Lukas 13:18-19

Kong Yesus bilang lei, “Kira-kira bagimana kang tu Tuhan Allah berkuasa sbagai Raja pa Dia pe orang-orang? Kong Kita mo se sama deng apa dang itu? Bagini, tu Tuhan Allah pe orang-orang pertama cuma sadiki mar nanti mo jadi banya, itu sama deng tu biji paling kacili yang orang da tanang pa de pe kobong. Lama-lama tu biji kacili itu batumbu jadi pohong, kong burung-burung datang basarang pa de pe cabang-cabang.