Pianciilna 8
8
Tuipi Liim A bona
1Pathian in Noah le ama taw teambaw sungah a om nganhingte theampo mangil ngawl hi; ama in vuivasak a, tuaciang tui kiamsuk tu kipan hi. 2Leinuai pan tui phulna vangte le van ii tui kongpite kikhak siat hi. Nguazu nawn ngawl hi, 3tuaciang ni 150 sung dadam in tui kiamsuk hi. 4A tha sali na, ni sawm le ni sali ni in, teambaw sia Ararat mual tungah hong tawlnga hi. 5Tui kiam susuk a, a tha sawmna, ni khat ni in mualdawnte kilangh hi.
6Ni sawmli zawkciang Noah in khelki khat hong a, 7va-ak khat tha hi. Va-ak hong heak kik ngawl a, ahihang tui a kiam siat mateng leang kawkoai hi. 8Tua hun sungin, tui kiam siat zo ziam ci sia a heak natu in, Noah in vakhu khat tha a, 9ahizong lei theampo tui in khum lai ahikom vakhu in a tuk natu mun mu ngawl hi. Teambaw kungah vakhu hong leang kik a, Noah in manin sungtan pui hi. 10Ama in a dang ni sali a ngak zawkciang tua vakhu tha kik hi. 11Nitak sang ciangin ama kungah olive tee hing khat a muk ah pu in tua vakhu hong heak kik hi. Tua ahiciang tui kiamsuk zo a hina thu Noah in he hi. 12Tua zawk ni sali ngak lai in khatvei ma tua vakhu tha kik hi; tu sia ciang, vakhu hong heak kik nawn ngawl hi.
13Noah kum 601 a phak zawk, a tha khatna, ni khat ni in tui kiam siat hi. Noah in teambaw sitna hongin khua en kawkoai a, leikote mu hi. 14A tha niina, ni kul le ni sali ni ciang leitung ko thiang hi.
15Pathian in Noah tungah, 16“Na zi, na tapate le a zite taw teambaw sung pan pusuak vun. 17No nei kik a leitung theampo ah a kizel natu in, vacim theampo le nganhing theampo nangma pusua pui in,” ci hi. 18Tua ahiciang Noah sia teambaw sung pan a zi a tapate le a zite taw pusuak uh hi. 19Nganhing theampo le vacim theampo a nam zui in, a pawl a pawl in teambaw sung pan pusuak uh hi.
Noah in Biakpiakna Vawt
20Noah in biaknatau khat Topa atu vawt hi; biakna taw kisai a thiangtho nganhing nam le vacim nam sim pan khat tek la in, biaknatau tungah pum bup meihal biakpiakna in pia hi. 21Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi. 22Leitung a om laiteng lopoai hun le anlaak hun om tu hi. A vot le a sa, khuakhaal le phalbi, sun le zan om tawntung tu hi,” ci hi.
دیاریکراوەکانی ئێستا:
Pianciilna 8: SCB2
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Siyin Chin Bible © Bible Society of Myanmar, 2016