E’doza 12
12
Munguni Iburamuni omvezuri
1 #
’Yeta 7:2-3; Ebra 11:8; E’do 15:7 Yehova nga ’yo Iburamu ma tia, Mi fu angu miniarisi amve, mi ku ori’ba mini piyi, ’ba mi ati ma joa ’diyi be, mi fi angu mani ngale ecele mi driria. 2#E’do 17:6; 18:18; 46:3; Kal 23:10; Azi 26:5; 1 Opi 3:8Te ma nga mi ofu ovuzu suru amboru, ma nga asi ndriza fe mi dri, ma nga mi ru ’ba amboru, mi ma ovu di asi ndrizaru. 3#Gal 3:8; E’do 24:35; 27:29; Efu 23:22; Kal 24:9; E’do 22:18; 26:4; 28:14; Zab 72:17; ’Yeta 3:25Ma nga asi ndriza fe ’ba asi ndriza fepi mi driri dri, ma nga ’ba mi tripiri tri ra; ori’ba wudrikurua ’diyi dria nga asi ndriza isu misi.
4’Dini Iburamu nga di mu, Yehovani ’yole eri ma tiarile ra; Loti nga mu eri be indi. Iburamu ma eli ca di kali aziri drini towi ’bo, erini ndra engazu Haraniarisi. 5#E’do 11:31; Ebra 11:8Iburamu nga oku erini Sarai pi ’du ji, adripi ma mvi Loti pie, afa dria yini okule ’diyi pie, ’ba yini isule Harania ’daa ’diyi pie; yi nga fu muzu angu Kananinia; yi nga di ca angu Kananinia ra. 6#Yoh 4:5; Azi 11:30; Lip 7:1Iburamu nga aga angu nde ma eselesi cazu pari Sekemua, kpere kumara Morearia. ’Ba Kananini de ndra angu ndea ’indi. 7#’Yeta 7:5; Gal 3:16; E’do 17:1; Azi 34:4; Zab 105:9-12; E’do 13:4Yehova nga i e’da Iburamu vu, nga ’yo tinia, Ma nga angu ’diri fe ori mini dri Eri nga ani pari edeta edezuri si dale Yehova i e’dapi i eri driri dri. 8Eri nga enga ’dasi, nga fu mu oni Beteli ma kala etuni efurialeruria, nga i ma hema aso ’daa, de Betelini etuni ’derialeru, Aini etuni efurialeru; eri nga pari edeta edezuri si Yehova dri ’daa, nga Yehova ma ru omve. 9#E’do 13:3Te Iburamu aci drile ’dani kala Urulerurialeru.
Iburamuni ovuzu Misiriari
10 #
E’do 26:1; Zab 105:13; E’do 43:1 Te liki nga ’de angua ra. Iburamu nga si Misiria ’a’azu ’dale, likini ovule okporu tu anguarisi. 11#E’do 26:7Eri nga di eca ’dini, erini ’yeria firia Misiria eri nga ’yo oku erini Sarai ma tia ’dini, Mi ndre nga, ma ni ra mi oku e’dapi ndrizaru turi; 12#E’do 20:11eri nga eca ’dini, ’ba Misiria ’diyi ka nga mi ne ra, yi nga ’yo ’dini ’Di bani oku erini; yi nga a fu ra, te yi nga mi ku idriru. 13#E’do 20:2; 26:7; Zab 25:21; Efe 4:25Mi ma ’yo, ma zi mi tia, kini mi ma amvini, e’yo mani ma nga ovu onyiru misi beni, yi ma fu ma e’yo minisi ku beni. 14Te eri nga ovu ’dini, Iburamuni caria Misiria ’boria, ’ba Misiria ’diyi nga ndre oku nde ovu ndrizaru tu. 15#Esi 2:16’Ba opiru Farauni ’diyi nga eri ndre ra, nga e’yo erini olu inzizaru Farau tia. Yi nga di oku nde ’du ofi Farau vile joa ani. 16Eri nga ani Iburamuni ’ye onyiru eri ma e’yosi; eri ovu kabilo piyi be, ti pie, akanya agoru ’diyi pie, ati’ba pie, ezoanzi ati’boru ’diyi pie, akanya andriru ’diyi pie, ngamia pie dria.
17 #
E’do 20:18; 1 Sur 16:21; Zab 105:14; Ebra 13:4 Yehova nga Farau pi inza ’ba eri vile joa ’diyi be inzata ambo ambo ’diyisi, Sarai oku Iburamuniri ma e’yosi. 18#E’do 20:9; 26:10; O’be 21:1Farau nga di Iburamuni omve, nga ’yo tinia, E’yo mini ’yele Ma be ’diri ngoni ya? Mi oluni ma tia kini eri oku mini ku a’disi ya? 19Mi ’yo, Eri ma amvini, ’dini a’disi ya, mani eri ’duzu oku maniru ani ’dini? Te di curu’do mi ndre, oku miniri ’do, mi ’du di eri, mi mvi eri be geri minia. 20Farau nga e’yo azi ’ba ma tia eri ma e’yosi; yi nga eri ji ku geria, eri’i oku erini pie, afa dria erini ovuzu yi be ’diyi pie dria.
دیاریکراوەکانی ئێستا:
E’doza 12: LB66
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Bible in Lugbara © United Bible Societies, 1966.