Versets bíblics populars de Luke 5

Comparteix

ဆွောန်သကာစီးမှါခ့်ခါ ကိုယ်တော်ကား ရှိမုန်တေ "လှေ‌ဒေ ဝဲနှစ်သလားဘေ လှော်သဘန်း တာန်းငှါရင်ဒင် နာန်ပိုက်တေချတာန်" ညယ်မိန့်သမှာ။

ရှိမုန် ကား "ကိုယ်တော်၊ အလေကား နာတ်ကြယ်ကျယ်ရာလုံး ပါန်ပါန်ပန်းပန်းအွန်ကြီးဒီဒါး တာန်းငှါနူဝါစဲ အလူရီရား။ အန်နိမ်စါန်းငှေါဒီဒါး ကိုယ်တော်စိန်းယုတ်ပင်းအတွာတ် ပိုက်တေပန်းနူချတာန်ကူ" ညယ် လျှောက်တာန်သမှာ။ အန်နိမ် တာန်းငှါရင်ဘင်း ပိုက်တေချတာန်မှါခ့်ခါ အန်တာတ်ကား ပိုက်တေစဲ ဆိုက်အာန်ကူနိမ် တာန်းငှါကလောင်းတုံန်းလူကြီးမှာ။

အန်နိမ်စါန်းငှေါဒီ ကိုယ်တော်ကား သမီဆာကာန်းကာန်း ရှာန်းရှာန်းငှါလားအရပ်ပေ ဟော်ဝါဆာ လာန်ဘန်း ဆုစိန်ဟာမှာ။<br>

သူတော်ကောင်းတေအတွာတ် ငါဒီလားအချီရား။ အန်နိမ်စါန်းငှေါဒီ အပြစ်ဆားတာတ်တေ နောင်တလူစိန်းတင်အတွာတ် ငါဒီထှာလား" ညယ်မိန့်တော်မူသမှာ။<br>

အန်ဘင်းအဖြစ်ပျက်တေဒေ ကတုံန်မှါခ့်ခါ ရှိမုန်ပေတရုကား ကိုယ်တော်ယေရှတာပိုင်းဘေ သထူထောက်သဘန်း ဝိုင်သဘန်းနာ "ကိုယ်တော်၊ ငါကားအပြစ်လွောန်ဘင်းဆိတ်ဟော်ဝါ ထှာဘင်းအတွာတ် ငါတေ တက်ပဲလာန်ဘဲ" ညယ်လျှောက်တာန်သမှာ။

ကိုယ်တော်ကား အန်တာတ်တေ ဖြေသဟာန်းဘင်းနာကား "နင်းမဲဘင်းဆိတ်တာတ်အတွာတ် အုတ်ဆရာကြီးအလိုသဝါး၊ အနင်းမဲဘင်း သမီဆာတာတ်အတွာတ်၌ဆာ အုတ်ဆရာကြီးလိုသလား။

စီးမှါခ့်ခါ အန်တာတ်ရီးဒါး လှေတေဒေ ကမ်း‌စေါက်ပါ တွန်းဟယ်စီးမှါခ့်ခါ အကုန်လုံးတေ တက်ပဘဲဘန်း ကိုယ်တော်ဟလိန်းပါ အတူတူလာန်ငါတ်ပဲကြီးမှာ။<br>

စီးမှါခ့်ခါကိုယ်တော်ယေရှုကား မြို့တစ်မြို့ဘေငှါနင်းမှါခ့်ခါ ကမာတုံန်းရောဂါထှာနင်းဘင်း ဟလောဝါဟော်ဝါငှါမှာ။ ဟိန်ကား ကိုယ်တော်ယေရှုတေ ကတုံန်မှါခ့်ခါ မန်းဘေသထူထာက်သဘန်း "ကိုယ်တော်၊ ကိုယ်တော် အလိုတော်ငှါဘန်းကား အမာရောဂါတေ ကယာစိန်းရာန်ဘင်းအတွာတ် ငါရောဂါတေ ကယာစိန်းယုတ်" ညယ်တောင်းပါန်သမှာ။ အန်၌မှါခ့်ခါ ကိုယ်တော်ယေရှုကား အန်ဘင်းဆိတ်တေ သဟူးယောက်ထိတာန်ဘန်း "ငါအလိုငှါမှာ၊ ကယာရာန်" ညယ်မိန့်တော်မူသစီးမှါခ့်ခါ ချတ်ချန်း အန်ဘင်းဆိတ်ရောဂါကား ကယာလာန်ဘဲမှာ။

အန်နိမ်စါန်းငှေါဒီ ကိုယ်တော်ယေရှု ဆတာန်းကား နေရာအနှံ့ပျံ့သလာန်ဘဲဘန်း သမီဆာကလောင်းတုံန်းရီဒါး ကိုယ်တော်ဘင်း ဆွောန်သကာ ဟောသကာဘင်းတေဒေ သက်တင်အတွာတ်ယောက်၊ အနင်းမဲဘင်းနာတေ ကယာစိန်းတင် စုသကြီးရီမှာ။