Gwere: Endagaano Empyaka Omu Lugwere (Bible)

Endagaano Empyaka Omu Lugwere

<div class="version vid2299 iso6393gwr" data-vid="2299" data-iso6393="gwr">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s1">Okugabira abadoobi</div><div class="p"> 1Awo oYesu ni yeeyongera ati, &#8220;Mwegendereze okutakolanga ebikole byanywe ebyobutuukirirye omu lwatu kaisi abantu bababone. Singa mukola mutyo, oItewaanywe oKibbumba aali omwigulu tiyalibawa empeera.#Mat 23:5 2Kale owemugabiranga abadoobi, timwewuujanga ooti bananfunsi owebakola omu makumbaaniro n&#700;omu nguudo, kaisi abantu babawe ekitiisya. Mbakobera amazima nti, empeera yaabwe ey&#700;okusuna ekitiisya omu bantu babba bagisunire mu bwizulye. 3Neye iwe owoogabiranga abadoobi, tokimanyikisyanga omuntu ogondi yenayena, 4olw&#700;okugabakwo okubba kw&#700;ekyama. Olwo kaisi oIteewo oKibbumba abona ebikole by&#700;omu kyama yalikuwa empeera.&#8221;</div><div class="s1">Engeri y&#700;okusaba oKibbumba</div><div class="r">(Luk 11:2-4)</div><div class="p"> 5Awo era oYesu ni yeeyongera ati, &#8220;Era owemubbanga musaba oKibbumba, timwabbanga ooti bananfunsi, olw&#700;okubba ibo bataka okusaba nga beemereire omu makumbaaniro n&#700;omu mansanganzira g&#700;enguudo, kaisi abantu bababone. Mbakobera amazima nti empeera yaabwe ey&#700;okusuna ekitiisya omu bantu babba bagisunire mu bwizulye.#Luk 18:10-14 6Neye owekubba kusaba, oingirenge omu kisengekyo, n&#700;oigalawo olwigi, kaisi n&#700;osaba oIteewo oKibbumba iye ataboneka. Era oIteewo oyo abona ebikole by&#700;omu kyama yalikuwa empeera.</div><div class="p"> 7&#8220;Era owemubbanga musaba, timwakolesyanga ebibono ebingi ebinambulamu makulu ooti bantu abataikiririrya omu Kibbumba owebakola. Ekyo kityo olw&#700;okubba baseega bati abakibbumba baabwe babawulira lw&#700;ebibono byabwe ebingi. 8Kale inywe timwasabanga ooti niibo, olw&#700;okubba oItewaanywe amaite ebimwetaaga, nga mukaali n&#700;okumusaba.</div><div class="p"> 9&#8220;Kale atyanu mumusabenge muti,</div><div class="q2">&#8216;Itewaiswe aali omwigulu, eriinalyo baliwe ekitiisya,</div><div class="q1"> 10obwakabakabwo bwize.</div><div class="q1">Ebyotaka babikole oku kyalo</div><div class="q2">ng&#700;owebabikola omwigulu.</div><div class="q1"> 11Otuwe nabuli lunaku ekyokulya ekitwetaaga.</div><div class="q1"> 12Era otusoniye ebibbibibbi byaiswe,</div><div class="q2">nga swena owetusoniya</div><div class="q1">abatukola ebitulumya.</div><div class="q1"> 13Era tiwatuleka okugwa omu bikemo,</div><div class="q1">wazira otulamye eeri omubbimubbi.</div><div class="q">[Ibwo obwakabaka, n&#700;obwezye n&#700;ekitiisya bibyo emirembe n&#700;emirembe. Amiina].&#8217;#6:13 EBiwandiike ebimo eby&#700;eira bibulamu ebibono ebiri omu [ ]</div><div class="p"> 14&#8220;Singa musoniya abantu ababakola ebibalumirirya, oItewaanywe aali omwigulu nywena abasoniya. 15Neye singa timubasoniya, oItewaanywe yena tabasoniya ebikole byanywe ebibbibibbi.&#8221;#Mak 11:25-26</div><div class="s1">Okusiiba</div><div class="p"> 16Awo era oYesu ni yeeyongera ati, &#8220;Era owemusiibanga, timwabbanga bayungubali omumaiso ooti bananfunsi owebabba, olw&#700;okubba ibo bayungubala kaisi abantu bababone bati basiiba. Mbakobera amazima nti babba bamalire okusuna empeera yaabwe omu bwizulye ey&#700;okusuna ekitiisya omu bantu. 17Neye inywe owekubba kusiiba, musanyuluzenge enziiri gyanywe, ni munaaba n&#700;omumaiso. 18Mukolenge mutyo kaisi abantu nandi ni bayezya okumanya bati musiiba, okutoolaku oItewaanywe iye ataboneka. Era oItewaanywe iye abona omu kyama, inywe yalibawa empeera.&#8221;</div><div class="s1">Obusuni omwigulu</div><div class="r">(Luk 12:33-34)</div><div class="p"> 19Awo oYesu ni yeeyongera okutumula n&#700;abeegibe ati, &#8220;Timwebisiranga obusuni oku kyalo kunu ebiwuuka n&#700;okutalaga okubyezya okububebenyera, era abaibbi e gibayezya okuvuna ni babwibba.#Yak 5:2-3 20Neye mwebisirenge obusuni mwigulu, ebiwuuka n&#700;okutalaga e gibitayezya okububebenyera, era abaibbi e gibatayezya okuvuna ni babwibba. 21Ekyo kityo olw&#700;okubba obusunibwo e gibubba, n&#700;omwoyogwo gwona niiyo e gigubba.&#8221;</div><div class="s1">Ekitangaala ky&#700;omubiri</div><div class="r">(Luk 11:34-36)</div><div class="p"> 22Awo oYesu ni yeeyongera ati, &#8220;Era amaiso gali ooti itaala ly&#700;omubiri. Kale singa amaisogo gabba moomi, omubirigwo gwonagwona gwizula ekitangaala. 23Neye amaisogo singa tigabba moomi, omubirigwo gwonagwona gwizula ndikiirya. Kale singa ekitangaala mwiwe kibba ndikiirya, leero endikiirya eyo ebba yenkana etya!&#8221;</div><div class="s1">Okwesiga oKibbumba</div><div class="r">(Luk 16:13; 12:22-31)</div><div class="p"> 24Awo oYesu ni yeeyongera okwegesya ati, &#8220;Mpaawo muweererya ayezya okuweererya abasengwa ababiri. Kiri kiti, ali n&#700;okulaga okutaka kunene eeri omoiza okukiraku eeri ogondi, ooba yalyesibira oku moiza, n&#700;atala ogondi. Kale tikyezeka okubba n&#700;oKibbumba aamo n&#700;empiiya byombi nga basengwabo.</div><div class="p"> 25&#8220;Kagira mbakoba nti timweraliikiriranga omu bwomi bwanywe olw&#700;ekyokulya ooba ekyokunywa newankubbaire olw&#700;ekyokuzwala. Ekyo kityo olw&#700;okubba obwomi ibwo bw&#700;ebbeeyi okukiraku ekyokulya. Era n&#700;omubiri gwona gw&#700;ebbeeyi okukiraku ebyokuzwala. 26Aale mubone enyonyi, igyo tigisiga, waire kukungula tigikungula, era tigibba kadi n&#700;ekideero. Neye oItewaanywe aali omwigulu agiwa ekyokulya. Olwo inywe timuli bamugaso ino okukiraku enyonyi? 27Era naani kwinywe oweyeeraliikirira, ayezya okwongeraku waire ekiseera ekityai kiti oku kuwangaalakwe?</div><div class="p"> 28&#8220;Era lwaki mweraliikirira olw&#700;ebizwalo? Aale kaade mubonere oku ngeri ebimuli egibikulamu. Cooka ibyo tibikola waire kwetungira bizwalo. 29Neye mbakobera nti n&#700;ewankubbaire okabaka oSulemaani omu kitiisyakye kyonakyona, tiyazwaireku okuboneka nakusani okutuukiryaku ng&#700;ebimuli owebibba.#1Ba 10:4-7; 2Mi 9:3-6 30Neye obanga oKibbumba azwalisya nakusani atyo ebimuli ibyo ebibbaawo atyanu eizo ni babyoca, tiyalikiraku ino okubazwalisya inywe abaliku n&#700;okwikirirya okutono?</div><div class="p"> 31&#8220;Kale timweraliikiriranga nga mukoba muti, &#8216;Twalya niki?&#8217; ooba muti, &#8216;Twanywa niki?&#8217; ooba muti, &#8216;Twazwala niki?&#8217; 32Ekyo kityo olw&#700;okubba ibyo ebyo byonabyona abantu abataikirirya omu Kibbumba niibyo ebibeemaliramu, neye inywe iye oItewaanywe ow&#700;omwigulu amaite ati ebyo byonabyona mubyetaaga. 33Neye ekikira nakimo, mwemalirenge mu kunoonia bwakabaka bwa Kibbumba era n&#700;ebyataka mukole, kaisi era musune byonabyona ebyo ebimwetaaga. 34Kale timweraliikiriranga olw&#700;ebyabbaawo eizo. Eizo lwabba n&#700;ebyokweraliikirira ebyalwo. Nabuli lunaku lubbaaku ebyokweraliikirira ebyalwo.&#8221;</div>
 </div>
 </div>
</div>

Awo oYesu ni yeeyongera ati, “Mwegendereze okutakolanga ebikole byanywe ebyobutuukirirye omu lwatu kaisi abantu bababone. Singa mukola mutyo, oItewaanywe oKibbumba aali omwigulu tiyalibawa empeera. Kale owemugabiranga abadoobi, timwewuujanga ooti bananfunsi owebakola omu makumbaaniro nʼomu nguudo, kaisi abantu babawe ekitiisya. Mbakobera amazima nti, empeera yaabwe eyʼokusuna ekitiisya omu bantu babba bagisunire mu bwizulye. Neye iwe owoogabiranga abadoobi, tokimanyikisyanga omuntu ogondi yenayena, olwʼokugabakwo okubba kwʼekyama. Olwo kaisi oIteewo oKibbumba abona ebikole byʼomu kyama yalikuwa empeera.”


Awo era oYesu ni yeeyongera ati, “Era owemubbanga musaba oKibbumba, timwabbanga ooti bananfunsi, olwʼokubba ibo bataka okusaba nga beemereire omu makumbaaniro nʼomu mansanganzira gʼenguudo, kaisi abantu bababone. Mbakobera amazima nti empeera yaabwe eyʼokusuna ekitiisya omu bantu babba bagisunire mu bwizulye. Neye owekubba kusaba, oingirenge omu kisengekyo, nʼoigalawo olwigi, kaisi nʼosaba oIteewo oKibbumba iye ataboneka. Era oIteewo oyo abona ebikole byʼomu kyama yalikuwa empeera.
“Era owemubbanga musaba, timwakolesyanga ebibono ebingi ebinambulamu makulu ooti bantu abataikiririrya omu Kibbumba owebakola. Ekyo kityo olwʼokubba baseega bati abakibbumba baabwe babawulira lwʼebibono byabwe ebingi. Kale inywe timwasabanga ooti niibo, olwʼokubba oItewaanywe amaite ebimwetaaga, nga mukaali nʼokumusaba.
“Kale atyanu mumusabenge muti,
‘Itewaiswe aali omwigulu, eriinalyo baliwe ekitiisya,
obwakabakabwo bwize.
Ebyotaka babikole oku kyalo
ngʼowebabikola omwigulu.
Otuwe nabuli lunaku ekyokulya ekitwetaaga.
Era otusoniye ebibbibibbi byaiswe,
nga swena owetusoniya
abatukola ebitulumya.
Era tiwatuleka okugwa omu bikemo,
wazira otulamye eeri omubbimubbi.
[Ibwo obwakabaka, nʼobwezye nʼekitiisya bibyo emirembe nʼemirembe. Amiina].’
“Singa musoniya abantu ababakola ebibalumirirya, oItewaanywe aali omwigulu nywena abasoniya. Neye singa timubasoniya, oItewaanywe yena tabasoniya ebikole byanywe ebibbibibbi.”

Awo era oYesu ni yeeyongera ati, “Era owemusiibanga, timwabbanga bayungubali omumaiso ooti bananfunsi owebabba, olwʼokubba ibo bayungubala kaisi abantu bababone bati basiiba. Mbakobera amazima nti babba bamalire okusuna empeera yaabwe omu bwizulye eyʼokusuna ekitiisya omu bantu. Neye inywe owekubba kusiiba, musanyuluzenge enziiri gyanywe, ni munaaba nʼomumaiso. Mukolenge mutyo kaisi abantu nandi ni bayezya okumanya bati musiiba, okutoolaku oItewaanywe iye ataboneka. Era oItewaanywe iye abona omu kyama, inywe yalibawa empeera.”


Awo oYesu ni yeeyongera okutumula nʼabeegibe ati, “Timwebisiranga obusuni oku kyalo kunu ebiwuuka nʼokutalaga okubyezya okububebenyera, era abaibbi e gibayezya okuvuna ni babwibba. Neye mwebisirenge obusuni mwigulu, ebiwuuka nʼokutalaga e gibitayezya okububebenyera, era abaibbi e gibatayezya okuvuna ni babwibba. Ekyo kityo olwʼokubba obusunibwo e gibubba, nʼomwoyogwo gwona niiyo e gigubba.”


Awo oYesu ni yeeyongera ati, “Era amaiso gali ooti itaala lyʼomubiri. Kale singa amaisogo gabba moomi, omubirigwo gwonagwona gwizula ekitangaala. Neye amaisogo singa tigabba moomi, omubirigwo gwonagwona gwizula ndikiirya. Kale singa ekitangaala mwiwe kibba ndikiirya, leero endikiirya eyo ebba yenkana etya!”


Awo oYesu ni yeeyongera okwegesya ati, “Mpaawo muweererya ayezya okuweererya abasengwa ababiri. Kiri kiti, ali nʼokulaga okutaka kunene eeri omoiza okukiraku eeri ogondi, ooba yalyesibira oku moiza, nʼatala ogondi. Kale tikyezeka okubba nʼoKibbumba aamo nʼempiiya byombi nga basengwabo.
“Kagira mbakoba nti timweraliikiriranga omu bwomi bwanywe olwʼekyokulya ooba ekyokunywa newankubbaire olwʼekyokuzwala. Ekyo kityo olwʼokubba obwomi ibwo bwʼebbeeyi okukiraku ekyokulya. Era nʼomubiri gwona gwʼebbeeyi okukiraku ebyokuzwala. Aale mubone enyonyi, igyo tigisiga, waire kukungula tigikungula, era tigibba kadi nʼekideero. Neye oItewaanywe aali omwigulu agiwa ekyokulya. Olwo inywe timuli bamugaso ino okukiraku enyonyi? Era naani kwinywe oweyeeraliikirira, ayezya okwongeraku waire ekiseera ekityai kiti oku kuwangaalakwe?
“Era lwaki mweraliikirira olwʼebizwalo? Aale kaade mubonere oku ngeri ebimuli egibikulamu. Cooka ibyo tibikola waire kwetungira bizwalo. Neye mbakobera nti nʼewankubbaire okabaka oSulemaani omu kitiisyakye kyonakyona, tiyazwaireku okuboneka nakusani okutuukiryaku ngʼebimuli owebibba. Neye obanga oKibbumba azwalisya nakusani atyo ebimuli ibyo ebibbaawo atyanu eizo ni babyoca, tiyalikiraku ino okubazwalisya inywe abaliku nʼokwikirirya okutono?
“Kale timweraliikiriranga nga mukoba muti, ‘Twalya niki?’ ooba muti, ‘Twanywa niki?’ ooba muti, ‘Twazwala niki?’ Ekyo kityo olwʼokubba ibyo ebyo byonabyona abantu abataikirirya omu Kibbumba niibyo ebibeemaliramu, neye inywe iye oItewaanywe owʼomwigulu amaite ati ebyo byonabyona mubyetaaga. Neye ekikira nakimo, mwemalirenge mu kunoonia bwakabaka bwa Kibbumba era nʼebyataka mukole, kaisi era musune byonabyona ebyo ebimwetaaga. Kale timweraliikiriranga olwʼebyabbaawo eizo. Eizo lwabba nʼebyokweraliikirira ebyalwo. Nabuli lunaku lubbaaku ebyokweraliikirira ebyalwo.”

گوێگرتن لە Matayo 6