Bgah 2
2
Pţeŋan Ŋdeey
1« Woli ñaaŋ ado pa Yawe Nawat Kabuka bţeŋan banwooŋ bi ŋdeey, awul pşon pnuura kaşë kajeeş da ukëra kabot kapaf mnkulan#2.1 Mnkulan manwo pñaak pi bbeekar pankayuŋ. Manji manlil pţëkëñ. 2kaşë kaţij kawul baţeŋan babuk Aaron. Aloŋ ţi baţeŋan abëñ pşon panaakrënuŋ na ukëra kabot kajej mnkulan bŧi katër ma bŧi ţi bliit bi mngur. Uko mënţ baji bado wa uleşni#2.2 Uleşni ujaaŋ uleşan Naşibaţi ñaaŋ andoluŋ bţeŋan.. Uko untëruŋ wuŋ uwo bţeŋan bi pţëkëñ pajaaŋ palil Nawat Kabuka.
3« Uko undukiiŋ ţi bţeŋan uji uwo wi Aaron na babukul : kafah mënţ kawo kafah kanyimanuŋ maakan ţiki kapënna ţi uko wi baţenuŋ Nawat Kabuka.
4« Woli bţeŋan bi bajuŋuŋ ţi ufuurnu ba, awo kaţij indak yi bajuŋuŋ na pşon pnuura na ukëra, inwooŋ iinţu bko btaajanaani, këme ipoom yi baţuuŋ ukëra inwooŋ iinţu bko btaajanaani. 5Woli bţeŋan bi baŧoowuŋ ŧoow ba, bawo pşon pnuura panţuuŋ ukëra aşë wo paanwo na bko btaajanaani. 6Akit uko unjuŋuŋ wuŋ kado ifah iŧum kaşë kajeeş kak ukëra ţi wa duuţ uwo bţeŋan bi ŋdeey. 7Woli bţeŋan bi bajuŋuŋ ţi kaliiruŋ ba, bawo kawo bi pşon pnuura na ukëra. 8Aţij bţeŋan bi ajuŋuŋ pa Nawat Kabuka, kawul ba naţeŋan añooţ du bliit bi mngur. 9Apënan ţi ba kafah ki bajaaŋ bado uleşni katër bŧi ţi bliit bi mngur. Uwo bţeŋan bi pţëkëñ pajaaŋ palil Nawat Kabuka. 10Uko undukiiŋ ţi bţeŋan uji uwo wi Aaron na babukul : kafah mënţ kawo kafah kanyimanuŋ maakan ţiki kapënna ţi uko wi baţenuŋ pa Nawat Kabuka.
11« Uko unkţeŋanuŋ Nawat Kabuka uunwo kawo na bko btaajanaani pşon ; naanwo nin katër bko banjaaŋ bataajanaan pşon këme mnob bŧi pa Yawe Nawat Kabuka. 12Nahinan kaţeŋanaan ya woli nawula iko iŧeek impënnuŋ ţi ŋţeeh ŋi nan kë naşë wo naanwo katër ya bŧi kaba ţi bliit bi mngur pa uwo uko unktëruŋ wi pţëkëñ pajaaŋ palil Nawat Kabuka.
13« Ţi iko bŧi yi ŋdeey yi nakţeŋanaanuŋ nawo kaţu da pnam ; pul pawooŋ bhoŋar bi Naşibaţi i nan adoluŋ na an. Ukaaŋ kë nawo kaţu pnam ţi iko yi nakţeŋanaanuŋ bŧi. 14Woli naţij Nawat Kabuka bţeŋan bi iko iŧeek impënnuŋ ţi ŋţeehan najunna katër ŋdeey kafom mbuk. Wal wi nakţijuŋ ba, 15najeeş ukëra ţi ya kaşë kaţu mnkulan ţi ya duuţ ; uwo bţeŋan banwooŋ bi ŋdeey. 16Naţeŋan ajej kafah ki bajaaŋ bado uleşni, kanwooŋ kafah kaloŋ ki mbuk na ukëra, na mnkulan bŧi katër. Iko intëruŋ yuŋ iwo yi Nawat Kabuka.
S'ha seleccionat:
Bgah 2: knf
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2014, Wycliffe Bible Translators, Inc. in cooperation with Le Groupe CIM-TBM, Senegal