LUKAS 13
13
Leka hi ka mipis na'ko sanat, of amate
1Bi neno nane atoni fauk sin nem neu Yesus neki hanaf antom atoni Galilea sin, fun Nai Pilatus namate sin ma anselo sin na' nok na' na'ko mu'it le sin neki neu fua tulu. 2Yesus natae sin nak, “Hi mitenab mak atoni Galilea i sin asanat nesin atoni Galilea bian, fun sin napeni mane'at onane ka? 3Kahaf! Mes mimnau nai: Kalu hi ka mite'un fa hi nekam, hi mes mimle'u onane amsa. 4Ai hi mitenab mak atoni bo'es am fanu le anmate bi Siloam natuin el fatu anmofu ma antutu sin, sin nasanab nesin ale atoni bi Yerusalem bian ka? 5Kahaf! Au ak ateni: Kalu hi ka mite'un fa hi nekam, hi mes mimle'u onane.”
Lasi leta bubuk le ka mafua'
6Ma Yesus naton anteni lasi leta mese nak on i, “Atoni mese anmu'i hau bubuk u'mese anbi in lene tanu'an sena, ma in nem he nami in fuan, mes in ka napeni fa. 7In nak neu apao lene tanu'an sena nane nak: Kiso, ton tenuen au aum he ami bubuk i in fuan mes au ka upeni fa; ote misan! In moni lum-luman ma anmusi najan in afan son-sona! 8Mes apao lene natae nak: Tuan, mautu fe in moni bi ton i, au of foi najan funam natef ma au tao pupuk neun. 9Oni ton amnemat in nafua, kalu kahaf, hom lek het ote tisan!”
Yesus naleko' bife amenat bi Neno Snasat
10Bi Neno Snasat Yesus fe nanoina anbi ume buat. 11Bi neno nane anmu'i bife mese le ton bo'es am fanu smanan amle'ut antam neu in talan te in namen ma in akmunin ka natetu nani fa. 12Leka Yesus nit bife nane, In no'en in ma nak, “Aina, ho menas nane naleko nai.” 13Oket In anpoh bife nane neki Ini niman ma bi leku nane amsa bife nane anhake ma ampules Uisneno. 14Mes ume buat nakaf nane in nato' fun Yesus naleko amenat bi Neno Snasat, ma in nak neu atoni namfaun nak, “Anmu'i neno ne he mepu. Aim nai bi neno-neno le nane, he naleko' ki ma kais hi aim bi Neno Snasat.” 15Mes Uisneno natae in nak, “Hi atoni asafanut, ati anbi ki, hi ka mifetin fe hi bijae ma hi bikase luke mnanu na'ko o'of, bi Neno Snasat, he neki sin ma miinut sin ka? 16Bife i Nai Abraham in sufan, Nitu anfutu in ton bo'es am fanu. Kais at sefi in tani futus bi Neno Snasat ka?” 17Ma leka In na'uab onane, alsin le antumatan In sin anmae, mes atoni bian sin malinan fun ale mo'et apinat, le Yesus anmo'e nani.
Lasi leta neu bonak fuan
(Mat. 13:31-32; Mrk. 4:30-32)
18Ma Yesus nak, “Plenat Uisneno nane in human onle sa' ma Au he uleta ani eki sa'? 19In onle bonak fuan, atoni naiti ma ansenan bi in lele; in anmoni ma anfani hau uf ma kolo-kolo bi neno tnanan nem anmo'e kuna bi in tlaen sin.”
Lasi leta neu lalu haef
(Mat. 13:33)
20Ma In na'uab anteni nak, “Au he uleta Plenat Neno Tunan eki sa' ka? 21In maleta on lalu haef le bife es naiti ma anselo nok ut su'at tenu talan te ansae ma anbo.”
Eno' le'an ma'len
(Mat. 7:13-14, 21-23)
22Ma Yesus anfun kot-kot ma na'ko kuan es neu kuan es fun In nanoni sin ma In he nao anfin neu Yerusalem.
23Ma atoni es nak neu In, “Uisneno, ait al atoni fauk le he nahoni nani sin ka?” 24Mes Yesus nak neu sin, “Him hataneom nai hem tam mituin eno ma'lenta! Fun Au ak ki: Atoni namfau sin nami hen tam, mes sin ka nabe'i fa. 25Leka ume tuaf anfen ma an ek nesu, of him hake bi mone ma hi mak: Usi, musoitan kai nesu fe! Of In natae ma nak neu ki: Au ka uhin ki fa, hi aim mi'ko me. 26Ma hi of mitae mak: Hai miah ma minu bi Ho matam ma Ho es munoni kai bi hai lalan sin. 27Ma of In na'uab neu ki nak: Au ka uhin ki fa hi mi'ko me, miskot mi'ko Kau hi atoin amo'e amle'ut! 28Bi nane of hi mipeni kaet ma nisi kilof leka hi mit Nai Abraham ma Nai Ishak ma Nai Yakub ma ale mafefa knino sin bi Plenat Uisneno neno, mes hi of anpolin napoitan ki. 29Ma of ale atoni nem na'ko neno Saet ma neno Tes na'ko neno A'li ma neno Ne'u ma of sin tok ma nah bi Plenat Uisneno. 30Tebes, atoni amunit anfani atoni ahunut ma atoni ahunut anfani atoni amunit.”
Yesus nekan antu' neu Yerusalem
(Mat. 23:37-39)
31Bi tabu nane amsa atoni Farisi sin fauk nem neu Yesus ma nak, “Kais mubala bi bale i, Hom nao nai, fun Nai Herodes he namate Ko.” 32Yesus nak neu sin, “Him nao ma mitonan asu fui nane mak: Neno i ma noka Au upoitan nitu ma uleko amenat mes bi neno tenu Au he ulail Au mepu. 33Fun neno i ma noka ma anmeu Au mes he usopu Au lanan fe, fun ka naleko fa nak mafefa knino mese he namate nani bi Yerusalem kotin. 34Yerusalem, Yerusalem, ho es mumate mafefa knino sin. Ho es ampoli haef Uisneno sin meki fatu. Hae fauk Au lomi he ubua ho anhenu, onle maun ainaf an u'bul in an enu bi in ninen, mes ho kam lomif! 35Es nane Uisneno of ka nokan teni ki fa. Ma Au ak ki: Of hi ka mit amteni Kau fa talan te hi mak:
Nahoeb alekot neu In le ankoenon nem anbi Uisneno In kanan.”
دیاریکراوەکانی ئێستا:
LUKAS 13: AOZ
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە