PIENCILNA 5
5
Adam’ Suonlehlahte, Noah le a Tate Dong
(1Khg 1:1-4)
1Tam pen Adam suonlehlahte’ khang laibu ahi hi. Pasien in mihing#5:1 Heb “adam” a siem lai-in ama in Pasien’ mel tawh kisunin amate#5:1 Heb “ama” a bawl hi. 2Ama in ama gel pasal le numei-in a na siem a, a kisiem hun lai-in ama gel “Mihing”#5:2 Heb “adam” ci-in na minvaw a, tuaci’n ama gel thupha a pie hi. #Pien 1:27-28#Mat 19:4; Mrk 10:6
3Adam kum za le kum sawmthum a phah ciengin a kisutpi, ama’ lim le mel a puo tapa khat nei a, a min Seth ahisah hi. 4Seth’ pa ahi zaw ciengin Adam kum zagiet sung a hing hi; ama in adang tanute le tapate nei hi. 5Tua bangin Adam hin sung teng zosie pen kum zakuo le sawmthum ahi hi; tuale ama a si hi.
6Seth kum za le kum nga sung a hin zaw ciengin ama pen Enosh’ pa a suoh hi. 7Enosh a suo zaw ciengin Seth kum zagiet le kum sawmthum hing a, tanu le tapate a nei hi. 8Tua bangin Seth’ khan sung teng zosie kum zakuo le kum sawm le ni ahi hi; tuale ama a si hi.
9Enosh kum sawmkuo sung a hin zaw ciengin Kenan’ pa a suoh hi. 10Kenan a suo zaw ciengin Enosh kum zagiet le sawm le nga hing a, tapa le tanute a nei hi. 11Tua bangin Enosh’ khan sung teng kum zakuo le nga ahi hi; tuale ama a si hi.
12Kenan kum sawmsagi a hin zaw ciengin Mahalalel’ pa a suoh hi. 13Mahalalel a suo zaw ciengin Kenan kum zagiet le kum sawmli hing a, tapate le tanute a nei hi. 14Tua bangin Kenan khan sung teng zosie kum zakuo le sawm ahi hi; tuale ama a si hi.
15Mahalalel kum sawmguh le nga a hin zaw ciengin Jared’ pa a suoh hi. 16Jared a suo zaw ciengin Mahalalel kum zagiet le sawmthum hing a, tapate le tanute a nei hi. 17Tua bangin Mahalalel’ khan sung teng zosie kum zagiet le sawmkuo le nga ahi hi; tuale ama a si hi.
18Jared kum za le kum sawmguh le ni a hin zaw ciengin Enoch’ pa a suoh hi. 19Enoch a suo zaw ciengin Jared kum zagiet hing a, tapate le tanute a nei hi. 20Tua bangin Jared khan sung teng zosie kum zakuo le sawmguh le ni ahi hi; tuale ama a si hi.
21Enoch kum sawmguh le nga a hin zaw ciengin Methuselah’ pa a suoh hi. 22Methuselah a suo zaw ciengin Pasien tawh Enoch kum zathum sung zawhton a, tapate le tanute a nei hi. 23Tua bangin Enoch’ khan sung teng zosie kum zathum le sawmguh le nga ahi hi. 24Pasien tawh Enoch a zawhton hi; tua ciengin Pasien in ama a lah ziehin ama om nawn lo hi.#Heb 11:5; Jude 14
25Methuselah kum za le sawmgiet a hin zaw ciengin ama pen Lamech’ pa a suoh hi. 26Lamech a suo zaw ciengin Methuselah kum zasagi le sawmgiet le ni hing a, tapate le tanute a nei hi. 27Tua bangin Methuselah khan sung teng zosie kum zakuo le sawmguh le kuo ahi hi; tuale ama a si hi.
28Lamech kum za le sawmgiet le ni a hin zaw ciengin tapa khat’ pa a suoh hi; 29ama in ama’ min Noah hisah a, “Topa samsietsa leitang panin tam mipa in i nasepna ule i khut tawh i sep uh gimnate panin ei nuomtuomsah ding hi,” a ci hi. 30Noah a suo zaw ciengin Lamech kum zanga le sawmkuo le nga hing a, tapate le tanute a nei hi. 31Tua bangin Lamech khan sung teng zosie kum zasagi le sawmsagi le sagi ahi hi; tuale ama a si hi.
32Noah kum zanga a phah zaw ciengin, Noah pen Shem, Ham, le Japheth-te’ pa a suoh hi.
دیاریکراوەکانی ئێستا:
PIENCILNA 5: ZBOTF01
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Zo Bible © Bible Society of Myanmar, 2018.