Kañaam 16

Mnlilan mi ñiinţ i Naşibaţi abuuranuŋ pkeţ

Kayeeh ki pñaamarën Naşibaţi ki kapënna ţi ulibra wi Dayiţ

1Iwi Naşibaţi, yeŋanaan,

du iwi di di njaaŋ kaya kamena.

2Dji na iwi Yawe Nawat Kabuka : « Iwooŋ Ajugun !

Bnuura bi naan bŧi bawoona du iwi. »

3Kë bañaaŋ biki nu banwooŋ ţi mboş mi,

bukuŋ mënţan banwooŋ na mnhina,

bawooŋ mnlilan mi naan bŧi#16.3 Uko umpiiŧaniiŋ ţi na uhebërë uunjinţ bnuura kë bañaaŋ bŧi baanŧiinkar ţi uko wi uţup mënţ ujakuŋ..

4Mnhaj mi bankdëmanuŋ iko inwooŋ iinwo Naşibaţi ala a la ya, manluŋ kadëm ;

mënkluŋ kafiŋar ya ŋnŧaam kado pgur nin ;

mënkluŋ katiman ya nin.

5Iwi Nawat Kabuka, iwo kafah ki naan,

iwo bka bi nyeenkuŋ,

uhaaş wi naan uwo ţi iñen yi nu.

6Bka bi nyeenkuŋ balil akuţ anuura

kafah ki nyeenkuŋ kanuurnaaniiŋ.

7Dbeeb Nawat Kabuka anjaaŋ aţaŋën ;

na uŧejan uşal naan uji ujukanaan.

8Dji kaţu Nawat Kabuka ţi kadun naan wal undoli ;

wi awooŋ ţi kadeenu ki naan, mënji kalënk.

9Hënk uhaaş wi naan uji ujoobëţ kabot kawo bŧi ţi mnlilan,

uleef naan uji uwo bŧi ţi mnjeeh.

10Iinkluŋ kawutën du mnkeţ,

iinkluŋ kawut nalemparu awin bhër.

11Iluŋ kadolën mme bgah banjaaŋ bawul ubida ;

mnlilan manji manŧum ţi kadunu

bnuura bi mnţo bawo ţi kadeenu ki nu.

S'ha seleccionat:

Kañaam 16: knf

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Kañaam 16