ZABUR 29
29
Keagungan ALLAH léq dalem angin beléq
1 #
Zbr. 96:7-9
Zabur Daud.
Pade puji ALLAH hai mahluk-mahluk sorge,
pade puji keagungan dait kuase-Ne.
2Pade puji peséngan ALLAH saq mulie
pade sembah Ie ngengadu kelambi ibadah.
3 ALLAH saq mulie begerudug léq atas segare,
gaung suare-Ne kedengahan léq atas segare saq galuh.
4Suare ALLAH kedengahan,
penoq kuase dait kemuliean.
5Suare ALLAH ngerebaqang leloloan,
molakang lolo cemare Libanon.
6Ie miaq Gunung Libanon nyontlak maraq anak sampi,
Gunung Siryon berunjaq maraq anak banténg.
7Suare ALLAH
miaq kisap nyamber.
8Suare ALLAH miaq padang gurun inggur,
ALLAH miaq padang gurun Kades inggur.
9Suare ALLAH miaq mayung nine saq betian nganak,
malahan, gawah tejariang gundul;
dait léq dalem Gedéng-Ne sebilang dengan bekuih,
“Puji ALLAH!”
10 ALLAH bekuase léq aiq belabur,
Ie bekuase sebagé Raje selaéq-laéqne.
11Semoge ALLAH ngicanin kekuatan tipaq umat-Ne,
dait miaq ie pade sejahtere.
دیاریکراوەکانی ئێستا:
ZABUR 29: LAISAS
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە