Kañaam 2

Naşih i Naşibaţi akëruŋ

1We ukaaŋ kë bañaaŋ biki ŋŧaak babubara şinţar,

kë bañaaŋ bŧi babubara aŋaat anooran ŋleef ?

2We ukaaŋ kë başih biki mboş bakbomandër ugut,

kë baweek baŧiinkar aji bagut na Yawe Nawat Kabuka na naşih i akëruŋ ?

3Baji baji : « Nawulën ŋfënëş ital yi batannuŋ nja,

nawulën ŋlëŧ ya ŋfël. »

4Kë Anţooŋ du baţi aşë ji baka,

Ajugun abeŋ baka.

5Ţi udeeb wi nul, aţiini wal mënţ na baka,

ţi udeeb uweek wi nul, alënkan baka aji :

6« Nji, dţooranuŋ naşih i naan,

nji dţooranuluŋ du Ŧiyoŋ, pnkuŋ pyimanaan pi naan. »

7Nawutaan hënkuŋ, nţup uko wi Nawat Kabuka ajakuŋ :

aji na nji « Iwi, iwooŋ abuk naan ;

nţa di, dţup aji dwo şaaş !

8Heparan, nşë nwulu ŋŧaak ika ;

heparan, nşë nwulu te du kabaŋ ki mboş.

9Iluŋ kafom baka na pjuuţi pnţak,

iluŋ karoc rocan baka ji pţukar. »

10An başih, hënkuŋ nadoon kaşal,

an baweek biki mboş, nadoon kaŧiink.

11Nadoon kalempar Nawat Kabuka nawo ţi palënk,

nadoon kaţi Nawat Kabuka nakat kat naşë nawo ţi mnlilan.

12Nadëmaan Abukul kaţi abi adeebaţ

naşë nakitşa ţi bgah ;

na manjoonan, aŧar udeeb.

Bawo na bnuura, bañaaŋ bŧi banţiiŋ amena du Yawe Nawat Kabuka.

S'ha seleccionat:

Kañaam 2: knf

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Kañaam 2