Matayo 11
11
1KOKO aki Yesu osiza lolaka bakimi’akae jom l’afe, aoliman’eko, wete alake lilako, ko asange nsango nd’enang’enkina.
2Aki Yoane ookaka nd’ilombe ya njanga, belemo bekamba Masiya, aotoma bakimi’akande bafe, 3aolokela, W’ol’ende oyei, la tolendeza onkina? 4Yesu aolamba, akela, Lokenda, losangele Yoane baoyi bandok’inyo la baoyi banden’inyo: 5bawaki’aiso bayene, betengu beyokende, baeka baofetswa, bakokinz’atoi bayoke, bawaki baetswa, ko bosako w’olotsi wongozama ele beola. 6Ko bonto ofene ncina ea ekunumwelo el’emi aosakema l’okako. 7Aki bant’ako okende, Yesu aanga losangela etukuluku e’anto nd’eloko ea Yoane, Ok’iny’ocwaka oena nd’etekeleke na? La bokombe bofuka l’ompompo nde? 8Lolo locwaki oena na? La bonto olota benkoto bi’esengo nde? Bala, iy’alota benkoto bi’esengo bale nda tolombe t’akulaka. 9Lolo locwaki lae? Oena boteli? Onde, ko nsangel’inyo, aolekola boteli. 10One wet’ende ok’iy’okotelaka,
Bala, ntom’ekima ekami nda joso j’elongi eke,
Ende ifeza mboka ekawe nda joso likawe.
11Nsosolo nsangel’inyo, l’iy’auma baotswaki l’amato, nk’onto olekola Yoane owa Wini: lolo osamba lokumo nda likulaka ja Nzakomba aololekol’ende. 12Lim’aki ekeke ea Yoane owa Wini kit’aeyoko likulaka ja loola jokandema la bolo, ko banto ba wale baokanda liko la bolo. 13Eki bateli bauma la bisekyelo otelaka lotelo elaka nko Yoane. 14Ko ayaka lolanga wae lambe joi line, one wae Eliya oyei. 15Ole la batoi bandoka, kel’ende okoza. 16Lolonde nsonganya banto ba eotswel’ene la na? Bale ngole banolu bakit’ase nd’itenela y’esombe, ko baetana, 17bakela, Tulelak’inyo, lolo inyo ntaloinaki boina; tolelaki el’inyo, lolo inyo ntalulaki nkimo ea lilelo. 18Yoane ayaki, ko ntaleki, ko ntamelaki, ko iyo bakela, Ende ale la demona. 19Bona ow’onto ayaki, ayole, ko ayomele, ko iyo bakela, Bala, bolei owa toma, la bomeli ow’asanga, boseka wa batakanyi ba mpuci la bant’obe. Lolonde wanya bolonga l’eketo bi’oko.
20Lim’ako aanga lofela ba benanga beki belemo bekande bi’ofilo beuke okambemaka: ek’iyo ntabaututala baoyi’obe. 21Elo ele we, Kolazina! Elo ele we, Betesaida! nga belemo bi’ofilo bekambemaki el’inyo bekambemaki nda Tula la Sidona, siki baututalaki baoyi’obe kalakala, nd’onyuku la betoko. 22Lolo nsangel’inyo, nda mbile e’etenelo e’akambo, umbelo ekinyo ifolekola umbelo ea Tula la Sidona. 23Ko we, Kapalanauma, w’osangema nda loola, lolo w’ifokitezama nda Adese; nga belemo bi’ofilo bekambemaki ele we bekambemaki nda Sodomo, siki bonang’oko bol’eko nk’aeyoko. 24Lolo nsangel’inyo nda mbile e’etenelo e’akambo, umbelo eke ifolekola umbelo ea Sodomo.
25Nd’ekek’eko, Yesu aolamba, akela, Nkomemya we, Fafa, Nkolo ea loola l’okili, eki w’iselaka ba wanya la bandekeli baoyi’ane, ko w’eneyaki tonkune; 26Onde, Fafa, eki w’osimak’eleng’eko bolotsi. 27Baoyi’auma baokaem’el’emi lim’ele Fafa ekami; ko nk’onto ondea Bona, imola nk’Ise; ko nk’onto ondea Ise, imola nko Bona, la bonto oe Bona olanga wae aeney’ende. 28Iny’akamb’elemo bauma, la bandok’olito, loyak’el’emi, ko njifomy’inyo jomo. 29Loamana l’emi nd’eamanelo ekami, ko lolakeme l’emi; el’emi nde wae bongengo la linsimi nd’otema, ko lifotana jomo nda belimo’ekinyo.
30Ele eamanelo ekami efa bolo, ko bolito’okami bole salisali.
دیاریکراوەکانی ئێستا:
Matayo 11: NTMN58
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Bonkanda Wa Nzakomba W’aeyoko © Aliiance Biblique de la RD Congo, 1958.