Yowanu 4
4
Yesu hakuhosha namumbanda wakaSamariya
1Dichi Mwanta chelukiliyi nindi aFwarisewu anatiyi dehi nawu Yesu hakutambika nakujimika atumbanji amavulu akubadika aYowanu;
2ilaŋa yomweni Yesu hidiyi wajimikiluku, atumbanji twindi diwu ajimikilaŋa;
3yena hakufuma muYudeya, ayi cheŋi muŊaliliya.
4Chiŋa yohita #Luk 17:11, 16muSamariya.
5Hakuya kumukala wamuSamariya ijina dawu Sika, kwakwihi #Kutach 48:22nakampata kenkeliyi Yakoba mwanindi Yosefu.
6Ishima daYakoba dadiŋi kwenoku. Dichi Yesu, nazeyi dehi nanjila yanendiyi, hakushakama chochina kwishima. Kuneli dehi neyi mpinji yamuchitanu nayimu (12:00 hrs).
7Mumbanda wamuSamariya hakwinza nakutaha menji. Yesu hakumwila nindi, Anyinkuhu menji ninwi.
8Muloŋa atumbanji twindi aya dehi kumukala nakulanda yakudya.
9Dichi owu kaSamariya wamumbanda hakumwila nindi, Eyi wukaYudeya, ami nimumbanda nikaSamariya nawa, indi ami wunanlombelidi menji? Muloŋa aYudeya hiyakundaŋanaŋa nawaSamariyaku.
10Yesu hakumwakula nindi, Neyi weluka chamukunkulu chaNzambi, ninowu nakwili nindi nyinkuhu menji ninwi, mutenowu yeyi wadi kumulomba yena, wadi kukwinka #7:37; Chim 21:6; 22:17menji amomi.
11Mumbanda hakumwila nindi, Mwanta, eyi hiwukweti chakutaha nachuku, niishima dakunama; indi owu menji amomi wunayiwani kudihi?
12Yeyi wabadika tata yetu Yakoba, watwinkeli idi ishima, wanwinumu niyomweni, nianyanindi, niyimuna yindi, tahindi?
13Yesu hakumwakula nindi, Antu ejima akunwa menji awa akutiya cheŋi mpwila;
14ilaŋa muntu wukunwa menji nukumwinkami, hakatiya cheŋi #6:35mpwilaku, ilaŋa menji nukumwinkami akwikala mudi yena kaseloki kamenji kakusefukila kuwumi wahayanyaka.
15Mumbanda hakumwila nindi, Mwanta, nyinki menji owu, kulonda nibuli kutiya mpwila, nakabuli kwinzaŋa kwejima kunu nakutaha.
16Yesu hakumwila nindi, Yaku katambiki mfumweyi, winzi cheŋi kunu.
17Mumbanda hakumwakula nindi, Hinikweti mfumwamuku. Yesu hakumwila nindi, Chiwuneli neyi hinikweti mfumwamuku, wunahoshi chalala.
18Muloŋa wadiŋi nawamfumu jeyi atanu, niniwu wudi nindi katataka himfumweyuku, ochu chiwunahoshi chalala.
19Mumbanda hakumwila nindi, Mwanta, nakushinshiki dehi, komana wudi #Mat 21:11kaprofwetu.
20Ankakulula jetu adifukwililaŋa kudi Nzambi kumpidi iyi; hakwila enu aYudeya nenu muYerusalema dimu mwawahila kudifukwila kudi Nzambi.
21Yesu hakumwila nindi, Eyi mumbanda, nkuhweleli chinukukuleja, nami kukwinza mpinji yakabula kudifukwilawu antu kudi Tata kumpidi iyi, hela muYerusalema.
22Chuma chimwadifukulaŋa himwachilukaku; etu tweluka #Isa 2:3chitwadifukulaŋa; muloŋa wamwinu wafuma kudi aYudeya.
23Ilaŋa mpinji yikwinza, eŋa yashika dehi, yakwila akwakudifukula alala akadifukula kudi Tata #Fwi 3:3muSpiritu nimuwalala; muloŋa antu adochu diwu adi nakukeŋakeŋayi Tata kudifukula kudi yena.
24Nzambi hiSpiritu; ákudifukula kudi yena chiŋa adifukulaŋa muSpiritu nimuwalala.
25Mumbanda hakumwila nindi, Neluki nami #1:41Mesiya, diyi atenawu nawu Kristu, wakenza; chakenzayi wakatuleja yuma yejima.
26Yesu hakumwila nindi, Diyi #9:35-37ami nidi nakuhosha naneyi.
Atumbanji hiyakwinza cheŋi kudi Yesu
27Henohu atumbanji twindi ashika nikushika; hiyakuhayama chadi nakuhoshayi namumbanda; hela chochu, kwosi wamwihwili nindi, Wunakeŋidi? Indi kwiji nindi, Wudi nakuhosheladi nayena?
28Mumbanda ashiya ninsaba yindi, hakuya kumukala, hakuyila amayala,
29nindi, Inzenu mutali iyala nanleji yuma yinakoŋeli yejima; yeniwu hidiyi Kristuku, tahindi?
30Wena hiyakufuma mumukala, hiyakwinza kudi yena.
31Mwejimomu atumbanji twindi adi nakumulembelela nawu, Eyi Rabi, dyaŋa.
32Yena hakuyila nindi, Nikweti yakudya yimwabula kwilukenu.
33Dichi atumbanji hiyakudihujola nawu, Hadi muntu namuleteli yakudya, tahindi?
34Yesu hakuyila nindi, Kudya kwami yowu kwila #6:38muchima wayena wantemesheli, nakamanishi #17:4mudimu windi.
35Enu mwelaŋa nenu, kunashali tukweji tuwana hikwakenza chilaaka chakumuna. Talenu, nukuyileja nami, fumbulenu mesu mutali mumaha, chimwatookashana dehi to-o, ashika dehi #Mat 9:37; Luk 10:2hakumuna.
36Wámunaŋa watambulaŋa #1 Kor 3:8wulooku, wapompeshelaŋa mbutu yakutwala kuwumi wahayanyaka; kulonda niwákuwaŋa niwámunaŋa akazaŋaleli hamu.
37Dimu munalumbulukili chishimu chelaŋawu nawu, Wumu wakuwaŋa, wacheŋi wamunaŋa.
38Ami nayitemesheli nakumuna kumwabulili kukalakala; kwakalakeli acheŋi, enu munadiili kunyidimu yawu.
ASamariya amavulu hiyakumukuhwelela
39ASamariya amavulu amumukalowu amukuhweleleli nezu danowu mumbanda washimwini nindi, Nanleji yuma yinakoŋeli yejima.
40Dichi chenjiluwu aSamariya kudi Yesu, hiyakumulembelela nawu akamuku mafuku. Hakujiŋilaku mafuku ayedi.
41Amakwawu amavulu hiyakukuhwelela namazu ahosheliyi yomwenindi.
42Hiyakumwila owu mumbanda nawu, Ichi tunakuhweleli, hichinafumi hakutuleja kudeyuku, tunamutiyi etu aweni; tuneluki netu chalala diyi #1 Tim 4:10; 1 Yow 4:14Chamwinu champata yamunu mwishina.
Yesu hakuuka mwana kanhembi yaMwanta
43Wenowu mafuku ayedi chanahituwu, hakufuma kwenoku hakuya muŊaliliya.
44Muloŋa yomweni Yesu washimuna dehi nindi, #Mat 13:57; Mak 6:4Kaprofwetu hiyamulemeshaŋa mwiluŋa dindi yomwenuku.
45Dichi chayiliyi muŊaliliya, aŊaliliya hiyakumutambula chachiwahi, amona dehi yuma yejima yeliliyi kuYerusalema kuchawija; muloŋa niwena nawa ayili kuchawija.
46Dichi hakufunta cheŋi kuKana wamuŊaliliya, oku kwabalumwiniyi menji ekali vinyu. KuKaperinamu kwadiŋi #Mat 8:5-10; Luk 7:2-10nhembi yamwanta, wadiŋi namwanindi weyala wakata.
47Chatiyiliyi nawu, Yesu wafuma dehi muYudeya, nenzi muŊaliliya hakuya kudi yena, hakumulembelela nindi akunkumuki akamuuki mwanindi, muloŋa hakukeŋa kufwa.
48Dichi Yesu hakumwila nindi, Chiŋa mumona #Mat 16:1yinjikijilu niyihayamisha, neyi nehi himukukuhwelelaku.
49Nhembi hakumwila nindi, Mwanta kunkumukaku hohanu hachidiyi mwanami kanda afwi.
50Yesu hakumwila nindi, Diyilaŋa kweyi, mwaneyi nahandi dehi. Owu iyala hakukuhwelela izu dahosheliyi Yesu, hakudiyila kwindi.
51Chadiŋi nakukunkumukayi, anduŋu jindi hiyakumukinkilila nawu, Mwaneyi wahanda dehi.
52Hakuyihula mpinji yatachikayi kukola. Hiyakumuleja nawu, Haloshi mpinji yamuchitanu nachiyedi (13:00 hrs) dihu hamufuma chishika.
53Dichi tata yindi hakwiluka nindi komana yoyu mpinji yamulejayi Yesu nindi, Mwaneyi nahandi dehi. Yomweni hakukuhwelela niakwetala dindi ejima.
54Dichi #2:11chinjikijilu chamuchiyedi cheliliyi Yesu hafuminiyi muYudeya, hayiliyi muŊaliliya.
دیاریکراوەکانی ئێستا:
Yowanu 4: MWW04
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Holy Bible in Lunda Ndembu © United Bible Societies, 2003.