Versets bíblics populars de Mark 9

Comparteix

Ka Jisus a vâ na mâ, na, Oningě o yâliděngě o kamidě, belombo beěhěpi be te be hamaka na ba kamakidě.

Ka hangwě mwana a yama na manyângâdiba, na, Upangiyi, mbi kamakiděndi; hanaka ’mba n‘ ipuhwa jamě j‘ ikamidě.

O Mâ‐a vakid‘ o ndabo, ka beyokwedi beaju bea uwa Mâ o pěpěkě, na, E lě nd‘ eahu e ha yâlâkidě o věngidě jâ. Ka Mâ‐a vâ na bâ, na, Jângâ těkadi ja yâlě o puma na vilolombo kabo na ikaliya na ihindina.

Vianga ndi bwam‘; nd‘ oningě vianga vi diya uju hambe, o ka timbě lě pi viâ ni uju na? Diyakani na vianga inyěni mětě, o ka diyakani jonga inyi mětě n‘ inyi mětě.

Uěhěpi a ka věhělidě umbâkâ ua betumbě ka ekabe na dina jamě vâkâna a věhělidi ’Mba; a vehělěkidě ’Mba uěhěpi a věhělěkidě ’Mba dipâ, ndi na a lomaki ’Mba.

Uěhěpi a ka mâtidě inyěni imâgi ja miba o dina jamě, ’kabojana o ndini ba Kraist, mbambaye, Mbi vâki n‘ inyěni, a nyange mahomano maju.

Ndi uěhěpi a ka bevě yâkâ ya betumbě be kamakidě ’Mba, e ndi bwamu wa o pěl‘ ’aju n‘ ilale iněně i tingakwě o ibâlu jaju, na mâ‐a ’hwě o manga.

Na, oningě dihâ jâvě ja bevidě âvě, tongwaka jâ: e ndi bwam‘ opěl‘ âvě na nâvě ngakiya o ipangiya ja Anyambě na dihâ jâkâ wa na o diya mihâ mabale, na nâvě o uhwě o Hěl ya veya