Versets bíblics populars de မဿဲ 17

Comparteix

ကိုယ်တော်ဟှ “နန်းနို့လေဟှာ ယောင်ကြည်ရှင်း မှေ့ဘဲကြောန့်ဖြစ်ဟှယ်။ ငါ မှန်ပြောမယ်။ နန်းနို့လေဟှာ မုညင်းစေ့မျှလော့‑က်ဘဲ့ ယောင်ကြည်ရှင်းရှိမယ် ဆိုဟှာ ‘အယ်တောန်ဟှို အယ်နေရာဟှရွေ့!’ ဆိုဘီး ပြောလိုက်ဟှူန အယ်တောင်ဟှာ ရွေ့ဟှားလေ့မယ်။ နန်းနို့တွပ် ဖြစ်နိုင်ဘဲဇာလေ မှေ့ဟှ!”

ပေတရု လျှော့‑က်နေဟှူ ခီမာဘဲ့ တော့‑က်ပဟှူ မိုးတီတခုဟှာ သူးနို့လေထတ်ဟှို လွှမ်းမိုးလာဘီး “အယ်သူဟှာ ငါနှစ်သက်မြတ်နိုးဟှူ ငါရဲ့ ရှစ်ဟှူသား ဖြစ်ဟှယ်။ သူ့ရဲ့စကားဟှို နားထောန်ဂေ့ပါ!” ဆိုဘီး မိုးတီထဲဟှ သံတော်ဟှို ကြားရလေဟှယ်။

ယေရှုဟှ “ယောင်ကြည်ရှင်းမှေ့ဘဲန ဖော့‑က်ပ္လန်တတ်ဟှူ လူလေ! ငါဟှာ နန်းနို့လေနတူးဒူ ဖယ်မျှကြာအောန် နေရဟှို့နူး၊ နန်းနို့လေဟှို ဖယ်မျှကြာအောန် သီးခံရအူးမယ်နူး၊ ကောန်သားဟှို ငါ့နားဟှိုခေါ်လာဂေ့!” ဆိုဘီး မိန့်တော်မူလေဟှယ်။ ယေရှုဟှ နတ်ဆိုးဟှို ထွပ်ဟှားဟှို့ မိန့်ပေးလိုက်ဟှူ ခီမာ နတ်ဆိုးဟှာ အယ်မူကောန်သားထဲဟှနေ ထွပ်ဟှားလေဟှယ်။ အယ်ခီမာဘဲ့ အယ်ကောန်သားလည်း ကျန်းမာဟှားလေဟှယ်။