उत्पत्ति 15
15
परमेश्वरं अब्रामलिसे बाचा चिनादीगु
1थथे जूगुयां छुं ई लिपा परमप्रभुं अब्रामयात दर्शन बियाः थथे धयादिल,
“ग्याये मते अब्राम।
जिं छन्त बचय् याये।
जिं छन्त तःधंगु सिरपाः बी।”
2अब्रामं लिसः बिल, “हे परमप्रभु परमेश्वर, मचा हे मदय्क छिं जितः छु तःधंगु सिरपाः बियादी? जि सी धुंकाः जिगु फुक्क सम्पत्ति दमस्कसयाम्ह एलीएजरं काइ। 3छिं जितः छम्ह हे मचा बियामदी। अले जिम्ह थ्व दासं जिगु फुक्क सम्पत्ति काइ।”
4अले परमप्रभुं वयात धयादिल, “एलीएजर छंगु सम्पत्ति काइम्ह मनू जुइ मखु। छं थः हे काय् दइ। अले छंगु फुक्क हक वं हे काइ।” 5परमप्रभुं अब्रामयात पिने हयाः धयादिल, “आकाशय् स्व, अले नगुत ल्याः खाना स्व, छं ल्याः खाये फु ला?” वय्कलं हानं धयादिल, “छं सन्तान नं उलि हे दइ।”
6अले अब्रामं परमप्रभुयात विश्वास यात। परमप्रभुं वयात धर्मी मनूया ल्याखय् तयादिल।
7वय्कलं वयात धयादिल, “छन्त थ्व थाय् बीत कल्दीतय्गु ऊरं थन हयाम्ह परमप्रभु जि हे खः।”
8अब्रामं धाल, “परमप्रभु परमेश्वर, थ्व थाय् जिगु जुइ धकाः जिं गय् यानाः सीकेगु?”
9परमप्रभुं धयादिल, “जितः स्वदँ दुम्ह सा छम्ह, स्वदँ दुम्ह च्वलय् छम्ह, स्वदँ दुम्ह छम्ह फै, छम्ह सुकुभत्तु व छम्ह मचाम्ह बखुं हति।” 10अब्रामं फुक्कं हल। अले वं इमित बाम्हय् लाक्क पालाः निकू निकू यानाः जवय् खवय् लाकाः तयाबिल। वं सुकुभत्तु व बखुंयात धाःसा निकू मयाः। 11गिद्धत स्यानातःपिं पशुपंछिया ला नयेत कुहां वःबलय् अब्रामं इमित ख्यानाछ्वत।
12निभाः बीथे च्वंकाः अब्रामयात छुं हे मचाय्क न्ह्यः वय्काबिल। अले वयात तसकं ख्वातुगु व ग्यानापुगु खिउँनं त्वपुल। 13अले परमप्रभुं अब्रामयात धयादिल, “थ्व खँ थुइकाति, छिमि सन्तान कर्पिनिगु देशय् परदेशी जुयाः च्वंवने माली, अले इपिं अन प्यसः दँ तक दास दासी जुयाः क्वत्यय्काः च्वनेमाली। 14जिं इमित दास दासी याःपिं जातियात सजाँय बी। अले इपिं अनं यक्व धनसम्पत्ति ज्वनाः पिहां वइ। 15छ जक छिमि तापाःबाज्यापिन्थाय् याउँक च्वंवनी। गाक्क बुरा जुइ धुंकाः छन्त थुनेयनी। 16प्यंगू पुस्ता लिपा छिमि सन्तान थन लिहां वइ। उबलय्तक एमोरीतय्गु पाप जाइ मखुनि।”
17निभाः बिनाः खिउँसे च्वन। अबलय् अब्रामं निब्व थलाः तयातःगु लाया दथुं कुँ पिहां वयाच्वंगु छगः मकः व च्यानाच्वंगु मिप्वाः छप्वाः वंगु खन। 18अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्व देशत बियागु दु – 19केनी, कनज्जी, कदमोनी, 20हित्ती, परिज्जी, रपाई, 21एमोरी, कनानी, गिर्गाशी व यबूसीतय्गु देश।”
دیاریکراوەکانی ئێستا:
उत्पत्ति 15: NEW
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2024 Nepal Bible Society, Newa Christian
Literature Center and Wycliffe Bible Translators, Inc.