Bgah 13
13
Mmaak mi katël
1 Yawe Nawat Kabuka aji na bi Moyiŧ na Aaron : 2« Woli bawin ţi uleef wi ñaaŋ aloŋ uko ji uwur këme uleef kë ufootşa ţi Ŋmbaŋ ŋloŋ, këme undampu ufaaŧţaan, woli uko mënţ uya adoo kak pmaak pi bdoo#13.2 pmaak pi bdoo : Na manjoonan uwo mmaak mi katël bŧi. Woli iko ya kë imişa ŋţu aji bŧoh., bawo kaya na ñaaŋ mënţ du Aaron naţeŋan këme du aloŋ ţi babukul baţeŋan. 3Naţeŋan aten dko dammaakuŋ. Woli uwel unwooŋ ţi dko mënţ ukak ufaaŧal, kë ujad udiili, pmaak pi bdoo pa. Wi atenuluŋ aba aţup kë aţopi. 4Woli katël ki dko mënţ kafaaŧëţi aşë wo kaanwo na ujad undiiluŋ, kë uwel unwooŋ da uunkak ufaaŧal, naţeŋan adëŧ anwooŋ na ujad wuŋ ŋnuur paaj na uloŋ kalowana bañaaŋ. 5Ţi unuur uţënk paaj na uloŋ naţeŋan akak atena. Woli awin kë dko danwooŋ na ujad dawoha wo awo daandëmi, adëŧa kalowan bañaaŋ ŋnuur paaj na uloŋ kak. 6Woli ŋnuur paaj na uloŋ ŋabani, naţeŋan akak atena. Woli awin kë ujad ukak kajën kanfaaŧţuŋ, awo uundëmi, aţup hënkuŋ kaji ñaaŋ mënţ akak najinţ. Ujad wa, ñaaŋ mënţ awo kanaj imişa yi nul ţañ kaşë kakak najinţ. 7Kë woli ujad udëma dëm wi naţeŋan ajakuŋ aji awo najinţ, ñaaŋ ammaakuŋ mënţ awo kakak naţeŋan atena. 8Woli atena awin kë ujad udëm na manjoonan, aţup kaji awo naţop : amaak bdoo.
9« Woli ñaaŋ aloŋ awo na pmaak panhiniiŋ kawo pi bdoo, bañooţa du naţeŋan. 10Atena, woli awin ţi katël uwur ufaaŧţaan, kë udo kë uwel unwooŋ da ukak ufaaŧal, kë dko dakak ujad, 11pmaak pdiţ pi bdoo pa. Aţup kë ñaaŋ mënţ aţopi. Aankdëŧa pa ptena, ţiki ame bnuura kë awo naţop. 12Kë woli pmaak pi bdoo papën ţi uleef wi ñaaŋ aniink wa bŧi du bkow te du ihoţ, dko bŧi di naţeŋan atenaaŋ, 13naţeŋan aten namaakal kak. Wal wi akwinuŋ kë pmaak pi bdoo paniink uleef bŧi, aţup kë awo najinţ ţiki uleef bŧi ukak ufaaŧal. 14Kë wal wi ujad ukwinanaariiŋ winana akak naţop. 15Naţeŋan aten ujad kaţup kë awo naţop. Ujad uwo uţop, pmaak pi bdoo pa. 16Woli ujad udaaŋ akak afaaŧ, namaakal aya du naţeŋan, 17uŋ mënţ atena. Woli awin kë ujad ukak adaaŋ afaaŧ, aţup kaji namaakal akak najinţ : hënkuŋ aji wo najinţ.
18« Woli ñaaŋ aloŋ awo na ujad unjebuŋ, 19kë ţi dko di ujad mënţ ubiiŋ awo uwur unfaaŧţuŋ këme unţuuŋ kajeenkëţ uşë pën da, aya kawinana du naţeŋan. 20Naţeŋan atena : woli dko mënţ daţu kado bhër kë uwel unwooŋ da ufaaŧëţi, naţeŋan aji ţup kaji awo naţop : pmaak pi bdoo paknaţiiŋ ţi uwur mënţ. 21Kë woli naţeŋan awin kë wel uunfaaŧ ţi dko di uwur mënţ uwooŋ, kë bhër baanwo da, kë katël kadaaŋi, adëŧa ŋnuur paaj na uloŋ kalowana bañaaŋ. 22Woli uwur udëmi, naţeŋan aţup kaji awo naţop : amaaki. 23Kë woli uwur uundëmi, aduka jibi uwooŋ, wal mënţ ŋndampu ŋi ujad ŋa, naţeŋan aţup kaji ajinţi. »
Pyik
24« Ñaaŋ ayikle ţi uleef na bdoo, kë ŋndampu ŋapën awo ŋfaaŧţaan këme aţu kajeenkëţ, 25naţeŋan atena. Woli uwel unwooŋ ţi dko mënţ ukak ufaaŧal, kë dko dadiili, pmaak pi bdoo pajunuŋ ppën ţi dko danyikuŋ duŋ ; naţeŋan aţup kaji aţopi : pmaak pi bdoo pa. 26Kë woli naţeŋan atena aşë win kë uwel uunfaaŧëţi, kë dko daandiili, kë katël kadaaŋi, naţeŋan adëŧa ŋnuur paaj na uloŋ kalowana bañaaŋ. 27Ţi unuur uţënk paaj na uloŋ, naţeŋan atena ; woli dko dadëmi, aţup kaji awo naţop : pmaak pi bdoo pa. 28Kë woli dko danfaaŧţuŋ daandëmi, akak adaaŋ, ŋndampu ŋi pyik ŋa ; naţeŋan aţup kaji awo najinţ : ulu wi pyik wa. »
Pmaak pi bkow na uwel
29« Woli ñiinţ aloŋ këme ñaaţ awo na pmaak ţi bkow këme bduuh, 30naţeŋan aten dko dammaakuŋ duŋ. Woli dko daţu kadiil kë uwel unwooŋ da uţu kaleelëţ awo untiinku, aţup kaji uŋ mënţ awo naţop : iţeeţeeţ iwooŋ ţi bkow këme bduuh. 31Kë woli aten pmaak mënţ awin kë dko dadaaŋi, kë uwel uţëlşaa, naţeŋan alowan ţi bañaaŋ anwooŋ na iţeeţeeţ yuŋ ŋnuur paaj na uloŋ. 32Ţi unuur uţënk paaj na uloŋ, akak aten namaakal. Woli ujad uundëmi, woli uwel uunleelëţi, kë dko daandiili 33anwooŋ na iţeeţeeţ yuŋ apuunka, kaşë kawo aankpuunk dko danwooŋ na iţeeţeeţ ; naţeŋan aşë dëŧa alow bañaaŋ ŋnuur paaj na uloŋ kak. 34Ţi unuur uţënk paaj na uloŋ, akak aten dko danwooŋ na iţeeţeeţ : woli daandëmi abot adaaŋ, aţup kaji awo najinţ ; anwooŋ na iţeeţeeţ yuŋ awo i kanaj imişa yi nul, kabaa kawo najinţ. 35Kë woli wal wi bajakuŋ aji awo najinţ, iţeeţeeţ idëma katël, 36naţeŋan atena : wi iţeeţeeţ idëmuŋ, aando kak aten ten uwel me uleelëţi ţiki ñaaŋ mënţ abi wo wo naţop. 37Kë woli iinniink katël aduka ţi dko dloolan kë uwel ujënal upën da, uwooŋ kë ajebi kë awo najinţ ; hënk naţeŋan aţup kaji awo najinţ.
38« Woli ŋndampu ŋfaaŧal ŋapën ţi katël ki ñiinţ këme ñaaţ, 39naţeŋan atena. Woli ŋndampu mënţ ŋafaaŧţi, ŋtu ŋapënuŋ ţi katël : awo najinţ.
40« Woli ñiinţ aloŋ awo ţi pwaaŋ uwel kë ukjot kë bkow baduka bjinţ, mënţ pmaak pa, awo najinţ. 41Woli uwel wi kadun wi wi akwaaŋuŋ, unşuun kë uwo ujinţ ; awo najinţ. 42Kë woli ŋndampu ŋjeenkal ŋapën ţi dko dandaŋëşiiŋ duŋ ţi unşuun këme ţi pjuk, uhina kawo pmaak pi bdoo. 43Naţeŋan atena : woli aten dko duŋ awin kë dajeenkëţ ţi unşuun këme ţi pjuk, aţu kanaam na pmaak pi bdoo, 44ñiinţ mënţ awo na pmaak pi bdoo, aanwo najinţ ; naţeŋan aţup kaji awo naţop, amaak bdoo ţi bkow.
45« Ñiinţ ammaakuŋ bdoo haŋ awoh imişa intowiiŋ, karañ rañan uwel, agur bduuhul kaşë kahuuran kaji : “Naţop, naţop.” 46Wal bŧi wi pmaak pakwooŋ ţi a, afëţ kalow bañaaŋ du bdig bi dko di bafëţuŋ.
Bŧoh ţi imişa
47« Woli kamişa ki babomanaanuŋ muuţ këme ifaal kajab na bŧoh#13.47 bŧoh : Natenan uko wi ŋţuuŋ ţi 13.2, 48uwole iŧenda këme blaañ bi ifaal këme muuţ, iko bŧi imbomanaanuŋ injan, 49woli iko injabuŋ ţi kamişa mënţ këme blaañ këme iko imbomanaanuŋ injan mënţ inaam na pjaagal, këme ajeenkëţ, iwo na bŧoh. Iji iñooţ du naţeŋan aten ya. 50Aten ya bnuura kaşë katuh kako kanjabuŋ kuŋ kalowan ka bañaaŋ ŋnuur paaj na uloŋ. 51Ţi unuur uţënk paaj na uloŋ, akak aten kako kanjabuŋ kuŋ. Woli awin kë uko unjabuŋ da uhoţalëşaa, bŧoh bwuţaan ba, kako mënţ kaţopi. 52Ajej kako mënţ kafël du bdoo, kawole kamişa, paŧenda këme blaañ bi babomanaanuŋ kanjan këme muuţ. Bŧoh bwuţaan ba, ukaaŋ kë kako mënţ kawo kafëlana du bdoo. 53Kë woli naţeŋan aten awin kë bŧoh baanhoţalëşa ţi kako mënţ, 54ado banaj ka kaşë kakak kalowan ka bañaaŋ ŋnuur paaj na uloŋ. 55Woli akak aten kako kuŋ awin kë uko unjabuŋ da uwoha wo jibi ujonuŋ nwoo, woli uundoo hoţalëşa, kawo kaţop. Bawo katër ka bŧi woli kajab du meeţ këme du bdig. 56Bë woli naţeŋan aten kako mënţ wi banajuŋ ka, awin kë uko unjabuŋ da ujun ppën, akib dko danjabuŋ duŋ. 57Kë woli wi adoluŋ haŋ uko wuŋ ukak abi, ameen kë bŧoh bakaaŋ anaţa, atër kako kanjabuŋ kuŋ bŧi. 58Kë woli banaj kako kambiiŋ ajab, kë uko unjabuŋ da upëni, kawo kanaj utëbanţën kahilna kakak kajinţ. 59Hënk di di bgah bajakuŋ ţi uko wi bŧoh banjabanuŋ kamişa, blaañ këme iko imbomanaanuŋ injan kahilna kaţup me iwo ijinţ këme iţop. »
S'ha seleccionat:
Bgah 13: knf
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2014, Wycliffe Bible Translators, Inc. in cooperation with Le Groupe CIM-TBM, Senegal