Versets bíblics populars de Luk 6

Comparteix

Nyɛɛ mɨnɛ kɨn wanye wu, ra bɨrika elumelumɛ, wa nyɛgɛnyɛgɛ, wa gbugogbug, ra ɛfawɛlɛ waro wu ra ɛla. Kum kɛmanchi alumɛ anyɛ, afɛ kɛmanchi wa nɨŋo lumɛ wanye wu.”

Bɨrika oni ɔwɔŋa ra bɨrika birɛ mbi wɛra mɔ rikalɔ ra etimɔ. Mɨnɛ kebia ka oni kɛwɔŋa ra obia birɛ mbi wɛra mɔ rikalɔ ra etimɔ. Kum birɛ mbi we yugɔ ra etimɔ, abɛbɛ kama kalama.

Gbɔ fɔnɔ rɛda ra anianjɨŋ aba, mɨnɛ sii koli nyɛ bɛ. Fɔrɛ bɛ agbuga, gbɔ ka fɔnɔ kerigɛjɛnɔ ka emunimuni, mɨnɛ nsɔl owu kɨn ɔgbɔwa. Mɨnɛ kɨn atumɛ wɔna Ɛbɨrɔkpabi a Mbirambira. Kum ayɛ eliwɔ ɛnyɛ ani mba wara sama yɛ akɨla ani mba wa biwɔ etimɔ.

Yugɔ ra mafɨbɔ kɛmanchi mitɛ owu oyuga ra mafɨbɔ.

“Ka kɨbi kɛlam anyɛ ani, mɨnɛ wara kɨba kɛlam wanye wu. Ka binɛ ani adudu, mɨnɛ ani wara bina wu, fɔrɛ ani adudu mɨnɛ kɨn wa fɔre wu.

“Gbɔ nkani wun mba ri luma ratuŋ: Ri fɔnɔ rɛda ra anianjɨŋ awun. Ri sii koli ri nyɛ ani mba ri kpuga bɛ. Ri mɔlɛ ani mba watua wun itu, mɨnɛ rirɔ nyɔm rinyɛ ani mba wa sia wun obia ratag.

Mbum rambunɛ mbu adugɔ na ani wa si wanye wu, sii irigirigɔ nyɛ bɛ ɛduayi.

Oni ɔbɔ nye wun nsab ra kɔfɨb kunɛ, ri chimini nkulɛkɨlɛ mɨnɛ, abɔ ɔnɨŋɔ tama wu ɛbɔwɛ rɔfa, ka kpanɔ mɔ nyi rikalɔ. Oniranwunɛ nwu ɔkpɛmowu mbum nyɛ mɔ. Mɨnɛ oni ɔbɔ tama bumobu, ka bɨbɔ mɔ abɛ akɨla.

“Bɨrika keti kɛda nchi ke wuga obia radɨnoti, mɨnɛ kebia keti kɛda nchi ke wuga bɨrika radɨnoti.

Achɛŋa keti ranchinɛ ra radɨnoti radɛn. Ani wara taga misokud rikalɔ ra ɛkatɨmɛ, din radɨnoti ra fig rikalɔ ra oruriwa.