Ppën 11
11
Kakob kankluŋ kabi
1 Yawe Nawat Kabuka aji na Moyiŧ : « Dkak akob Farawuna na uŧaak wi Ejiptu kakob kaweek. Uko mënţ uţëple awutan naya, adoo dookan dook ţi uŧaak wi nul. 2Ţiiniin keeri na pntaali pi naan, andoli ahepar akinţul iko yi unŧaam na yi uwuuru. » 3Nawat Kabuka ado kë biki Iŧrayel bawinana bnuura ţi këş ki biki Ejiptu. Moyiŧ ţi uleeful awo wal mënţ ñaaŋ naweek ţi uŧaak wi Ejiptu na ţi këş ki banjaaŋ baţënk Farawuna pşih, na ţi biki Ejiptu.
4Kë Moyiŧ aşë ji : « Nawat Kabuka aţiini aji : “Kaya mnjel dpën kañaay na Ejiptu, 5bapoţ biinţ bajeen bŧi başë bakeţ ţi uŧaak wi Ejiptu, hënk du bajeen i Farawuna naşih, te du bajeen i ñaaţ ankşonuŋ ; na ŋbuk ŋkaş ŋŧeek ŋi ŋnŧaam bŧi ŋakeţ. 6Iwuuh iŧiinkana ţi Ejiptu bŧi jibi uwooŋ uumbaaŋ kawohaara na jibi uwooŋ uunkak aluŋ kawo kak. 7Kë ţi biki Iŧrayel baando ŧiink ŧiink ubuş udugar ñaaŋ këme unŧaam.” Hënk name kë Nawat Kabuka aji paţëş biki Iŧrayel na biki Ejiptu. 8Wal mënţ banjaaŋ baţënku pşih bŧi babi kajot ţi ihoţ yi naan kakooţën kaji : “Yaani, iwi na bañaaŋ bankţaşiiŋ bŧi.” Uko waŋ uţëple kaşë ya. » Wal mënţ kë Moyiŧ aşë pën du uko Farawuna na udeeb uweek.
9Nawat Kabuka abi ji na a : « Farawuna aankŧiinkan nhilna ndo iko iñoŋarënaan iŧum ţi Ejiptu. » 10Moyiŧ na Aaron bado iko iñoŋarënaan yuŋ bŧi ţi kadun ki Farawuna. Kë Nawat Kabuka aşë dënëţëna uhaaş kë aando wut biki Iŧrayel bapën ţi uŧaakul.
S'ha seleccionat:
Ppën 11: knf
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2014, Wycliffe Bible Translators, Inc. in cooperation with Le Groupe CIM-TBM, Senegal