Ko-Dabirɛnu 6
6
Mɔgɛnuna Ko-Yogomɛ Warata
1-2 #
Yobu 1.6; 2.1 Mɔgɛnu siyayara dugu-kole kuma tumɛ min, Allata nima-fan donu#6.1-2 Nima-fan donu: Tumado Allata nima-fan donu denu bi, ni wo ma, melika donu denu bi, ni wo ma, nyinɛ donu denu bi, mɔgɔ ma wo lɔn feu! yɛ bɔra mɔgɛ wonuna dunmusinu na bawo anu kin. Anu yɛ bɔra minnu na, anu ya wonu bi anu nyɛrɛ ye. 3Woletɔ Mari ko, “N ti ke n munyuna hadama-dannuna sɔn-yogoyɛ kɔrɔ. Bɔnkɛ le anu na min kɛ, ka a dabira kaka ma, n si do bɔ anu siyi-tele la. Mɔgɔ-wo-mɔgɔ siyi ti tenbi san kɛmɛ ani san mogan (120) na tun.”
4 #
Yilan-Yilan Koe 13.33
Nima-fan wonu ya anu sa dunmusi wonu fɛ tumɛ min, dunmusi wonu ya mɔgɔ-yan-bɛnu sɔrɔn. Dan wonu denu mara sɛnbɛ-tiginu anubɛ tɔgɔlamɛnu na.
5 #
Matiyu 24.37; Luka 17.26; 1 Pita 3.20 Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun, 6wo le ya a to, anuna mɔninyɛ donta Mari rɔ. 7Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.” 8Kɔnɔ Nowa wo ya Mari hɛnɛ.
Nowa Wara-Koe
9-11 #
2 Pita 2.5
Den-kei mɔgɔ sawa ye Nowa bolo nun, Sɛma wo, Hama wo, anubɛ Yefɛti. Duninya fanɛ wunduyogoyɛ anubɛ karagbɛlɛyɛ la kɔnɔ wo wati rɔ, Nowa kelan le mɔgɔ-latelennɛ la Alla yala duninya rɔ. Nowa tora Allala kilɛ fɛ. 12Alla ya a yen ko ko-yogomɛ ara wara duninya rɔ kamasɔrɔn mɔgɛ bɛɛ ara don ko-yogomɛ rɔ.
13Alla ya a fɔ Nowa ye ko, “Mɔgɛ bɛɛ lato-wati ara ke kamasɔrɔn duninya bɛɛ fanɛ karagbɛlɛyɛ la. N si mɔgɛ bɛɛ halaki duninya rɔ anubɛ fan min bɛɛsi ye dugu-kole kuma.” 14Alla ya a fɔ Nowa ye tun ko, “Ta kɔlɔma-hakikɛ #6.14 Kɔlɔma-hakikɛ: Wo tɔgɛ le tubabu-kan rɔ ko, “Saiparasi.” donu nyini ka kulun-belebele-wɛ do ladan i nyɛrɛ ye. I ni kolota nɔrɔ kulɔn wo kɔmɛ anubɛ a burɛ ma ka konkonu nadan a burɔ. 15I ni a suma nya min, wo le kɛ la. Kulɔn wo yanyɛ ni ma nunkan-nya kɛmɛ sawa la. A kɔnɛ ni ma nunkan-nya bi-loli la. A sɔɛ ni ma nunkan-nya bi-sawa la. 16I ni kulɔn tuwa ka woenu to tala a dandan anubɛ a tuwanɛ wo tɛma. Woe wonu yanyɛ ni ma nunkan-nya kelen na. I ni kulɔn dɛ to a tɔnkɔn rɔ. I ni a ma san-bon sawa la a nyɔgɔn kuma a burɔ.” 17Alla ya a fɔ tun ko, “Nde, Alla si yi keri duninya kun na alako n si nima-fan bɛɛsi halaki nya min ka anu firan dugu-kole kuma. Nima-fan min bɛɛsi ye dugu-kole kuma, wo bɛɛ si faga. 18Kɔnɔ mabɛ ile si sarama-kan kiri ma nyɔgɔn tɛma. Wobɛ ila musi si don kulɔn rɔ anubɛ ila den mɔgɔ sawɛ anubɛ anuna musu mɔgɔ sawɛ. 19-20Nima-fan bɛɛ si na i wara fila-filanyɛ ma alako anu ni kisi. I ni don anu na i bolo kulɔn rɔ, a keimɛnu anubɛ a musumɛnu alako anu ni kisi i fɛ. 21I ni dɔn-fan sufa bɛɛ bi ka anu nadon wo ye. Wo si ma dɔn-fan la wobɛ nima-fan wonu ye.”
22 #
Hiburunu 11.7
Nowa ya a ma iko Alla ya a fɔ a ye nya min.
دیاریکراوەکانی ئێستا:
Ko-Dabirɛnu 6: KCLB
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Kuranko Common Language Bible © The Bible Society in Sierra Leone, 2006.