Yowanu 2
2
Yesu hakubalumuna menji kwikala vinyu
1Hefuku damuchisatu, #4:46kuKana wamuŊaliliya, kwadiŋi antu akudisumbula; mama yaYesu wadiŋi kwoku.
2Hiyakutambika Yesu niatumbanji twindi enzi kwakudisumbulawu.
3Chelili vinyu yinamani dehi, mama yaYesu hakumwila nindi, Hiyakweti vinyuku.
4Yesu hakumwila nindi, Eyi mumbanda, hinsaŋu yetuku. #7:6, 30; 8:20Mpinji yami kanda yishiki.
5Mama yindi hakuyila aŋamba nindi, Mwonsu mwakuyilejayi, ilenu.
6Henohu hadiŋi nsaba jamalola jitanu nayimu jakutenteka dehi, jadiŋi jakudijilika nachu aYudeya; munsaba mwayaŋa jilita kwiji 80 hela 120.
7Yesu hakuyila nindi, Inzeshenu nsaba namenji. Hiyakujinzesha to-o, nikunyivumbu.
8Hakuyila nindi, Huŋununenu dinu, mumutweli mwenimawija. Hiyakutwala.
9Mwenimawija chanatompiyi menji anabalumuki dehi vinyu, helukili kuyinafumuku, aŋamba atahili menji diwu elukili. Owu mwenimawija hakutambika kalemba,
10hakumwila nindi, Antu ejima asambilaŋa kwidisha vinyu yayiwahi; neyi antu ananwi dehi yayivulu, aletaŋa yatama. Ilaŋa eyi wunasweki vinyu yayiwahi nihanu.
11Dichi chinjikijilu chakutachika cheliliyi Yesu kuKana wamuŊaliliya, hakumwekesha lubanji lwakulema kwindi, atumbanji twindi hiyakumukuhwelela.
Yesu hakutookesha Tembeli
(Mat 21:12-13; Mak 11:15-18; Luk 19:45-46)
12Chaneliyi yumiyi, yena namama yindi, nianakwindi, niatumbanji twindi hamu, hiyakuya #Mat 4:13kuKaperinamu; ashakama nikwenoku mafuku antesha hohu.
13 #
6:4; 11:55; Kuhit 16:1-6 Chipandakenu chawaYudeya hichikushika kwakwihi, Yesu hakukanduka kuYerusalema.
14Hakuwana muTembeli antu adi nakulandisha aŋombi ninyikoku nitupompa; akwakuhimpa mali anashakami.
15Hakushinta chikoti chamfuŋa, hakuyihaŋa wejima wawu muTembeli, hamu nanyikoku niaŋombi; hakumwaŋa mali awakwakuhimpa, hakuhinuna nijimesa jawu.
16Hakuyila adiŋi nakulandisha tupompa nindi, Yumiyi yifumishenu munu; bayi mubalumuna itala #Luk 2:49daTata yami diikali itala dakulandulwilaku.
17Atumbanji twindi hiyakwanuka chasonekeluwu nawu, #Mas 69:9Iyena detala deyi dikuŋudya kumuchima.
18Dichi aYudeya hiyakumwakula nawu, Tuleji #Mat 12:38chinjikijilu chakwiluka nachu hanafumi ŋovu jeyi jakwila yumiyi.
19Yesu hakwakula nindi, Sandenu #Mat 26:61; 27:40; Mak 14:58; 15:29Tembeli iyi, mafuku asatu nakayituŋulula cheŋi.
20Dichi aYudeya nawu, Tembeli iyi yakutuŋa nyaka makumi awana nanyaka yitanu nawumu (46), eyi wuyituŋululi mafuku asatu?
21Ilaŋa yena wadiŋi nakutena Tembeli yamujimba windi.
22Dichi chamusaŋwiluwu mudi afu, atumbanji twindi #12:16; 14:26hiyakwanuka mwahosheliyi, hiyakukuhwelela #Mas 16:10nyikanda yajila, nimwahosheliyi Yesu.
23Hadiŋiyi muYerusalema kuchawija chaChipandakenu, antu amavulu hiyakukuhwelela mwijina dindi chamwenuwu yinjikijilu yeliliyi.
24Ilaŋa Yesu hayikuhweleleluku, muloŋa yena wadiŋi weluka chekalawu antu ejima.
25Muloŋa yena hakeŋeli wákumuleja chekalawu antuku, yomwenindi diyi welukili yekala mudi antu.
دیاریکراوەکانی ئێستا:
Yowanu 2: MWW04
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Holy Bible in Lunda Ndembu © United Bible Societies, 2003.