Genese 29
29
1Yakoba hakuya munjila yindi, hakushika kwituŋa dawantu akumusela. 2Watalili kumpatoyu kwadiŋi ishima, kutala kunakami nyikanka yanyikoku yisatu; mwishimodu dimu mwanwishila ŋawu yimuna; niilola dajikiluwu kwishima dadiŋi deneni. 3Yimuna yejima yapompelaŋa kwenoku; akunkumwinaŋa ilola kwishima hiyakunwisha nyikoku, hiyakusha cheŋi ilola kwishima kudadiŋi.
4Yakoba hakuyila nindi, Enu ana kwami, mwafuma kudihi? Nawu, Etu twekala kuHarana. 5Wayilili nindi, Enu mwamwiluka Labani mwana kaNahori? Nawu, Twamwiluka. 6Wayilili nindi, Wáshakama chachiwahi? Nawu, Wáshakama chachiwahi. Mwanindi Racheli iwu wukwinziwunanyikoku. 7Nindi, Itaŋwa dichidi mwiwulu, hanu dihu hapompeshaŋa wuyi muna wanyi; yinwishenu nyikoku muyi nakuyidiisha. 8Nawu, Hitukutweshaku, chiŋa yimuna yejima ayipompesha, hiyakukunkumuna ilola kwishima; hitukuyinwisha ninyikoku.
9Wuchidi kuhosha nawu, Racheli hakwinza nanyikoku yatata yindi, muloŋa diyi wayibiŋilaŋa. 10Yakoba chamweniyi Racheli mwana kamandu miyindi Labani, ninyikoku yamandumi yindi Labani, Yakoba hakuswila kwakwihi, hakukunkumuna ilola dadiŋi kwishima, hakunwishanyikoku yamandumi yindi Labani. 11Yakoba hakumupwepujola Racheli, hakutwala izu dindi hewulu nekumbu dakudila. 12Yakoba wamulejeli Racheli nindi, Ami nimwiha watata yeyi, ni mwana kaRebeka. Niyena hakuya lufuchi nakumuleja tata yindi.
13Chatiyayi Labani nsaŋu yaYakoba mwiha windi, hakuya lufuchi nakumukinkilila, hakumukumbata nakumupwepujola, hakumutwala nikwitaladindi. Wamulejeli Labani yumiyi yejima to-o. 14Labani wamwililinindi, Chalala mwayedi wetu mwivumu detu. Washakamini nindi mwahitilikakweji.
15Labani hakumwila Yakoba, nindi, Ochu chiwudi ntaŋa yami wunkalakeli chamukunkulwayi? Nleji dinu munakakufwetela. 16Labani wadi ijina wanyanindi awambanda ayedi; wamukulumpi ijina dindi Leya, wakansi ijina dindi Racheli. 17Mesu aLeya adiŋi kukola chalala nehi, hakwila Racheli wadiŋi walubanji nikumujimba ni kumesu. 18Yakoba wakeŋa eli Racheli; welili nindi, Nukukukalakela nyidimu nyaka yitanu nayiyedi, wakanyinki mwaneyi wakansi Racheli. 19Labani ninai, Chachi wahini kwinkiyi eyi, ochu nimwinki iyala wacheŋi? Shakamaku nanami. 20Yakoba wamukalakeleli Racheli nyaka yitanu nayiyedi; wayimwenineyi himafuku antesha hohu nanochu chamukeŋeliyi.
21Yakoba wamwilili Labani, nindi, Nyinki iŋodami, muloŋa mafuku ami anawani dehi, kulonda niiŋili mudi yena. 22Labani wapompesheli amayala ejima akwenoku, watelekeli chawija. 23Hamelela watambwili mwanindi Leya, hakumutwala kudi yena; yena wepilili mudi yena. 24Labani wamwinkeli mwanindi Leya nduŋu yindi wamumbanda, ijina dindi Zilipa, kulonda akeli nduŋu yindi. 25Hantetemena kutala komanahi Leya; hakumwila Labani, nindi, Eyi wunaŋili ŋahi? Ami nakalakalaŋa kudeyi nami wunyinki Racheluku? Ndochu wunandimbilidi? 26Kuchi nka Labani nindi, Kwenakunu kusambila kusumbwisha kansi, mukulumpi kanda, hitwachilaŋaku. 27Wanishaku mulungu wayeniwu, nimukwawutukukwinkayi nanyidimu yiwakakalakala kudami nyaka yi kwawu yitanu nayiyedi. 28Dimu mweliliyi Yakoba, wawanishili mulungu wamumbanda; Labani wamwinkeli nimwanindi Racheli kulonda akeli Iŋodindi. 29Labani wamwinkeli mwanindi Racheli nduŋu yindi wamumbanda, ijina dindiBiliha, kulonda akeli nduŋu yindi. 30Wepilili nimudi Racheli, Rachelidiyi akeŋeliyi nankashi, Leya hamukeŋeli chalalaku. Wakalakeli nyakayikwawu yitanu nayiyedi kudi yena.
31Yehova chamweniyi Leya anamuheli, wamujikwili lusemu mwivumu; hakwila Racheli welili nshinta. 32Leya yoba aba niivumu, yovwala nimwanaweyala, yonamutumba ijina dindi, nindi Rubeni; nindi, Nanochu chanataliyi Yehova yihuŋu yami; ichi dinu nfumwami wukunkeŋa. 33Wabaabilicheŋi ivumudi kwawu, wavweli mwana weyala; nindi, Nanochu chanatiyiyi Yehova chananheluwu, dichi chananyinkeliyi niyeniwu nawa; yonamutumba ijina dindi, nindi Simeyona. 34Wabaabili cheŋi ivumudikwawu, wavweli mwana weyala; nindi, Ichi dinu chinavwali, nfumwamiwu kudi kunda nanami, nanochu chinamuvweli anyanindi amayala asatu. Wanamutumbili ijina dindi, nindi Levi. 35Wabaabili cheŋi ivumu, wavwelimwana weyala; nindi, Ichi chinavwali ichi nukumusakilila Yehova. Dichicha namutumbililiyi ijina dindi, nindi Yuda. Yokumisha nikuvwala.
دیاریکراوەکانی ئێستا:
Genese 29: MW62
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Bible in Lunda: Ndembu (Lunda of Kalunda) © B. F. B. S. 1962.