Versets bíblics populars de ሮመ 1

Comparteix

እያ አማንያ ኡባ፥ ኮይሮትድ አይሁደታ፥ ካልድ አይሁደ ግዶናይሳታ አሻናዉ ዎንገላይ ፆሳ ዎልቃ ግድያ ግሾ፥ ታ ዎንገላን ዬላትከ።

ፅሎይ አማኖን ደኦን ዳና ጌተትድ ጌሻ ማፃፋን ፃፈትስ። ዎንገላን ፆሳ ፅሎተይ ቆንጭስ፤ ኮይሮፐ ዉርሰ ጋካናዉ፥ አሳይ ፅለይ አማኖና።

አላመይ መቶሳፐ ዶምድ፥ አሳስ በንቶና ፆሳ ካንዶይ፥ ሄስካ እያ መርና ዎልቃይነ ፆሳተይ እያ መተን ቆንጭድ ደእያ ግሾ፥ አሳይ ባንታ ኢታተስ ጋሶያባይ ባዋ።

ኤንቲ ፆሳ ኤርሸ፥ እያ ቦንችቦኮናነ ጋላትቦኮና። ኤንታ ቆፋይ ማዶናባ ግድስ፤ ኤንታ አኬኮና ዎዛናይ ምስ።

ሄስ ሀንዳይ ኤንቲ ፆሳ ቱማ ዎርዶን ላምዳ ግሾነ መዳ ፆሳ አግድ፥ መተ ጎይንዳ ግሾሳ። ፆሳይ መርናዉ ጋላተትዳይሳ። አምንእ።

ቱማይ ኤረቶና መላ ባንታ ኢታ ኦሶን ካምያ አሳ ቦላነ ናጋራ ኡባ ቦላ፥ ፆሳ ሀንቆይ ሳሎፐ ዎስ።

ሄሳ ግሾ፥ ፆሳይ ኤንታና ኤንታ ቦርሶ አሙዋስ የግ አግስ። ኤንታ ማጫሳይ ባንታዉ በሲያ አደራ ጋሄተ አግድ፥ በሶናባ ሀንድ ማጫስ ማጫሳራ ጋሄትዶሶና። ሄሳዳካ፥ አደት ባንታዉ በሲያ ማጫሳራ ጋሄተ አግድ፥ አደይ አደራ ጋሄትዶሶና። አደት እሶይ እሱዋራ አሞን ፁገትድ፥ ቦርሶባ ኦዶሶና። ባንታ ኦዳ ናጋራስ በሲያ ፕርዳ ኤክዶሶና። ኤንቲ ፆሳ ኤርሸ፥ ሀር አቶሽን እያባ ቆፓናዉ ኮዮና እፅዳ ግሾ፥ በሶናባ ኦና መላ ፆሳይ ኤንታና ፓና ቆፋስ አድ እሚስ።

ኤንቲ ባንታና ጭንጫታ ጎሶና፥ ሽን ኤያታ። ኤንቲ ሀይቆና ፆሳ ጎይናናይሳ አግድ፥ ሀይቅያ አሳ መን፥ ካፎታ መን፥ ዶአታ መንነ ኡሎራ ጎሸትያባታ ዳንስድ ኦዳ ምስለታ ጎይንዶሶና።