Genese 27
27
1Cheliliyi Isaka nakuli dehi, mesu indi aneli dehi mbundu, nakapanyi kumona, hakutambika wedi windi Esawu, hakumwila nindi, Mwanami. Yena nindi, Vude. 2Nindi, Tala ntahi, ami nela dehi kashinakaji, hineluki kwami itaŋwa dinakafwaku. 3Dichi dinu, nonaku mwaniyitwa yeyi yiwazombaŋa nachu, mungongu weyi wanyivu, niwuta weyi, wuyi mumpata wunjahili mbiji; 4wakantelekeli mbiji yikweti lupwembuyi na keŋa, wakanleteli nakadyi, kulonda nakakukiswili nkisu yamumuchima wami hohanu nichidi kanda nifwi.
5Rebeka wachitiyili chahosheliyi Isaka namwanindi Esawu. Esawuhakuya mwisapa nakuzomba, akajahi mbiji, akaleti. 6Rebeka wahoshelina mwanindi Yakoba, nindi, Tiya dinu, ami namutiyi tata yeyi nahoshinamana kweyi Esawu; 7namuleji nindi, Kanleteli mbiji yamwisaŋa, wakantelekeli mbiji yikweti lupwembu, kulonda nakadyi, nakakukiswilinkisu kumesu aYehova hohanu nichidi kanda nifwi. 8Dichi dinu, eyimwanami, ovwahilaku mwizu dami mwejima munukukuleja. 9Yaku dinukwiyinda wakankwatiluku twana twampembi tuyedi twatuwahi, nakamutelekelitata yeyi mbiji yikweti lupwembu, yakeŋayi. 10Wakayitwala kuditata yeyi, kulonda akadyi, akakukiswili nkisu hohanu kanda afwi.
11Yakoba hakumwila mama yindi Rebeka, nindi, Mana kwami Esawu himuntu wawutambu, hakwila ami nimuntu wasenena wakadi wuvuji. 12Wamba kela tata wakankwatakwata nakuntiya, yena wakanmona neyinimukwakudimbana, nakadikojeja kwakunshipa honu, nikunkiswila hakunkiswilaku. 13Mama yindi hakumwila nindi, Neyi akukushiŋa, mashiŋu akela amami, mwanami; kumina dakutiya mwizu dami, yaŋa kankwatiliyi. 14Wayili nakuyikwata. Wayileteli kudi mama yindi. Mama yindi watelekeli mbiji yikweti lupwembu, yakeŋeliyi tata yindi.
15Rebeka wanoneni mahina amawahi awedi windi Esawu adiŋiyi nawumwitala, wamuvwikili mwanindi wakansi Yakoba. 16Washili yitembi yawanyana kampembi nihamakasindi, nihanshiŋu yindi hana hakadi wuvuji. 17Wamwinkeli mwanindi Yakoba muchikasa chindi nimbiji yikweti lupwembu nidinkendi dehliyi. 18Niyena hakuya kudi tata yindi, nindi, Tata. Yena nindi, Yamonu; yeyinyi mwanami? 19Yakoba hakumwilatata yindi, nindi, Yami wedi weyi Esawu; nela dehi muwunanleji. Ahinduki mwani, ashakami adiyi mbiji yami yamwisapa, ankiswili nkisu yamu muchima weyi. 20Isaka hakumwila mwanindi, nindi, Wunayiwani ŋahi kachawichi, mwanami? Yena nindi, Muloŋa Yehova, Nzambi yeyi, diyi waŋendesha chachiwahi.
21Isaka hakumwila Yakoba, nindi, Swilaku kwakwihimwanami, niku kwatakwati nikutiyi, niiluki neyi chalala wumwanami Esawu, tahindi nehi. 22Yakoba hakuswila kwakwihi natata yindi Isaka; yena hakumu kwatakwatana kumutiya, nindi, Izu dinu hiizu daYakoba, kwinza makasa himakasa aEsawu. 23Hamwilukiluku, muloŋa makasindi adiŋi awuvuji neyichadiŋuwu makasa amana kwindi Esawu. Nochu wamukiswilili nkisu. 24Nindi, Eyi chalala yeyi mwanami Esawu? Yena nindi, Yami. 25Nindi, Yileti kunu kwakwihi, kulonda nidyi mbiji yamwanami, kulonda nikukiswilinkisu yamumuchima wami. Wamu tweleleliyi kwakwihi, wadiili; wamutweleleli nivinyu, wanwini.
26Tata yindi Isaka hakumwila nindi, Swilaku dinu kwakwihi wumpwepuli, mwanami. 27Wamwilili kwakwihi, wamupwepwili. Watiyili ivumba damahinindi, wamukiswilili nkisu, nindi, Talenu, ivumba damwanami didineyi ivumba dampata yanakiswililiyi Yehova nkisu. 28Nzambi akwinkaŋa wuumi wamwiwulu, nimpata jamwekana manji, akuvulishili nitidiku nivinyu. 29Antu amavulu akukalakeli, ninyuza yawantu akubandamini. Ikalaku mwanta wawana kweyi, nianyana kamama yeyi akufukamini. Yowu wukukushiŋeyi niyena amushiŋi, yowu wukukukiswileyi nkisu niyeni amukiswili nkisu.
30Cheliliyi Isaka hohakukumisha kumukiswila Yakoba nkisu, niYakoboni yena mwomu kufuma mwadiŋiyi tata yindi Isaka, mana kwindi Esawu hakwinza kwayiliyi nakuzomba. 31Niyena watelekeli mbiji yikweti lupwembu, wayitweli mwadi niyi tata yindi; wamwilili tata yindi nindi, Tata ahinduki mwani, adiyi mbiji yamwaneyi, kulonda muchima weyi wunkiswilinkisu. 32Tata yindi Isaka hakumwila nindi, Yeyinyi? Yena nindi, Yamimwa neyi, yami wedi weyi Esawu. 33Isaka hakuzaala nikuzaala nankashi chakubadika, nindi, Indi owu wajaha mbiji nakunletela, ninami nayidyi dehi yejima to-o eyi kanda winzi, namukiswila dehi ninkisu, wadi ŋinyi? Chalala niyena diyi wakakooleka chi. 34Esawu chatiyayi mazu atata yindiyodila ikumbu dadeni dasweja niwushona nankashi, hakumwila tata yindi, nindi, Nkiswili nkisu ninami nawa, eyi tata. 35Nindi, mana kweyi wenza dehi nakudimbana, watambula dehi nkisu yeyi. 36Yena nindi, Komana chalala dichi chanamutu mbililuwu ijina daYakoba, muloŋa naŋamuki dehi aka kayedi aka; wantambwili wuawakulumpi wami, ichi dinu nantambuli dehi ninkisu yami. Nindi, Hiwunanswekeluku nkisu yamuku? 37Isaka wamwakwili Esawu, nindi, Namwilislii dehi himwanta weyi, niana kwindi ejima namwinkuwu akeli aŋamba jindi; namuhandishi dehi natidiku navinyu; ndochu dinu eyi nukukwililadi, mwanami? 38Esawu wamwililitata yindi, nindi, Wukweti nkisu yimu hohu bweŋi, tata? Nkiswilinkisu ninami nawa, eyi tata yami. Esawu hakutwa ikumbu dakudila.
39Tata yindi Isaka wamwakwili nindi, Tiya, kumpata jamwekana manji diku kuwakashakama, nikudi wuumi wamwiwulu. 40Wakahandila mpokuyeyi yakabali, wakamukala kelaŋa mana kweyi. Chakekala chiwaka dipukumuna wakasahula mpanda yindi kunshiŋu yeyi.
41Esawu wamuheleli Yakoba nanoyu nkisu yamukiswililiyi tata yindi. Esawu wahosheli mumuchima windi, nindi, Mafuku akudila tata adikwakwihi, henohu dihu nakamujaha mana kwami Yakoba. 42Amulejeli Rebeka mazu awedi windi Esawu; niyena hakutemesha nakutambi kamwa nindi wakansi Yakoba, hakumwila nindi, Tiyaku, mana kweyi Esawu hansaŋu yeyi hakudikundeja mumuchima windi nindi wakakujaha. 43Dichi dinu, eyi mwanami, ovwahilaku mwizu dami; nyamukaku, wutemukili kuHarana kudi mana kwami Labani. 44Wakashakami nindi mafuku antesha, nichi yakakuma ndombu yamana kweyi; 45chikwakakuma kuzuwa kwamana kweyi, chakavulame nayi chiwunamwili, nakakutumeshela kaŋanda akakuleti cheŋi akumbondeladi wejima wenu ayedi ifuku denudimu?
46Rebeka wamwilili Isaka, nindi, Wumi wami wansekeli dehi nanawa ambanda anyana kaHeti; neyi Yakoba wukusumbula ambanda ahadi anyana kaHeti, neyi chaduwu wenawa, awa ambanda amunu mwituŋa, nihandilidi dinu?
دیاریکراوەکانی ئێستا:
Genese 27: MW62
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Bible in Lunda: Ndembu (Lunda of Kalunda) © B. F. B. S. 1962.