मत्ति 17
17
येसुना रुपान्तर
(मर ९:२-१३; लूका ९:२८-३६)
1सारुंग दियाना पजा येसु, पतरस अनि याकुब अनि ओनोर तमो युहन्नान संगकिस उन्दि हजोर मटा पोरो ओतुर। ओरा सिवायि येसुनासंग दुसरो बोरे हिलेर आसि#२ पत १:१७-१८। 2अगा ओरा मुने ओना रुपान्तर आतु, अनि ओना चेहरा पोळद लेहका मान्जतु, अनि ओना सन्दरा वेळिचि लेहका पान्डरि आतु। 3असके मूसा अनि एलिय्याल ओनासंग वळकानपा ओरकुन दिसतुरक। 4असके पतरस येसुन “हे प्रबु, माक इगा मन्दाना सोबाय मन्ता। निया इच्चा मन्दार ते नना इगा मून्ड मन्डाक बनेहकियाका, उन्दि नियासाटि, उन्दि मूसान साटि, अनि उन्दि एलिय्यान साटि” इन्जोर इतुर। 5अनि पतरस वळकिला आस मन्दुर अचोय बेरा आबारताल उन्दि ढगि वासुन ओरा पोरो दळमि आतु अनि ओद ढगितिगाडाल “येर नावोर प्रिय मरि आन्दुर, येनिगा नना गिरिदा मन्तोना, निमाट येनांग वेहतानुंग केन्जाट” इन्जोर उन्दि लेंग वातु#उत्प २२:२; भज २:७; यश ४२:१; मत्ति ३:१७; १२:१८; मर १:११; लूका ३:२२; व्यव १८:१५। 6चेला लोकुरक इद केन्जुन पकाय वरियसुन टोडिता भारदे अरतुर। 7येसु हेरे वास ओरकुन इटस, “तेदाट, वरियमाट” इन्जोर इतुर। 8असके ओरक आपुनांग कोन्डांग तरियतुरक अनि येसुन तासिस दुसरो बोने हुळोरक।
9मटापोरोडाल रयिन्दुरक असके येसु ओरकुन, “नना मानेयतोर मरि हातोरिगाडाल असा जिवेमायानावनाह निमाट हुळतोरिट इद पोल्लो बोने वेहमाट” इन्जोर आग्या हितुर। 10असके ओनोर चेला लोकुरक, “एलिय्याल मसिना पहले वायाना जरुरि मन्ता इन्जोर मूसाना नियमतुन करिहवालोर बाक्या इन्तोरक?” इन्जोर ओन पुच्चेमातुर#माल ४:५। 11अदेन ओर “एलिय्याल वासुन मसिना वायान साटि सबोय पोल्लो तयारि कियानुर। 12मति एलियाल वातुर इन्जोर नना मिकुन इन्तोना; मति लोकुरक ओन पुनवाय आपुना इच्चाता अनुसार सबोय ओनासंग कितुरक। अदामे नना मानेयतोर मरि वने ओरा कयदे पकाय तकलिप सहेन कियाला पहाजे इन्जोर नना मिकुन इन्तोना” इदाम उत्तर हितुर#मत्ति ११:१४। 13असके ओर बपतिस्मा हेवाल युहन्नाना बारेते माकुन इतोर इन्जोर चेला लोकुरक समजेमातुरक।
येसु दुष्टात्मा पयतोर पेकान सुदरे किन्तोर
(मर ९:१४-२९; लूका ९:३७-४३)
14येसु अनि ओनोर चेला लोकुरक भीळता हेरे अवतुरक असके, वरोर मानेय येसुना हेरे वातुर अनि मिन्डांग टेकेकिस इन्दिला लागतुरः 15“हे प्रबु, नावोर मरिन दया किम बाक्याकि ओन कुळदेल या मिरगि वान्ता अनि ओर किसतिगा अनि असा-असा एतिगा अरसुन ओन पकाय तकलिप आन्ता। 16नना ओन नियोर चेलाहना हेरे तच मन्दान, मति ओरक ओन सुदरे कियाला परोर।” 17येसु ओन उत्तर हितुर, “हे अविस्वासु अनि जिद्दि लोकुरक बचोक दियांग नना मियासंग मनका? अनि बचोक दियाताल मियांग इव सबोय पोल्लोनुंग नना सहेमासोरिंग मनका? ओन इगा नावा हेरे तराट” इन्जोर उत्तर हितुर। 18असके येसु ओद दुष्टात्मातुन रांगतुर, अनि ओद दुष्टात्मा ओनिगडाल पसियस हतु, अनि पेकाल ओदेय बेरा बेस आतुर।
19येसु वरोरे मतोर असके चेला लोकुरक ओना हेरे वासुन, “माक अदेन बाक्या पसिहला परोम?” इन्जोर पुच्चेमातुरक। 20येसु ओरकुन “आपुना विस्वासता कमीता कारण, बाक्याकि नना मिकुन खरोय इन्तोना मिया विस्वास रायिता पळे बराबर मन्दार ते इद मटातुन, ‘इगाडाल गुच्चुन अगा हन’ इदाम इन्कि ते ओद मटा दायार, अनि बोदायि पोल्लो मिया साटि आय परो आयो आयार#मत्ति २१:२१; मर ११:२३; १ कुरि १३:२ ।” 21(मति केवल प्रार्थना अनि उपासतेय दुष्टात्मा पसियला परांता) इन्जोर नना खरोय मिकुन इन्तोना।
येसु हासुन असा जिवेमास तेदानाता बारेते दुसरो बेरा इन्तोर
(मर ९:३०-३२; लूका ९:४३-४५)
22येसु अनि ओनोर चेला लोकुरक गलील प्रदेशतिगा मतोरक असके येसु ओरकुन, “नना मानेयतोर मरि मानेयकना कयदे पयपियानुर, 23ओरक ओन हव्कानुरक, अनि ओर तिसरो दिया असा जिवेमास तेदानुर” इन्जोर इतुर। असके ओरक पकाय दुःखि आतुरक।
मन्दिरता टाक्स
24ओरक कफरनाहुमतिगा अवतुरक असके मन्दिरता टाक्स येतवालोरक पतरसना हेरे वास, “बाताल मिवोर गुरु मन्दिरता टाक्स हेवोर?” इन्जोर पुच्चेमातुरक। “इंगो, हिन्तोर” इन्जोर ओर इतुर#निर ३०:१३; ३८:२६ । 25पतरस लोन वातुर असके येसु ओन, “हे शिमोन निमा बाताल विचार किन्तोन? दरतितोर राजाल टाक्स#१७:२५ इद केवल दुसरो देशताल ततोर दास लोकुरक साटि खास टाक्स मता। बोनाकेडाल येतान्तोर? आपुना देशतोरक लोकुरकनिकेडाल या दुसरोनिकेडाल?” इन्जोर पतरस बाताले इन्दाना मुनेय येसु इतुर। 26पतरस ओन, “केवल दुसरोनिकेडाल टाक्स येतान्तोर” इन्जोर उत्तर हितुर। येसु ओन इतुर, “ते राजाना आपुना देशतोर लोकुरक टाक्स हियानाताल पिसतुरे। 27मति माक ओर लोकुरकुन होंग केवोम आयकोम इन्जोर निमा नहारतिगा हन अनि आपुना गरि वाटा अनि पहले पुटार ओद मीन पया अनि अदेना तोडी तरियकि ते निकुन उन्दि डबु पुटार अदेन पयस नावा अनि आपुना बदला ओरकुन हियाकि” इन्जोर इतुर।
S'ha seleccionat:
मत्ति 17: fmu
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.