Matayo 3
3
Kop ame Lakana Abatija orabo
(Nen daŋ Marako 1.1-8; Luka 3.1-18; Lakana 1.19-28)
1I kare-nono Lakana Abatija obino kun rabo kop i tim me Judaya, 2#Mat. 4.17; Mar. 1.15kun kobo ni, “Ŋut wunu, pien loc me polo doŋ onoko ceggi.” 3#Ica. 40.3 Pien man en baŋ o ame adwarpiny Icaya yam orabo pire ni,
“Dwon baŋ o a redo i tim ni,
Ger wunu yo pi Rwot,
yik wunu gudo mere cuŋ atira.”
4 #
2 Obak. 1.8
En Lakana rik ruko boŋo yer inaga, tweo pyere kede del, camere onwoŋo bonyo kede moo kic me tim. 5Jo nwaŋ ya i Jerucalem, kede Judaya luŋ, kede lobo ducu ame tye i ŋet Jor baŋ, ciro, obino baŋe. 6Gin tuco balgi, en batijagi i kulo Jordan.
7 #
Mat. 12.34; 23.33 Ka en oneno Oparicayo kede Ocadukayo apol bino ni batijagi, en okobbigi ni, “Wun itino ororo, ŋa ame okwenyorowu ni mano ber iriŋ wunu akemo Obaŋa ame bino tuno? 8Nyak wunu doŋ nyig a myero me ŋut, 9#Lak. 8.33kur dok icak tamo wunu ni, ‘Otye kede kwarowa en Iburaim’; pien akobbiwu ni, Obaŋa tye kede teko me miyo gweŋe magi doko ikwae Iburaim. 10#Mat. 7.19Aman doŋ otyeko keto lee oko me toŋo lwit yen; yat acel acel a mom nyako nyige abeco, otoŋo, obolo i mac.
11“An abatijawu kede pii me iŋut wunu, ento tye ŋattoro ame alubo ŋea, en tek kata oko: an mom aromo mako warrere. En bino batijawu kede Cuny Acil, dok kede mac. 12Odero mere tye i ciŋe, en bino yiko laro mere aber, bino nyono kallere i dero, ento cuŋe, en bino waŋo oko kede mac a mom to.”
Yecu obatija
13Yecu ocako ya oko i Galilaya, obino baŋ Lakana i dog Jordan, me Lakana batija en. 14Lakana omito kwero oko, te kobo ni, “Yin a myero ibatija an, yin dok ibino baŋa?” 15Yecu te dokke iye ni, “Kur ikwer amanni, pien myero ocob gin atye atir luŋ”; eka Lakana te ye. 16A doŋ Yecu obatija, te ya i pii oyotoyot, polo te barre. Oneno Cuny Obaŋa obino calo amam, olyao piny, opoto i kome. 17#Age. 22.2; Jab. 2.7; Ica. 42.1; Mat. 12.18; 17.5; Mar. 1.11; Luk. 9.35Dwonnoro te ya i polo kun kobo ni, “Man en Woda ame amaro, a yia yom i kome.”
S'ha seleccionat:
Matayo 3: La79
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Lango New Testament © Bible Society of Uganda, 1979.