Versets bíblics populars de Lǔka 14

Comparteix

“Kòyò dǒ a sǎyṳ htû he khôphijǎ tôpwa̤pwa̤nu, amǒ̤apha bǎbǎ, aphû̌ama bǎbǎ, apṳ̌awè̤̌ kû̌ anǎ̤běcǎ sanǎ̤ bǎbǎ, a kè̌ mô̤ǐ khlo kû̌ a mô̤ he numî̌ a htûhtò̌ jò he khôphijǎ tô̤̌.

Mò̌pèpè̌ bǎbǎ, a yò̌ tûû̌ a nò̌dò̌htǔ tô̤̌tô̤̌, a gû̌ kû̌ hekò tô̤̌tô̤̌, a gû̌ kû̌ he kò tô̤̌tô̤̌ numî̌ ahtû jò he khôphijǎ tô̤̌.

Ma̤titè̌hî̌dě kòyò tôpwa̤pwa̤ dǒ a bè̌dû̌ anǎ̤nu, Cǒmara glè̌ bè̌pî̌tî̌ a pě, dě kòyò tôpwa̤pwa̤ dǒ a bè̌pî̌tî̌ anǎ̤nu, Cǒmara glè̌ bè̌dû̌ a pě.”

Pô̤̌nu akhû̌akhî, lǒ̤꤮ bò ta̤ dǒ a ô̌ kû̌ sî bò̌꤮ bò tokhlǒnu, sî kè̌ bè̌kè tô̤̌ kè̌hî̌dě, sî htûhtò̌ jò he khôphijǎ tôpwǎ̤꤮ tô̤̌.

“Hî̌kû̌lǎ, dǒ sîkla tôpwa̤pwa̤ nu, a kè̌ gènè̤nǎhto kû̌ a glè̌ ma̤htò̌ hǐphû̌htò̌yô̤̌ tômè kè̌hî̌dě, a glè̌ hǎlǒ̤ pwǐtè pěnu a bǎ hǎnòò̌ dô̌nǎ wǐ, tǒ̤dǒ a ma̤htoma̤pô̌ bò hǐ nutômè mî̌, aru glè̌ pô̌ pě ya mî̌ a pô̌ tô̤̌ya nu a bǎ sî̌ya wǐ. A kè̌ ma̤wǐ pô̤̌nutô̤̌, dě a kè̌ ma̤htò̌wǐ ahǐ kòkho, dě a kè̌ ma̤htò̌ htophlǔ bò ahǐ nutô̤̌ kè̌hǐdě, kòyò dǒ a kè̌shǐbò a ma̤htò̌ kô̌kǔkô̌ke ahǐ nu, a glè̌ sǎyǎ̤ǐ lû̌û pě. Asî glè̌ hî̌ lôkhô kû̌, ‘kòyò hǒtôpwa̤ ma̤htò̌ tûû̌ ahǐ dě a ma̤phlǔma̤htobò̌ tô̤̌.’

Bǎbǎkǎlè bǎ na ma̤pwè akhanu, tîwî̌tòwò shǎǎshǎô dě kaǎ pè̤̌ kòyò dǒ hǎwǐ̤shèwè̤ nutokhlǒ, kòyòtṳ̂rû nutokhlǒ, kòyò khò̌lôpô̤̌dě nutokhlǒ kû̌ kòyò mǐ̤sǎkhǐ nutokhlǒ nî̌꤮. Dě na kè̌ kaǎ ǎ kòyò pô̤̌o tokhlǒ hî̌nu, na glè̌ nǐ̤bǎ ta̤ǐshowî̤ pě, ma̤titè̌hî̌dě asî kaǎ ǎ gebò̌sô̌ na tocǒ꤮ tô̤̌. Bǎ kòyòcǒtè̤ tokhlǒ ihtǒhtûpwa̤ gesô̌ dǒ ta̤si akha pěnu, Cǒmara gǔ ǐsô̌ na ta̤bwǐta̤sîrî pě.”

“Îsǎ numî̌ awô̌ pwǎ mî̌tadě îsǎ a ta̤shukaha nu a kè̌ hǎmǎkè hî̌dě, kòyò cû̌ ma̤shuha gesô̌ jò pe a hî̌tè? Îsǎ dǒ ashukaha petô̤̌nu, dǒ hǎkhû̌ aya bǎbǎ, dǒ sǒmṳ̌ khû̌ǎ aya bǎbǎ, abwǐsîrî ô̌ pe tocǒ꤮ tô̤̌. Dě kòyò wîkè pwǎ a pwǎ.” “Kòyò dǒ a ô̌ kû̌ anò̌ku tokhlǒnu, no ganǎ̤de lô̌khô asî.”