Cäk 6
6
Kërɛɛc ë raan
1 #
Jop 1:6; 2:1. Ɣɔn cï kɔc ke piny nɔm kɛɛr, ku thiëikï ë piny nɔm, acïk duet bɛ̈n dhiëëth. 2Ku wɛ̈ɛ̈t ke Nhialic #6:2: ka cï cak nhial; nɔn ee wɛ̈ɛ̈t ke yiëth; nɔn ee wɛ̈ɛ̈t ke Nhialic.acï duet ke bɛ̈n diir, agokï röt lɔ̈c diäär në keyiic cït man ë kë kɔɔr ë piɔ̈nden. 3Ago Bɛ̈nydït lueel an, “Yɛn cïï raan bï bɛ aa tɔ pïïr aɣet athɛɛr, në luɔi ye kek gup ke thuɔɔu. Runken abïk aa kɔ̈ɔ̈c në bɔt ku thiërrou ë run.” 4#Kuɛ̈n 13:33. Ku në aköölkë yiic agut cï kecök ciëën, jööt aake nu në piny nɔm. Ɣɔn cï wɛ̈ɛ̈t ke Nhialic lɔ në diäär, ku dhiëthkï mïth në keek. Ku ee kek aaye kɔc ril ɣɔn thɛɛr, ku aake tiëc rin aläl në kɔciic.
5 #
Math 24:37; Luk 17:26; 1 Pet 3:20. Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ, 6Bɛ̈nydït ë piɔ̈u bɛ̈n gɔ̈ɔ̈i në kë ë ciëk raan. 7Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.” 8Ku Bɛ̈nydït aa mit piɔ̈u ke Nowa.
Alɛɛŋ ë Nowa
9-10 #
2 Pet 2:5. Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth. 11Ku piny nɔm ëbɛ̈n, acï riääk në Nhialic nyin. Piny acï nɔm thiäŋ kekë ruëëny ku akuöörkuöör. 12Go Nhialic piny tïŋ nɔm ke cï riääk, në luɔi cï kɔc ke piny nɔm kërac looi kedhie.
13Go Nhialic lɛ̈k Nowa an, “Acä tak nɔn bän kɔc ke piny nɔm riɔ̈ɔ̈k kedhie, në luɔi cï kek piny riɔ̈ɔ̈k nɔm në karɛckɛn yek looi ëbɛ̈n. Ku piny nɔm abä riɔ̈ɔ̈k abïï ciën kë bï bɛ tɔ̈u thïn. 14Ku yïn, cuɛ̈cë rɔt abël wïïr në tim piɛth, tim cɔl gɔper. Ku luöiyë yic ɣööt juëc. Ku bot kɔ̈u biic, ku yeyic thïn në kë cool ye käŋ boot nyïïn cɔl tar. 15Ku cuɛ̈c bï yïn abël wïïr cuëëc kï: tɔ bɛ̈ɛ̈r de yekɔ̈u ee mitïïr kabɔt ku thiërŋuan. Ku tɔ dït de yicde ee mitïïr kathiërrou ku diäk. Ku bɛ̈ɛ̈r de ke lɔ nhial tɔ ye mitïïr kathiëër ku diäk ku biäk. 16Ku luöiyë nɔm akum#6:16: akum; nɔn ee awëërnyin. ku päl të thiin ɣɔ̈ɔ̈r në kaam de abël nɔm kekë yeguöp, ke ye biäk töŋ de mitïr#6:16: ɣöt nɔm; nɔn ee awëërnyin.. Ku luöiyë thok. Ku tɛ̈ɛ̈kë yic në ɣööt kadiäk ke ke lɔ nhial. 17Në luɔi bän piny nɔm mool, ku riääk kapïr ë piny nɔm ëbɛ̈n abïï ciën töŋ dɔ̈ŋ ke pïïr. 18Ku Yɛn bï dɛ mät wokë yïn, ku jɔ bɛ̈n lɔ abël wïïric wekë tiiŋdu, ku wɛ̈ɛ̈tku, ku diäär ke wɛ̈ɛ̈tku. 19Ku yïn bï thɔn kekë ŋuöt bɛ̈ɛ̈i në kapïriic kedhie në yïn etök abëlic. Abïk rëër në yïn ë tök ke ke pïr. 20Bɛ̈ɛ̈iyë diɛt, ku läi, ku ka ye mol piny kedhie. Abä keek bɛ̈ɛ̈i nyïïn. Ku abïk arou rou në keyiic ëbɛ̈n. Muk keek në yïn etök ke ke pïr. 21Ku nöm kuïïn nyïïn ëbɛ̈n, kuïïn bäk lɔ cam. Ku muɔ̈kë ka tɔ̈u në yïn cäm aya. 22#Ɣeb 11:7. Go Nowa käŋ looi kedhie, ka cï Nhialic lɛ̈k en.
S'ha seleccionat:
Cäk 6: dip-JPB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
The Bible in Jieeng de Padang © The Bible Society in South Sudan, 2011.