Isauyedi 2
2
Mosese itubuqa
1Tutuyanina dede sakunidiavo isasauyedi waidie, Libai manuqa waineye tamo tomoqo vavina inaqidi manuqanina tamoqana waineye. 2#Aposi 7:20Vavinenidi mwau ibabaneni ivenatuna natudi lamoqina. Pwepwea ikiseni tomobwaina beqa ivaigavuyeni me Itipita waidie'eqa wetaki kaitonu naqedie. 3We tutuyanina ge kadisala inavaigavuyeni, ginae ikewai papilusi#2:3 Papilusi tamo libi Itipita waineye itabwatabwa dobwadobwana wete bwasi waidie we kanakaniakwana mesaida 6 mitasi. Tomo'otoqa ielituqeni waga, ginae, kaqeyapayapa, bulava, kaleko wete lubulubu ivavalabubunidi. libi beqa iyoqoni we koluta beqa ikaibaia ge kanasala bwasi inalugu. Matautauda pwepweanina idodoqi ginae waineye Bwasi Naili waineye isiobuyeni libi kaniakwanidi naqedie bwasi doleneye. 4We novuna tomwayai Miliama saiqana kanikie'eqa itovoi ietonovi vakai tamo waineye inasauyeni.
5Kaiatanina Pelo natuna vavinena iobuma bwasi waineye inatoa, we natolituqavo vavinedi bwasi doleneye itauya imaimai. Tutuyanina ginae ikiseni bwasi tabwaneye idoedoeni libi kaniakwanidi naqedie, tamo natolituqa vavinedi ivetunedi inanaqo bwasie'eqa inakewai inalagavedima. 6Tutuyanina Pelo natuna ginae kanatalakapupu ikewayavuleni pwepwea ikiseni itaitaiqa nuadi inaqei paipaina. Matautauda ivesipupu ivo, “Dede me Isileli#2:6 Me Isileli tamo kadiwavaqa “Ibeliu.” tamo digwamana.”
7We Miliama inaqo ivelaukui Pelo natuna waineye ivo, “Kanasala tamo vavina Isileli ailaualedi pwepweanina inavesusuya wete inavekisabodebodeni paipaimu?”
8We itagwana ivo, “Giamaina, kunaqo!” Beqa Miliama inaqo pwepwea inaotoqina imaseagadi. 9Matautauda Pelo natuna ivesipupu waidie ivo, “Dede pwepwea kwakewai kwaivekisabodebodeni kwaivesusuya yau paipaigu we kamitutula aivelemi.” Beqa vavinenidi pwepwea ikewai inaweni ivesusuya. 10#Aposi 7:21Tutuyanina gwamana itaulai idabai inana ikewai imaieni Pelo natuna vavinena waineye we iveiabwebwei mesaida taunidi natudi. We ivo, “Bwasie'eqa kakewai,” beqa kanawavaqa iqoleni Mosese.
Mosese Itipitaeqa ideqa inaqo Midiani
11 #
Aposi 7:23-28
Diqaba puedi ikakava Mosese gunabeida itaulai Pelo navanuqe'eqa isauyeni inaqo natomo'otoqavo inayavusidi, we ilekwa ikisedi me Itipita ikakavekavinidi iwewesedi lituqa mwaudi ivalabubunidi. Tutuyanina no waineye ikiseni tamo Itipita tomoqo Isileli tomoqina inigenigei, taunina natomo'otoqa. 12Mosese ikisalelele ge tamo aitoi idakisekiseni beqa vedimadimanaeqa Itipita tomoqina iluvewapai pwayapwaya itavia waineye vovona ivaigavuyeni.
13Ikawananaqai Mosese ivila-vaituqana natomo'otoqavo inayavusidi, we waineye ikisedi me Isileli tomoqovo kadikailuqa ietalaqa. Ivelautolieni tomoqonina vetalaqa ivelamuya ivo, “Uvale iamu kunigenigei?”
14Tomoqo ibaivila ivo, “Komu ge loina kanatokalaqei wete ge kanasala kima kiloinema kaiebei gumanina kapoina kaiebei gumanina giamaina. Kuekautovona yau kiluvewapagu mesaida Itipita tomoqonina kuluvewapai?”
Mosese igololo ivenuana ivo, “Tomo'otoqa matatabudi gunabeida iyagovigu yau vakai avalabubuni.”
15 #
Aposi 7:29
Tutuyanina Pelo Mosese valeana inoqai, gumanina tamo Itipita tomoqina iluvewapai, beqa kedakeda ilalauala inaluvewapai. We Mosese ideqa inaqo Midiani waineye inamia.
Mosese tovelomu taiauda no waineye imiana, we natuna Sipola inaqidi.
S'ha seleccionat:
Isauyedi 2: mzz
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023 (Active), Wycliffe Bible Translators, Inc. All rights reserved.