MAWOOKIONYI 11
11
Mnaṟa fo Babeli
1Oruka lose kuwewode mbaṟi imu na mdedie fumu. 2Wandu wakahenda ora lo ngamenyi wakawona oruka lui rendewele lo Shinari wakakaapfo. 3Wakawiana mndu na odoye, “Lukaesungusia matofali luhakoṟe na modo.” Wawewode matofali handu ha maho, na lami handu ha chokaa. 4Wakahamba, “Lukaekuwikia mṟi na mnaṟa na kikoyo kyafo kishike ruwehu lukuwonyie kiṟumi, kundu lulapaṟakanyie wuyanenyi kose.” 5Ruwa kacha iwona mṟi na mnaṟa fulya wandu waweifuwika. 6Ruwa kahamba, “Ambuya wandu wa nyi mkambo fumu, na mdedie fowo fumu; na ishi nyisho wawoka iwuta, ma wulalu wechiwa iima kindo wamekunda ikiwutapfo. 7Lusokeng'u napfo, luwarahanyitse mdediefo fowo kundu walaadanyanese madedo wo wenyi ko wenyi.” 8Kyasia Mndumii kawarahanyitsa kawawutapfo wahende ipfo na ipfo wuyanenyi kose; wakada walakiwikese mṟi fulya. 9Kipfa kya ikyo mṟi fulya fukadumbuyo rina nyi Babeli; kyamba nyi hondo Mndumii alefurunja mdedie fo wuyanawu wose, na kuwokiaho Mndumii kawapaṟatsana wahende wuyanenyi kose.
Oshari lo Shemu
10Ilu nyilo oshari lo Shemu. Shemu nawei mndu o maka ihana (100) kafee Arfaksadi maaka iwi numa ya mfu fo mṟinga. 11Shemu amefee Arfaksadi kawada maaka mahana hatanu (500), kafee wana, wa kisoṟo na wa kika.
12Arfaksadi kawada maaka makumi haṟaṟu na itanu (35) kafee Shela. 13Arfaksadi amefee Shela kawada maka mahana haana na iṟaṟu (403) kawada wana wa kisoṟo na wa kika.
14Shela kawada maaka makumi haṟaṟu (30) kafee Eberi 15Shela amefee Eberi kawada maaka mahana haana na iṟaṟu (403) kawada wana wa kisoro na kika.
16Eberi kawada maaka makumi haṟaṟu na ina (34) kafee Pelegi. 17Eberi amefee Pelegi kawada maaka mahana haana na makumi haṟaṟu (430) kafee wana wa kisoṟo na wa kika.
18Pelegi kawada maaka makumi haṟaṟu (30) kafee Reu. 19Pelegi amfee Reu kawada maaka mahana hawi na kenda (209), kafee wana wa kisoṟo na wa kika. 20Reu kawada maaka makumi haṟaṟu na iwi (32) kafee Serugi. 21Reu amfee Serugi kawada maaka mahana hawi na mfungade (207) kafee wana wa kisoṟo na wa kika.
22Serugi kawada maaka makumi haṟaṟu (30) kafee Nahori. 23Serugi kawada maaka mahana hawi (200) amfee Nahori kafee wa kisoṟo na wa kika.
24Nahori kawada maaka makumi hawi na kenda (29) kafee Tera. 25Nahori amefee Tera kawada maaka ihana na ikumi na kenda (119), kafee wana wa kisoṟo na wa kika.
26Tera kawada maaka makumi mfungade (70), kafee Abramu, na Nahori, na Harani.
Oshari lo Tera
27Ilu nyilo oshari lo Tera. Tera kafee Abramu na Nahori na Harani. 28Harani kasongoya ndee Tera ipfa kulya orukenyi kundo alefeeyo, kulya Uru ya Wakaldayo. 29Abramu na Nahori, wakaalika, waka. Rina lya mka o Abramu nyi Sarai na rina lya mka o Nahori nyi Milika, mana o kika o Harani ichu awei ndeye o Milika na Isaka. 30Sarai nawei mhumba alalewada mana. 31Tera kaira mana oke Abramu na Loti mana o Harani, mana o mana oke, na Sarai mali oke; mka, o Abramu wakakure wose Uri ya Wakaldayo, wahende orukenyi lo Kaanani, wakashika Harani wakakaapfo. 32Mkonu ya Tera iweshike maaka mahana hawi na itanu (205). Tera kapfia Harani.
دیاریکراوەکانی ئێستا:
MAWOOKIONYI 11: KIM2
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Kimochi Bible © Bible Society of Tanzania, 2016.