinka.
31Mesu awu atona nikutona, amwiluka nikumwiluka. Yena hakujimina kumesu awu.
32Hiyakudileja wumu namukwawu nawu, Twatiyilahu nyichima yetu mumavumu bu-su, chadiŋi nakutulejayi munjila, hadiŋi nakutulumbulwilayi nyikanda yajila.
33Hiyakunyamuka mpinji yoyenoyu, hiyakufunta kuYerusalema, kuwana ikumi nawumu (11) anapompi dehi #Yil 1:14hamu, ninawa adiŋuwu nawu.
34Wena nawu, Chalala Mwanta nasaŋuki mudi afu, #1 Kor 15:5wamwekana dehi nikudi Shimona.
35Akwawu ayedi hiyakushimuna yuma yanamonuwu munjila, nichanamwilukuwu hakuhumuna dinkendi.
Yesu hakumwekana kudi atumbanji
(Mat 28:16-20; Mak 16:14-18; Yow 20:19-23, 26-29; 21:4-14)
36Hadiŋi nakuhoshawu yumiyi, kukasumuka yomweni Yesu nemani dehi mukachi kawu. Hakuyila nindi, Kuwunda kwikali nanenu.
37Ilaŋa wena hiyakutiya #Mat 14:26woma, afwa nimutentu, hiyakutoŋojoka nawu tunamoni musaalu.
38Yena hakuyila nindi, Munaakaminidi? Mukudihujoleladi munyichima yenu?
39Talenu makasami ninyendu yami, yami aweni hohu. #Yow 20:27; 1 Yow 1:1Nkwatakwatenu muntiyi, musaalu hakweti musunyi nimafwaha, neyi ichi chimunanmonamuku.
40Chanahoshiyi ochu, hakuyileja makasindi nimadatilu indi.
41Iku achidi kanda akuhweleli namuzaŋalu wawu nikujinoka, yena hakuyila nindi, Kunu mukweti yakudya?
42Hiyakumwinka chibalu chanshi chakuteleka dehi, nimutu wawuchi.
43Yena hakutambula, #Yil 10:41hakudya, iku adi nakumutala.
44Hakuyila nindi, Diwu mazu #9:22, 44-45; 18:31-34; 22:37nahosheli hinadiŋi nanenu, akwila nami, yuma yasonekeluwu munyikanda yajila yejima, yamunshimbi yaMosi, nimudi atuprofwetu, #Mas 2:2, 7; 16:8-11; 22:1, 7-8, 16-18, 26-27; 69:21; 110:1; 118:22-23nimumasamu yantenenuwu, chiŋa yakalumbuluka hohu.
45Hakujikula kashinshi kawu kulonda eluki mwalumbulukila nyikanda yajila.
46Hakuyila nindi, Anasoneki nawu Kristu chiŋa #Mat 16:21akakaba, akasaŋuka mudi afu ifuku damuchisatu;
47 #
Yil 2:38; 5:31; 10:43; 13:38; 26:18; Mat 28:19 akashimwaŋena mwijina dindi nsaŋu yakubalumuka mumuchima, nikuyanakena nshidi, mwahita nyunza yejima, kutachikila kuYerusalema.
48Nindi, Enu yenu #Yil 1:8, 22; 2:32; 3:15; 4:33; 5:32; 10:39, 41; 13:31; 1 Pet 5:1; 1 Yow 1:1-2ayinsahu yayumiyi.
49Tiyenu, #Yow 14:26; 20:21-23; Yil 1:4nukutemesha hadenu Kukana kwakaniniyi Tata yami; ilaŋa chiŋililenu muŋanda, kushika nihakayivwikawu ŋovu yakufuma kwiwulu.
Kuya mwiwulu
50Hakuyilombola nichashikiluwu kwakwihi naBetani. Hakwolola makasindi kwiwulu, hakuyikiswila nkisu.
51Iku wudi nakuyikiswila nkisu hakwambuka nawu, #Yil 1:9-11; Mak 16:19amutwala nimwiwulu.
52Wena hiyakudifukula kudi yena, #Yil 1:12-14hiyakufunta kuYerusalema namuzaŋalu waweni.
53Hiyakwikalaŋa muTembeli hefuku hefuku nakumukiswila Nzambi nkisu.
دیاریکراوەکانی ئێستا:
Luka 24: MWW04
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Holy Bible in Lunda Ndembu © United Bible Societies, 2003.