Gwere: Endagaano Empyaka Omu Lugwere (Bible)

Endagaano Empyaka Omu Lugwere

<div class="version vid2299 iso6393gwr" data-vid="2299" data-iso6393="gwr">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s1">Okusalira abantu emisango</div><div class="r">(Luk 6:37-38,41-42)</div><div class="p"> 1Awo oYesu ni yeeyongera okwegesya abeegibe ati, &#8220;Timusaliranga abantu emisango, kaisi nywena oKibbumba tiyabasalira. 2Ekyo kityo olw&#700;okubba, ng&#700;owemusalira abandi emisango, nywena webalibasalira. Era ekipimo ekimukolesya omu kusalira abandi emisango, niikyo ekinanyere ekyo ekibalikolesya okubasalira nywena emisango.#Mak 4:24 3Kale lwaki ofaayo oku kasubi akali oku liiso ly&#700;omugandawo, kaisi nandi n&#700;ofaayo oku gusubi oguli oku liisolyo? 4Oyezya otya okukoba omugandawo oti, &#8216;Oleke nkutooleku akasubi oku liisolyo,&#8217; kaisi ng&#700;oku liryo kuliku ogusubi? 5Munanfunsi iwe, osooke kutoola gusubi oguli oku liryo, olwo kaisi oyezye okubona nakusani okutoola akasubi akali oku liiso ly&#700;omugandawo.&#8221;</div><div class="p"> 6Era oYesu n&#700;akoba ati, &#8220;Ekibono kya Kibbumba tiweegumyanga okukyegesya abantu abakinyooma era abatataka okuwulisisya. Ekyo kityo olw&#700;okubba kiri ooti kukwata kintu ekitukulye n&#700;okiwa embwa kaisi igyo ni gigaluka gikuluma-bulumi. Era kiri ooti kukwata mabbaalego ag&#700;ebbeeyi n&#700;ogamumira embiizi kaisi igyo ni gigafutyanka-bufutyanki.&#8221;</div><div class="s1">Okusaba, n&#700;okunoonia, n&#700;okukonkona</div><div class="r">(Luk 11:9-13)</div><div class="p"> 7Awo oYesu ni yeeyongera ati, &#8220;Musabenge, era balibawa; Munoonienge, era mwalibona; Mukonkonenge oku lwigi, era balibaigulirawo. 8Ekyo kityo olw&#700;okubba nabuli asaba asuna, era oyo anoonia abona, n&#700;oyo akonkona oku lwigi bamwigulirawo. 9Era naani kwinywe awa omwanawe eibbaale ng&#700;amusabire kyokulya, 10ooba amuwa ompiri omukifo kya nyanyi ogwabba amusabire? 11Kale obanga inywe abakola ebibbibibbi mumaite okuwa abaana baanywe ebirabo ebisa, kaisi oItewaanywe ow&#700;omwigulu tiyalikiraku ino okuwa ebirabo ebisa abo ababimusaba?&#8221;</div><div class="p"> 12Era n&#700;akoba ati, &#8220;Kale atyanu byonabyona ebimutaka abandi babakolere inywe, aale nywena mubibakolerenge. Ekyo niikyo aMateeka n&#700;enjegesya y&#700;abanaabbi ekibikoba omu bumpi.&#8221;#Luk 6:31</div><div class="s1">Omulyango omudii&#331;i</div><div class="r">(Luk 13:24)</div><div class="p"> 13Awo oYesu ni yeeyongera ati, &#8220;Mwingirire mu mulyango omudii&#331;i, olw&#700;okubba omulyango ogwingira omu kujigirika igwo mugalami, n&#700;enzira eyabayo ngalami, era bangi abagibitamu. 14Neye omulyango ogwingira omu bwomi igwo mudii&#331;i, era n&#700;enzira eyabayo ndii&#331;i, era abagibona batono.&#8221;</div><div class="s1">Omusaale n&#700;ebineneka byagwo</div><div class="r">(Luk 6:43-44)</div><div class="p"> 15Era oYesu ni yeeyongera ati, &#8220;Mwekuume abanaabbi ab&#700;obubbeyi. Baiza egimuli ng&#700;oku ngulu baboneka ooti tibakabbikabbi ooti ntaama, neye ng&#700;omunda bali ooti misege egiiza okunyaga. 16Mwalibategeerera ku bikole byabwe. Abantu banokola ebineneka by&#700;emizabbibbu oku mukamirya, ooba banokola ebineneka by&#700;emitiini oku namuswata?&#8221; </div><div class="p"> 17Era n&#700;akoba ati, &#8220;N&#700;omu ngeri enanyere eyo, omusaale omusa guneneka bineneka ebisa, neye omusaale omubbimubbi guneneka bineneka ebibbibibbi. 18Omusaale omusa tiguneneka ebineneka ebibbibibbi, n&#700;omusaale omubbimubbi tiguneneka ebineneka ebisa. 19Nabuli musaale ogutaneneka ebineneka ebisa bagutema, ni bagudyaka omu musyo.#Mat 3:10; Luk 3:9</div><div class="p"> 20&#8220;Kale atyanu, mwalibategeerera ku bikole byabwe.&#8221;#Mat 12:33</div><div class="s1">Timbamaite</div><div class="r">(Luk 13:25-27)</div><div class="p"> 21Awo oYesu ni yeeyongera ati, &#8220;Tibuli muntu anjeta ati, &#8216;Musengwa, Musengwa,&#8217; nti yalingira omu bwakabaka bw&#700;omwigulu, okutoolaku oyo iye akola oBbaabba aali omwigulu ebyataka. 22Oku lunaku olw&#700;enkomerero, bangi balinkoba bati, &#8216;Musengwa, Musengwa, titwalaabbanga omu liinalyo? Titwabbinganga emizimu oku bantu nga tukolesya eriinalyo? Era titwakolanga ebyewunyo bingi omu liinalyo?&#8217; 23Neye nze nalibakoba lwatu nti, &#8216;Inywe timbamaite. Muzwe n&#700;egyendi inywe abakola ebibbibibbi.&#8217; &#8221;#Zab 6:8</div><div class="s1">Abombeki ababiri</div><div class="r">(Luk 6:47-49)</div><div class="p"> 24Awo oYesu n&#700;amaliirirya okwegesya abeegibe ati, &#8220;Kale atyanu nabuli muntu awulira ebibono byange ebyo, era n&#700;abikoreraku, abba ooti musaiza ow&#700;amalabuki, eyayombekere enyumbaye okwibbaale. 25Oikendi yatoonyere, omukula ni gubanda enyumba eyo, n&#700;ompunga n&#700;agifuwa, neye nandi n&#700;egwa olw&#700;okubba bagyombekere ng&#700;omusingi guli kwibbaale.</div><div class="p"> 26&#8220;Neye nabuli muntu awulira ebibono byange ebyo, nandi n&#700;abikoleraku, abba ooti musaiza omusirusiru eyayombekere enyumbaye oku musenye. 27Oikendi yatoonyere, omukula ni gubanda enyumba eyo, n&#700;ompunga n&#700;agifuwa, era n&#700;egwa, n&#700;eweera okwitakali.&#8221;</div><div class="s1">Obwezye bwa Yesu</div><div class="p"> 28Kale awo oYesu oweyamalire okutumula ebyo, ekiziima ky&#700;abantu ni kyewunya ino engeri egyayegesyamu, 29olw&#700;okubba yayegesyanga ng&#700;onanyere obwezye, neye nga tali ooti bakugu baabwe ab&#700;aMateeka.#Mak 1:22; Luk 4:32</div>
 </div>
 </div>
</div>

Awo oYesu ni yeeyongera okwegesya abeegibe ati, “Timusaliranga abantu emisango, kaisi nywena oKibbumba tiyabasalira. Ekyo kityo olwʼokubba, ngʼowemusalira abandi emisango, nywena webalibasalira. Era ekipimo ekimukolesya omu kusalira abandi emisango, niikyo ekinanyere ekyo ekibalikolesya okubasalira nywena emisango. Kale lwaki ofaayo oku kasubi akali oku liiso lyʼomugandawo, kaisi nandi nʼofaayo oku gusubi oguli oku liisolyo? Oyezya otya okukoba omugandawo oti, ‘Oleke nkutooleku akasubi oku liisolyo,’ kaisi ngʼoku liryo kuliku ogusubi? Munanfunsi iwe, osooke kutoola gusubi oguli oku liryo, olwo kaisi oyezye okubona nakusani okutoola akasubi akali oku liiso lyʼomugandawo.”
Era oYesu nʼakoba ati, “Ekibono kya Kibbumba tiweegumyanga okukyegesya abantu abakinyooma era abatataka okuwulisisya. Ekyo kityo olwʼokubba kiri ooti kukwata kintu ekitukulye nʼokiwa embwa kaisi igyo ni gigaluka gikuluma-bulumi. Era kiri ooti kukwata mabbaalego agʼebbeeyi nʼogamumira embiizi kaisi igyo ni gigafutyanka-bufutyanki.”


Awo oYesu ni yeeyongera ati, “Musabenge, era balibawa; Munoonienge, era mwalibona; Mukonkonenge oku lwigi, era balibaigulirawo. Ekyo kityo olwʼokubba nabuli asaba asuna, era oyo anoonia abona, nʼoyo akonkona oku lwigi bamwigulirawo. Era naani kwinywe awa omwanawe eibbaale ngʼamusabire kyokulya, ooba amuwa ompiri omukifo kya nyanyi ogwabba amusabire? Kale obanga inywe abakola ebibbibibbi mumaite okuwa abaana baanywe ebirabo ebisa, kaisi oItewaanywe owʼomwigulu tiyalikiraku ino okuwa ebirabo ebisa abo ababimusaba?”
Era nʼakoba ati, “Kale atyanu byonabyona ebimutaka abandi babakolere inywe, aale nywena mubibakolerenge. Ekyo niikyo aMateeka nʼenjegesya yʼabanaabbi ekibikoba omu bumpi.”


Awo oYesu ni yeeyongera ati, “Mwingirire mu mulyango omudiiŋi, olwʼokubba omulyango ogwingira omu kujigirika igwo mugalami, nʼenzira eyabayo ngalami, era bangi abagibitamu. Neye omulyango ogwingira omu bwomi igwo mudiiŋi, era nʼenzira eyabayo ndiiŋi, era abagibona batono.”


Era oYesu ni yeeyongera ati, “Mwekuume abanaabbi abʼobubbeyi. Baiza egimuli ngʼoku ngulu baboneka ooti tibakabbikabbi ooti ntaama, neye ngʼomunda bali ooti misege egiiza okunyaga. Mwalibategeerera ku bikole byabwe. Abantu banokola ebineneka byʼemizabbibbu oku mukamirya, ooba banokola ebineneka byʼemitiini oku namuswata?”
Era nʼakoba ati, “Nʼomu ngeri enanyere eyo, omusaale omusa guneneka bineneka ebisa, neye omusaale omubbimubbi guneneka bineneka ebibbibibbi. Omusaale omusa tiguneneka ebineneka ebibbibibbi, nʼomusaale omubbimubbi tiguneneka ebineneka ebisa. Nabuli musaale ogutaneneka ebineneka ebisa bagutema, ni bagudyaka omu musyo.
“Kale atyanu, mwalibategeerera ku bikole byabwe.”


Awo oYesu ni yeeyongera ati, “Tibuli muntu anjeta ati, ‘Musengwa, Musengwa,’ nti yalingira omu bwakabaka bwʼomwigulu, okutoolaku oyo iye akola oBbaabba aali omwigulu ebyataka. Oku lunaku olwʼenkomerero, bangi balinkoba bati, ‘Musengwa, Musengwa, titwalaabbanga omu liinalyo? Titwabbinganga emizimu oku bantu nga tukolesya eriinalyo? Era titwakolanga ebyewunyo bingi omu liinalyo?’ Neye nze nalibakoba lwatu nti, ‘Inywe timbamaite. Muzwe nʼegyendi inywe abakola ebibbibibbi.’ ”


Awo oYesu nʼamaliirirya okwegesya abeegibe ati, “Kale atyanu nabuli muntu awulira ebibono byange ebyo, era nʼabikoreraku, abba ooti musaiza owʼamalabuki, eyayombekere enyumbaye okwibbaale. Oikendi yatoonyere, omukula ni gubanda enyumba eyo, nʼompunga nʼagifuwa, neye nandi nʼegwa olwʼokubba bagyombekere ngʼomusingi guli kwibbaale.
“Neye nabuli muntu awulira ebibono byange ebyo, nandi nʼabikoleraku, abba ooti musaiza omusirusiru eyayombekere enyumbaye oku musenye. Oikendi yatoonyere, omukula ni gubanda enyumba eyo, nʼompunga nʼagifuwa, era nʼegwa, nʼeweera okwitakali.”

Kale awo oYesu oweyamalire okutumula ebyo, ekiziima kyʼabantu ni kyewunya ino engeri egyayegesyamu, olwʼokubba yayegesyanga ngʼonanyere obwezye, neye nga tali ooti bakugu baabwe abʼaMateeka.

گوێگرتن لە Matayo 7