Versets bíblics populars de Lǔka 6

Comparteix

Ǐpè̤̌ kòyò, dě Cǒmara gǔ ǐpè̤̌ sô̌ sî pě. Cǒmara gǔ tǒ̤nṳ̌klǎ dě tǒ̤beco lò̤gǔlò̤wû̌ shǔ sî pě, ma̤titè̌hî̌dě, Cǒmara gǔ tǒ̤nṳ̌bǎ sî pô̤̌ sî tǒ̤nṳ̌bǎ kòyò nu pě.”

Kòyò wô̌ tôpwa̤nu a hî̌bǎ htò̌pwǎ ta̤awô̌ ô̌ dǒ sǎphlǒkû nutokhlǒ pwǎ. Kòyò phû̌mò̤̌ tôpwa̤nu, a hî̌bǎ pwǎ ta̤phû̌mò̤̌shǐhtô ô̌ dǒ a sǎphlǒkû nutokhlǒ pwǎ. Kòyò mî̌ta asǎphlǒkû ô̌betǐpǐ pwǐtè dě akhû̌phě hî̌bǎhtò̌ pô̤̌nupwǎ.

Tôbǎ ma̤ pô̤̌nu tô̤̌! Mô̤nǐ̤ lô̌khô kòyò sǎkhě sî nutokhlǒ dě ma̤wô̌bǎ asî nu. Dǐbǒ ta̤ dě kè̌shuǐ kû̌ nǐ̤bǎ gesô̌ tǎ̤ ta̤tocǒ tǎ̤mǎ̤. Sî kè̌ ma̤pô̤̌nu kè̌hî̌dě Cǒmara gǔ ǐshowî̤shôwô̌ sî pě, sî kè̌ dǐbǒ kòyò dě sî gǔ kè̌shuǐ kû̌ nǐ̤bǎ gesô̌ ta̤ tocǒ tô̤̌ numî̌ kòyò gǔ kè̌shǐ sî kû̌ ta̤dû̌ta̤htû Cǒmara phû̌mǒ̤phû̌khû sîtokhlǒ pě, ma̤titè̌hî̌dě Cǒmara ma̤wô̌shǔ kòyò dǒ a sî̌ganǎ̤ ge kòyòbwǐsîrî tô̤̌ nutokhlǒ kû̌ kòyò dǒ ajî̌phǔmò̤̌ tûû̌ nutokhlǒ.

Sî bǎ gwèbǎǐ kòyò pô̤̌khô sîpha Cǒmara gwèbǎǐ kòyò nu.

“Hî̌bî̌hî̌ô̌ kòyò tǎ̤mǎ̤ gènè̤sǔ gènè̤plě tǎ̤ kòyò tǎ̤mǎ̤. Sî kè̌ hî̌bǎphô̌phô̌ kòyò tô̤̌, gènè̤sǔgènè̤plě kòyò tô̤̌ kè̌hî̌dě Cǒmara ma̤geshěshu nô̌ sî tô̤̌. Bè̌ tǎ̤ kòyò ta̤sǔ tǎ̤mǎ̤, dě Cǒmara bè̌nô̌ sî ta̤sǔ tô̤̌. Plûkè kòyò ta̤sǔ nî̌꤮, dě Cǒmara plûkè sî ta̤sǔ pě.

“Bǎbǎkǎlè sî kè̌ sǎyṳ ganǎ̤de kè̌hî̌dě he sǎyṳ shôbǐǐ bǎ sî ta̤tokhlǒ, mô̤ǐ lô̌khô kòyò dǒ a sǎkhěkhû̌khwè sî nutokhlǒ dě ma̤wô̌bǎ kòyò dǒ a sǎkhě sî nutokhlǒ nî̌꤮. Ǐshowî̤ kòyò dǒ a ǐsho sî nutokhlǒ, dě kwicaba bǎ kòyò dǒ a ma̤ phû̌mò̤̌ sî nutokhlǒ aya nî̌꤮.

Ma̤bǎ kòyò sô̌sô̌kû̌ sî sǎyṳ noma̤ kòyò kû̌ sînǎ̤ nu nî̌꤮.

Kòyò tôpwa̤pwa̤ kè̌ plǎ̤ na nò̌shî̌ tôkhô kè̌hî̌dě no plǎ̤ pô̤̌ a dǒ a ô̌kè nutôkhô nî̌꤮. Kòyò tôpwa̤pwa̤ kè̌ phî̌sigwî̌ na jekhlo kè̌hî̌dě, nophî̌cû̌nṳ̌ pô̤̌ a kû̌ naje dǒ akû nutôpṳ nî̌꤮. Mò̤̌pèpè̌꤮ bǎbǎ kè̌ a kwi nata̤ tocǒcǒ kè̌hî̌dě ǐpè̤̌ a dě bǎ kòyò tôpwa̤pwa̤ phî̌ nata̤ tocǒcǒ akhanu, kwi tîkhîsô̌ a tǎ̤mǎ̤ nî̌꤮.

“Sǒmṳ̌wô̌ tômṳ̌nu asǎhtò̌ sǒsǎ dǒ awô̌tô̤̌ nu aô̌tô̤̌. Pô̤̌khônudě sǒmṳwô̌tô̤̌ tômṳ̌nu asǎhtò̌ jò sǒsǎ awî̤ tô̤̌.

Lǎlǎ꤮ na kèpwǎ asǎ nu na sî̌yajò pwǎ amṳ̌ pwǎ. Kòyò cû̌běǎ jò dǐshisǎ dǒ ta̤shî̌shô̌mṳ̌ alô̤ tôpwa̤꤮ tô̤̌. Pô̤̌nudě kòyò cû̌běǎ jò sîpî̌sǎ dǒ jôjǔjôpò̤ alô̤ tôpwǎ̤ tô̤̌.