Yʊháánɩ Naanɩ́ na ɖɩbáázɩ nɛ́
Naanɩ́ na ɖɩbáázɩ nɛ́
Tákaraɖá kɩna kɩ́nŋmatɩ́ Ɖádʊ́ʊ Yeésu Krísto-dɛ́ɛ tɔ́m gɛ. Yʊháánɩ waaŋmaa ná kɩ. Njííla-dɛ́ɛ tákaraɖá naaza ńgɩ nbɩlɛ́. Yʊháánɩ weení waaŋmáa kɩ nɛ́ fʊngɛ́ɛ Ɖádʊ́ʊ Yeésu Krísto-dɛ́ɛ tɩndʊ́ʊ gɛ. Wenbí Yeésu waalá bɩ adɛ laadɔ́ɔ-rɔ cé nɛ́-dɛ́ɛ tɔ́m gɛ waaŋmátɩ.
Ɩdɛ́ɛ ŋmáádɩ-daá nɛ́, wɔɔzɔ́ɔ́lɩ ɩwɩ́lɩ wenbá barɩ́ŋa sɩ bakála kɩ nɛ́ sɩsɩ Yeésu kɛ́ɛ na Krísto yáá Mesíya, bugutoluú sɩsɩ Lɛɛrʊ́ weení Ɩsɔ́ɔ weegédíri yɩ nɛ́. Ɩgɛ́ɛ Ɩsɔ́ɔ Biyaalʊ́ gɛ; ngɛ wɔɔgɔ́nɩ ɖúúlínya-daá gɛ sɩsɩ iyéle ɩráa ɩtɩlɩ́ toovonúm, bɩka ɩwɩ́lɩ wɛ nɩ́bááwʊ kínbonáa weezuú-daá nɛ́. Ɩrʊ́ weení ɩrɩ́ŋa waava yɩ toovonúm nɛ́, bʊdʊ́ʊ tɛ́ndɛlɛ́ŋ kɛtɛngɛrɛ, amá, wónÿuúu weezuú kɩ́dɛ́ndɛŋ́ nɛ́.
Yʊháánɩ wánwɩlɩ́ɩ tákaraɖá kɩna kɩdaá sɩsɩ tɩmɛ́ kʊ́bɔná Yeésu waalá nɛ́ waabá gɛ aɖɔ́ɔ: bɛɛ maamááciwá na mááɖéwá. Ngɛ a bɔɔdɔ́ sɩsɩ baŋmáa arɩ́ŋa tákaraɖáwá-daá, ɖúúlínya kɩna kɩ́dɔnmɔwʊ́ na basɩ́ɩ tɩ. Tɩmɛ́ amʊ́ ánwɩlɩ́ɩ kʊ sɩsɩ Yeésu ɩbá ɩgɛ́ɛ Ɩsɔ́ɔ Biyaalʊ́ toovonúm.
دیاریکراوەکانی ئێستا:
Yʊháánɩ Naanɩ́ na ɖɩbáázɩ nɛ́: TEM
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2019, ABTem. All rights reserved.