E’doza 15
15
Mva ma e’yo azizu Iburamu driri
1 #
E’do 46:2; Isa 41:10; Zab 58:11; 84:11; Ebra 11:6 E’yo ’diyi ma vutia e’yo Yehovani nga eca Iburamu vu afa ndrezasi kini, Mi ru ku, Iburamu: ma gombere mini, orodri mini amboru turi’i indi. 2Iburamu nga ’yo, Te di Opi Yehova la, mi nga afa ngoni fe ma dri, mani ovule mvakokorurisi, azini karimva ngapi afa ma vile joa ’diyi nyapiri eri Eliezeri ’ba, Damasikiari’i ya? 3Iburamu nga’yo, Mi ndre, mi feni nga ori ma dri ku; te mi ndre, ’ba yini osile ma vile joari nga ovu karimva afa mani nyapiriruni. 4#E’do 17:16; 2 Sam 7:12Te mi ndre, e’yo Yehovani nga eca eri vu kini, Agu ’diri ngani ovu karimva mi afa nyapiniri’i ku; te ’ba ngapi efupi mi ngulupi ma ruaa mini ngale tileniri nga ovu afa mini nyazu karimvaruni. 5#Rum 4:18; Ebra 11:12; Zab 147:4; Efu 32:13Eri nga eri ji amve, nga ’yo tinia, Mi ndre ’bua curu’do, mi la ’bi’bio ma kalafe fo, mi ka eco yi ma kalafe lazaru raria. Eri nga ’yo eri ma tia kini, Ori mini ma kalafe nga ovu ’dini. 6#Rum 4:3-6, 20-25; Zab 106:31; Gal 3:6; Yak 2:23Eri nga Yehovani a’i ra; eri nga e’yo nde la eri dri e’yo kililiru.
7 #
’Yeta 7:2
Eri nga ’yo eri tia, Ma Yehova ndra mi ofupi angu Uri ’ba Kalideyaa ’diyinia, angu ’dori fepi mi dri mi ma afaruri’i. 8#Lip 6:36-40; 1 Sam 14:9, 10; 2 Opi 20:8; Luk 1:18Te eri nga ’yo ra, Te di Opi Yehova la, ma nga ni ma nga eri a’i ma afaruri eceta ngorisi ya? 9Eri nga ’yo eri tia, Mi eji mani tikari capi eli be nari pi, ndriandri capi eli be nari pie, kabiloago capi eli be nari pie, a’balau angarioruri pie, a’balau o’bururi be dria. 10Eri nga afa ’diyi eji dria, nga yi oli ra yi esele asizu iri iri, nga o’ba otizaru, esele alu pi oti yi i agyi be oti oti; te eri asini ariaru ’diyi eselesi ku. 11Aria za nyapi ’diyi nga esi va za ma dria, te Iburamu nga yi odro ra.
12 #
Yob 4:13, 14; E’do 2:21 Te etuni ’deria, o’du koza ’be di Iburamuni dii; te mi ndre, uri angu biza inicicirurini nga e’de eri ma dria uriuriru tu. 13#Efu 1:1-14; 12:40; ’Yeta 7:6Yehova nga ’yo Iburamu ma tia, Mi ma ni adaru ori mini nga ovu ani’baru angu andinia, nga azi nga ’ba ’dayi dri ati’baru, yi nga yi inza eli turu su; 14#Efu 6:6; 7:14; Efu 12:40-41; ’Yeta 7:7te suru nde yini azi ngazu yi vu ’diyi ma e’yo ma nga li indi, te vutinia yi nga efu afa be kakau. 15#E’do 25:8; Yob 5:26; Ebra 11:13Te mi nga mu a’bipi mini vu asi anzurusi; yi nga mi sa de mi eli be tre. 16#Mat 23:32; 1 Tes 2:16; 2 Pet 3:8, 9Te a’bianzi su ’diyi bani nga emvi ’doani; ’ba Amorini ’diyi ma e’yo onzini nga ecale tre kurisi.
17Te eri nga eca ’dini, etu ka ’de ’bo anguni biria, mi ndre, aci acika beri pi alaka aci diza beri be nga aga za asile ’diyi ma eselesi. 18#’Yeta 7:5; E’do 17:8; Azi 1:7; Kal 34:3; 2 Sur 9:26; Neh 9:8; Zab 105:11O’du nde ’dasi Yehova nga aziza azi Iburamu be kini, Ma fe angu ’diri ori mini dri ’bo, engazu yi ara Misiriari vu cazu yi ara amboru Ufirate vu, 19’ba Kenini piyi, ’ba Kenizini pie, ’ba Kadimonini pie, 20’ba Hitini pie, ’ba Perizini pie, ’ba Refaimuni pie, 21’ba Amorini pie, ’ba Kananini pie, ’ba Girigasini pie, ’ba Yebusini pie dria.
دیاریکراوەکانی ئێستا:
E’doza 15: LB66
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Bible in Lugbara © United Bible Societies, 1966.