Matayo 2
2
ABAMAGI NIBAHABUDU KRISTU.
1Mbe Yezu ka yazalirwe Betlehemu#2, 1 Betlehemu ni charo kike mu malimbe ga Yeruzalemu. ya Yuda, mu naku z’omukama Herode, Abamagi nibaruga mu buturuk’ezoba nibeza Yeruzalemu, 2nibabuza bati: Omukama w’Abayahudi ayazerwe ali hai? Tubwene enenezi ye#2, 2 Enenezi enu ekalagwa kuruga kara nk’okwo kiliba kimanyisyo cho kwiza kw’Omuchunguzi. Mbe Abamagi, obwo baliga bali babuya bazo, bakakenga, mu buhicha bwa Mungu, okw’obulagi obwo bwahika, nibalibata kugiruba. mu buturuk’ezoba, tweza kumuhabudu. 3Omukama Herode ka yahulire ebyo, nahaha, na Yerusalemu yona nehaha nage. 4Nakoka abakuru b’abasaserdoti n’Abandiki bo mu bantu, nababuliriza eyo Masiha#2, 4 “Masiha” ni kimo no kugamba oti: “Kristu”. yakuzalirwe. 5Aho nibamusubiramo bati: Betlehemu ya Yuda, obwo niyo omulagi yayandikire ati; 6Iwe Betlehemu, nsi ya Yuda, toli nke mu byaro bikuru bya Yuda, kuba mul’iwe nimwo haliruga Omukuru alitwara ihanga lyange lya Israeli. 7Aho Herode nayeta Abamagi bwesereke, nababuliriza kuzimazima enaku ezo enenezi yabonekeremo. 8Nabasindika kuza Betlehemu, nabagira ati: Nimugende, mubuze kuzima eby’omwana; ka mulimubona, mummanyisye, nena nze kumuhabudu. 9Ka bamazire kuhulira eby’omukama, nibagenda. Mbe niyo n’enenezi, eyo baliga babwene mu nsi y’obuturuk’ezoba, nebebemberera; ka yahikire ah’omwana yaliga ali, neyemerera. 10Mbe ka babwene enenezi, nibasemererwa muno. 11Ka batahire mu nzu, nibasanga Omwana na Maria Nina, nibatez’ebizwi nibamuhabudu, nibasurumura emigugu zabo, nibamutulira obugeni: ezahabu n’omugazu, n’enku. 12Kumara nibagambirwa mu kiroto kuleka kusuba owa Herode, nibaraba muhanda gundi kutaha owabo.
YEZU NAIRUKIRA MISRI.
13Ka bagenzire, niwe na mumalaika w’Omukama nabonekera Yozefu mu kiroto, namugira ati: Imuka, twara Omwana na Nina, oirukire Misri, oikareyo kuhika nkugambire, kuba halibaho olwo Herode alihiga Omwana kwenda kumwita#2, 13 Yozefu akagambirwa kwirukira Misri, obwo Herode yaliga atagerera ensi egyo. Niyo n’okwo, bamazire olugendo lw’enaku itanu hamo mukaga, Yozefu na Maria balisanga Abayahudi bengi abalibahwera. 14Yozefu naimuka, natwara Omwana na Nina mu kiro, nairukira Misri. 15Naberayo okwo kuhika ha kufwa kwa Herode, niho kihike echagambirwe Omukama mu kanwa k’omulagi, ati: Nkayeta Omwana wange, nimmwiha Misri.
ABANA BA BETLEHEMU NIBETWA.
16Herode ka yamanyire okwo Abamagi bamuziga, nanigahara muno, natuma kwita abana bona ba Betlehemu na b’ebyaro bya hehi, abahikize myaka ibili n’abatakazihikize, kwingana mu naku ezo yabulirizemo Abamagi#2, 16 Herode ogwo yaliga ali muzaza n’omuntu mubi koto: yaliga yaisire isezara n’omukazi we n’abana be. Nawe tiharabireho mezi mengi yamazire kwita abana abafwer’edini, Mungu atamunaraneze. Nakwatw’endwara yo mu nda n’amaguru, nasunza ebisunzu bibi ebyanunkaga obuzunde, nibitakanuka amahuka agamurumaga, nafwa kubi muno.. 17Niho ekigambo ch’omulagi Yeremiya nikihika, echo yagambire, ati: 18Muli Rama hakahulirwa eyombo n’empamo ningi: Rakeli niwe akulirira abana be, kai takwenda kuhumuzibwa, obwo batakiliho.
YEZU NARUGA MISRI.
19Mbe Herode ka yafwire, niwe na mumalaika w’Omukama nabonekera Yozefu mu kiroto, ali Misri, namugira ati: 20Imuka, twara Omwana na Nina, ogende mu nsi ya Israeli, kuba abayendaga kwita Omwana balafwire. 21Mbe naimuka, natwara Omwana na Nina, nagenda mu nsi ya Israeli. 22Nawe ka yahulire okwo Arkelausi niwe yatwere Buyahudi ha kitega ch’ese Herode, natina kuzayo; ka yagambirwe mu kiroto, nagenda mu nsi ya Galilaya. 23Natura mu charo kimo, izina lyacho Nazareti. Nikihika ekigambo echagambirwe abalagi, bati: Aliyetwa Omunazareti.
دیاریکراوەکانی ئێستا:
Matayo 2: KED1946
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
First published in 1946 by the White Fathers. Published online with the permission of the White Fathers.