Versets bíblics populars de Johannesi 5

Comparteix

“Ghushemwa na kumutongwera. Oyu ghokutegherera koyi na kughamba, no kutawa kwa yu gha ni tumine, ghana kuwana moyo ghororuheya. Mbadi ghana kupwa kutetera ndhango, yoyishi kare gha shwagha mukufa no ghengena kumoyo.

Apa gha mu monine Jesusi ghana rara, oku ye ghana yi dimuka eshi, munu yu ghana dhighama noyikorwa. Ha ghamba kwendi kwamukakukorwa eshi: “Ghuna haka kwiruka ndi?”

Mwa rondononanga Yitjanga, yoyi mwa ghayara eshi mo sho mu wane moyo ghororuheya. Ene shemwa noYitjanga yi ya ni nongonona. Amwe ne mwa shwena kwiya kukwange eshi na mu wane moyo.

Jesusi gha mu rawerire eshi: “Wimane, tumbure murongerero ghoye ghu ka yende.” Popo vene heruka, ha tumbura murongerero wendi gha ka yende. Diyuwa di ne dyaSabata.

Munyima gha wa dimbururire no kuwatongwera eshi: “Na kumumanithera, Mwana ne mbadiko thokukutendera thinda. Ghana kutenda vene ethi ghana kutenda Wihe. Yoyishi ethi gha tenda Wihe, naye Mwana ghana kuthitenda kemo.