Versets bíblics populars de SAN LUCAS 22

Comparteix

Chashna cungurishpaca: —Ñuca Taitalla. Can munashpaca, cai jayac ubiana shina llaquita ñuca apanataca jarcaiyari. Ñuca cashna munacpipish, ama ñuca munashcata ruhuaichu, ashtahuanpish can munashcata ruhuai— nishpami mañarca.

Chashna cacpipish ‘ña mana c'atishachu’ ama nichunca, ñucaca canmanta Taita Diosman mañarcanimi. Can llaquirishpa, Taita Diosman cutirishpaca, caishuc ñucata c'aticcunamanpish ñucata c'atichun alli yuyaita cungui— nirca.

Shinallatac Jesús tandata japishpapish Taita Diosta pagui nishpami, chaupishpa chaupishpa yachacuccunaman cushpaca: —Caica, cancunamanta llaquichishca cana ñuca aichami. Ñucata yuyarishpa, cashna ruhuacunguichiclla— nirca.

Shinallatac pascua micuita micushca q'uipaca, vaso vinota japishpami, Jesusca: —Cai vaso vinoca, cancunata quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

Jesús munai llaquihuan cashpami, ashtahuan Taita Diosman mañarca. Chashna mañacucpica, jumbipish yahuar shinami pambaman shuturca.

Cancunaca mana chashnachu cana canguichic. Chaipac randica, cancunapurapi maijan alli nishca casha nishpaca, q'uipa huiñaicuna shinami imatapish ruhuana canguichic. Shinallatac maijan mandac cashpapish, servic runa shinami cana canguichic.

Chashna nicpipish Jesusca: —Pedro, canca cunan tutallatacmi gallo manarac cantacpi, quimsa cutin ñucata ‘mana ricsinichu’ ningui— nirca.