लूका 16
16
हुशयार कोटिवान
1अनि येसु आपुनोर चेलालोरकुन इतुर: “बोरे धनिमानेयना वरोर कोटिवान#१६:१ पराय्क दारिंग नियकना रासन हेवाल। मानेय मतोर, अनि ओर कोटिवान मानेय निया सबोय धनसंपतितुन उळेकिन्तोर इन्जोर लोकुरक ओना गलतितुन धनिमानेयतुन वेहिला लाकतुरक। 2असके धनिमानेय कोटिवान मानेयतुन केयसुन, ‘नना निया बारेते बाताल केन्जान्तोना? निमा कोटिवान बुतोता हिसाब नाकुन हिम, निमा असा कोटिवान बुतो केमाकि’ इन्जोर इतुर।”
3“असके कोटिवान मानेय आल्हिला लाकतुर, ‘इदेक नना बदाम कियाका? बाक्याकि नावोर मालकाल नावा कोटिवान बुतोताल नाकुन हरचियानुर। अनि नना ते तोळिय दोसनातुन लाव वने हिले; अनि भीक वने तलकान साटि नाकुन लज्जा वान्ता। 4अनि नावा कोटिवान कियाना बुतोताल मालकान नाकुन हरचियानुर असके लोकुरक नाकुन आपुना लोतिगा तिन्दिला हियान साटि नना बांग कियाका इन्जोर नाकुन पुन्तोनान।’ 5असके कोटिवान मानेय आपुनोर मालकाना करजा येतितोर वरवरोर लोकुरकुन केयतुर अनि मुनेटा करजाताल पुच्चेमातुर, ‘नियागा नावोर मालकाना करजा बचोन मन्ता?’ 6‘मून्ड हजार लिटर निय’, इदाम ओर इतुर, असके कोटिवान ओन इतुर, ‘निया काता पुस्तक येता अनि सान्डे उचुन उन्दि हजार सेयुंग नुरक लिटर निमा कोटसिन।’ 7अनि असा दुसरो मानेयतुन वने पुच्चेमातुर, ‘नियागा बचोन करजा मन्ता?’ ओर इतुर ‘उन्दि हजार पोतांग गोहक’, असके कोटिवान मानेय ओन इतुर, ‘निमा आपुना काता पुस्तक येता, अनि सान्डे आट नुहक पोतांग गोहक इदाम कोटसिन।’ ”
8“अनि ओर गलति कोटिवान मानेय बचोर हुश्यारिते बुतो कितुर इन्जोर मालकाल हुळसुन दंगेमास ओना हजोरपण कितुर। बाक्याकि इद दुनियातोरक लोकुरक परमेस्वरना आचतोरक लोकुराताल वने पकाय हुशयारते आपुना बेरातोरक लोकुरासंग वेवहार किन्तोरक बहे। 9अनि येसु असा इतुर, धनसंपति दरोज मियासंग मनो आयार इन्जोर इद दुनियाता धनसंपतितुन गरिब लोकुरकुन हिसुन ओरकुन गोतियाल बनेकिम्ट, अदाम इद दुनियाता धनसंपतितिगा ध्यान हेवोर आयकिट ते मिकुन अनन्ता जिवा साटि स्वरगतिके परमेस्वर ओयनुर इन्जोर नना मिकुन इन्तोना। 10अनि हुचुन्सा पोल्लोतिगा बोर-आयि मानेय इम्मानदारिते मन्तोर ते ओर पकायतिगा वने इम्मानदारिते मन्दानुर: अनि हुचुन्सा पोल्लोतिगा बोर-आयि मानेय भरोसा योग्य हिलवेक, ओर पकायतिगा वने भरोसा योग्य हिलेर आयनुर। 11इन्जोर निमाट दुनियाता धनसंपतितिगा भरोसा योग्य हिलविट ते परमेस्वरना खरोय धनसंपतितुन ओर बदाम मिकुन सोपे कियानुर? 12अनि निमाट दुसरोना धनतिगा इम्मानदारिते हिलवि आतिट ते आपुनाय साटि मन्ता ओद धन मिकुन बोर हियानुर?”
13“अनि बोर-आयि दास रन्ड मालकाना सेवा किया परोरक। बाक्याकि ओर वरोनसंग होंग कियानुर अनि दुसरोन मया कियानुर, अनि वरोनासंग मिलेमास मन्दानुर अनि दुसरोन तुच्चा समजेमायनुर। अदामे निमाट परमेस्वरना अनि धनसंपतिता सेवा उन्दि संग बसकेय केमाट#मत्ति ६:२४।”
प्रबुना पोल्लो बसकेय बदले मायो
(मत्ति ११:१२-१३)
14परीसिलोकुरक धनसंपतिता पकाय लालचिलोरक मतोरक, इन्जोर येसुनांग पोल्लोनुंग केन्जुन परीसिलोकुरक येसुन मजा कियाला लाकतुरक। 15येसु परीसिलोकुरकुन इतुर, “आपुहकुन परमेस्वरना मुने येताना योग्य मन्तोर इदाम निमाट मानेयकना मुने तोहान्तोरिट, मति परमेस्वर मिया मन्दुन पुन्तोर, बाक्याकि मानेयकना नडुम हजोर मन्ता ओद चिज परमेस्वरना मुने बारायि हिले। 16मूसाना नियता पुस्तक अनि परमेस्वरना पोल्लो वेहवालोरकना बेरा बपतिस्मा हेवाल युहन्नाना बेरावनाह मता। बपतिस्मा हेवाल युहन्नाना पजा परमेस्वरना राज्यता बारेते करिचोरिंग मन्दुर अनि पकाय लोकुरक अदेना बारेते केन्जुन परमेस्वरना राज्यतिगा वायान साटि कोसिस किन्तोरक#मत्ति ११:१२,१३ । 17परमेस्वरना नियमतिगा कोटता मन्ता उन्दि मात्र अनि बिन्दुवने नाश आयानाताल आबार अनि दरति नाश आयाना सरल मन्ता#मत्ति ५:१८।”
18अनि येसु इतुर, “आपुना मुत्तेन सोळेकिस दुसरोतुन मरमिंग किसुन मुत्ते किन्तोर ओर व्यभिचार किन्तोर, अनि मुदियाल सोळेकिता मुत्तेन संग मरमिंग किन्तोर ओर वने व्यभिचार किन्तोर#मत्ति ५:३२; १ कुरि ७:१०,११ ।”
धनि मानेय अनि गरिब लाजर
19येसु इतुर, “उन्दि नाटेनिगा वरोर धनि मानेय मतोर, ओर पकाय माहंगितांग कपळांग नरमवालेह अनि मान्जनांग कपळांग करन्दुर अनि रोजदिया तिन्ज-उन्जुन दुमदामते मन्दुर। 20वरोर लाजर पोरोयतोर गरिब मानेय ओना लोता टाटरा मुने उच मतोर, ओना मेन्दुलतिगा किरकने निन्ज मन्दुर, 21अनि लाजर ओर धनिमानेयना तितांग उटांगतिगडाल अडिय अरता पिस्तानुंग तिन्दाना इच्चा मन्ज वने ओन पुटोंग आन्दुंग। अनि नयक वने वासुन लाजरना किरकुन नाकदुंग।”
22“इदाम उन्दि दिया ओर लाजर हातुर, स्वरगदूतक वासुन लाजरिन स्वरगतिगा अब्रहामना हेरे#१६:२२ लाजर स्वरगतिगा अब्रहामनासंग पकाय हजोर जागातिगा उदिन्तोर। ओतुंग। 23अनि उन्दि दिया ओर धनिमानेय वने हातुर अनि ओन मिसितुर। अनि ओर दुःख तकलिपता नरकतिगा हतुर, अनि दुःख अनि पकाय तकलिप सहेन कियानपा पोरो हुळतुर। ओर पकाय लकताल स्वरगतिगा अब्रहामना हेरे लाजरिन हुळतुर। 24असके धनि मानेय केयसुन इन्तोर, ‘हे अब्रहाम बाबाल, नाकुन दया किम, लाजर आपुना वळजतुन एतिगा आहचुन नावा वन्जेरतुन टन्डि हिसिविर इन्जोर लाजरिन हिके लोहिर बाक्याकि नना इद किसतिगा तळपे मान्तोना।’ ”
25“मति अब्रहाम इतुर, ‘हे मरि, निमा आपुना जिवातमेन सोबातांग चिजकुन येतितोन, अनि लाजर खराब चिजकुन येचमतोर इदाम निमा अलहा। मति लाजर इदेक इगा सोबाय शान्तिते मन्तोर, अनि निमा नरकतिगा तळपे मान्तोन। 26इचोने आयो, मिया अनि मावा नडुमतिगा उन्दि पकाय हजोर गुमया बनेकिताल मता, हिकेडाल होके बोरे मिया हेरे हन्दाना इच्चा कियाकिट ते किया परोर अनि होकेडाल हिके मावा हेरे वने बोरे वाय परोर।’ 27धनिमानेय इतुर, ‘हे बाबा, अदाम मन्दार ते ओन नावा बाबोना लोतिगा लोहचिन इन्जोर नना निकुन विनन्ति किन्तोना, 28बाक्याकि नाकुन सेयवुरक बायिरक मन्तोरक; ओरक वने इद दुःख तकलिब नरकतिगा वायमा इन्जोर ओर हन्जुन इव सबोय पोल्लोनुंग ओरकुन गवाहि आसुन वेहिर’ इन्जोर इतुर। 29मति अब्रहाम ओन इतुर, ‘ओरिगा ते मूसाना अनि परमेस्वरना पोल्लो वेहवालोरकला पवित्र पुस्तक मन्तांग ओर अव पुस्तकतुन वाचेकिसुन समजेमायीरक।’ 30अनि धनिमानेय अब्रहामिन इतुर, ‘आयो, हे बाबा अब्रहाम, मति बोरे हातोरक मानेयनिगाडाल बोने लोहा ते ओर नावोर तमोलोरक केन्जुन आपुना पापताल पस्तेमायनुरक।’ 31असके अब्रहाम धनिमानेयतुन इतुर, ‘मति ओरक मूसाना अनि परमेस्वरना पोल्लो वेहवालोरकुन केन्जोरक ते हातोरक मानेयकनिगाडाल असा जिवे मासुन बोरे ओरा हेरे दायनुर ते वने ओरक ओनांग केन्जोरक आयनुरक’ इन्जोर इतुर।”
S'ha seleccionat:
लूका 16: fmu
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.
