KEJADIAN 11
11
Fatu Elak Babel
1Anbi ahunut, uf-uf anbi pah pinan anfun natef sin uab ma sin a'at nane mese ma sin molok amsa namnes. 2Leka sin anfen ma sin nao anbi neno saen, sin antia bale mnela mese anbi pah Babilonia, oke te sin namaika anbi nane. 3Sin namolok es nok es nak, “Aim he hit atmo'e fatu ma totu tani talantia namep ma nahel.” Nok nane sin anmu'i fatu me' le anfani fatu neu ume ma ter le anfani afu makli'at. 4Sin namolok nak, “Aim he hit alkit tahakeb kot nok fatu elak mese le in a'pupun antia neno tunan, he nati' hit mateka kit ma ka tasitbok fa anbi pah pinan fun natef.”
5Es nane te Uisneno ansanu ma ankiso kot ma fatu elak le mansian nahakeb nani. 6Oke te In nak, “Sin le i uf mese nok uab ma a'at mese, ma le i sin fe anfatan sin tenab ma sin salit. Ka lo fa anteni sin of anmone sa' le sin anlomi. 7So leko Hit atsanu ma tasulib sin uab he nati' sin kaisa nahin uab es nok es.” 8Onle nane Uisneno nasiteb ma nasana sin neu pah pinan funam natef. Oke te sin nasnas ma ka nahakeb anteni fa kot le nane. 9Es nane te nakanab kot nak Babel, natuin anbi nane Uisneno nasulib ale uab ma a'at ale uf, ma na'ko nane amsa Uisneno nasiteb ma nasana sin neu pah pinan anfun natef.
Nai Sem in sufan
(I Taw. 1:24-27)
10Le i Nai Sem in sufan. Ton nua leka noe sako naek nane anfin, leka Nai Sem in nan ton 100, in nahonis li'anmone mese in kanan Nai Arpakhsad. 11Namuni na'ko nane in fe anmoni ton 500 anteni ma in nahonis anteni in anah bian.
12Leka Nai Arpakhsad in nan ton 35, in nahonis in anmone kanan Nai Selah. 13Nalali onane te Nai Arpakhsad fe anmoni ton 403 anteni, ma in nahonis in anah bian.
14Anbi tabu Nai Selah in nan ton 30, in nahonis in anmone kanan Nai Eber. 15Nalali te Nai Selah fe anmoni ton 430 anteni, in nahonis in anah bian.
16Anbi tabu Nai Eber in nan ton 34, in nahonis li'anmone mese in kanan Nai Peleg. 17Nalali onane te Nai Eber anmoni nan ton 403 anteni, ma nahonis in anah-anah bian sin.
18Anbi tabu Nai Peleg in nan ton 30, in nahonis in anmone kanan Nai Rehu. 19Nalali onane te Nai Peleg anmoni nan ton 209 anteni, ma nahonis in anah-anah bian sin.
20Anbi tabu Nai Rehu in nan ton 32, in nahonis in anmone ma nakanab Nai Serug. 21Nalali onane te Nai Rehu anmoni nan ton 207 anteni, ma nahonis in anah-anah bian sin.
22Anbi tabu Nai Serug in nan ton 30, in nahonis in anmone ma nakanab Nai Nahor. 23Nalali onane te Nai Serug anmoni nan ton 200 anteni, ma nahonis in anah-anah bian sian.
24Anbi tabu Nai Nahor in nan ton 29, in nahonis in anmone ma nakanab Nai Terah. 25Nalali onane te Nai Nahor fe anmoni nan ton 119 anteni, ma nahonis an anah-anah bian sin.
26Leka Nai Terah in nan ton 70, in nahonis in anmone sin tenu, esle' Nai Abram, Nai Nahor ma Nai Haran.
Nai Terah in sufan
27Le i Nai Terah in sufan: Nai Terah nane Nai Abram, Nai Nahor ma Nai Haran sin amaf. Nai Haran in anmone kanan Nai Lot. 28Nai Haran anmate anbi in kuan, esle' Ur anbi Babilonia, anbi tabu in amaf fe anmoni. 29Nai Abram anmatsoa ai anmafe nok bi Sarai, ma Nai Nahor anmafe nok bi Milka Nai Haran in anfeto. Nai Haran fe anmu'i anmone bian in kanan Nai Yiska. 30Bi Sarai nane ka nahoni fa.
31Nai Terah anpoi nasaitan kot Ur anbi Babilonia, nok Nai Abram in anmone, Nai Lot in upuf, ma bi Sarai in nanef, Nai Abram in fenai. In ansali he nao neu pah Kanaan. Mes leka in antia pah Haran, sin namaika anbi nane. 32Ma anbi bale nane amsa Nai Terah in anmate leka in nan ton 205.
دیاریکراوەکانی ئێستا:
KEJADIAN 11: AOZ
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە