Versets bíblics populars de إنجيل لوقا 6

Comparteix

عْطيو وْيتّعطى لكُم عبار عامر، مدكوك، مهزوز وْفايض. حيت بالعبار باش كتعبرو، غادي يتّعبر لكُم."

الرَّجل الصالح من الكنز الصالح الّي في قلبو كيخرّج الخير. والرَّجل الشرّير من الخزين الشرّير كيخرّج الشَّرّ، حيت من الشياطة د القلب كيهدَر دُقمو.

وَلكن أنتُمَ، بالعكس، عزّو العدْيان ديالكُم وْعملو معهُم الخير وْسلّفو لوم بلا ما تْتسنّاو المقابل، وْغادي يكون الأجر ديالكُم كبير وْتكونو أُوْلاد العالي، حيت هُوَ كريم مع الّي ما كيشكروه شي وْحتّى مع القباحين.

كونو رُحَماء فحال ما باباكُم هُوَ رحيم.

"ما تحاكمو شي وْما غادي شي يحاكموكُم. ما تحكمو على حتّى واحد وْما غادي شي يحكمو عليكُم. سمحو وْغادي يتّسمح لكُم.

"وَلكن كنقول لكُم، آ السامعين، عزّو العدْيان ديالكُم، وْعملو الخير مع الّي كيكرهوكُم، وْباركو في الناس الّي كيلعنوكُم، وْدْعيو من جهة الّي كيتقبّحو عليكُم.

فحال ما بغيتو الناس يعاملوكُم، عاملوهُم هَيداك.

إدا شي واحد ضَربك على خدّك، عْطيه الخدّ يَخرى. والّي كيحيّد لك السلْهام ديالك، ما تمنع شي عليه يدّي لك حتّى الجلّابة ديالك. كُل واحد الّي طلب منّك، عْطي لو، والّي كيدّي لك شي حاجة ديالك، ما تطلباْ شي منّو.

"الشجرة المزيانة ما كتعطي شي غلّة خايبة. وْبالعكس، الشجرة الخايبة ما كتعطي شي غلّة مزيانة.

حيت كُل شجرة كَتْـتّعرف من الغلّة ديالاْ. ما كتجني شي الكرْموس من الشوك ولا العنب من العلّيق.