Versets bíblics populars de Yṳ̂ha 1

Comparteix

Bǎbǎkǎlè kòyò dǒ a kaǎshěshu lû̌ tokhlǒ dě a yṳ̌nǐ̤nǎ̤nǐ̤ lû̌û tokhlǒnu a dǐhtûhtò̌ asî kû̌ Cǒmara a phû̌mǒ̤phû̌khû tokhlǒ.

Dǒ Cǒmara bô̌lò̤ hǎkhû̌ khôtô̤̌ akhapenu, kòyò kaǎ yǎ kû̌ ta̤lě̤ta̤yô̤̌ Hǒtôpwa̤nu, a ô̌htotû̌ hǒ. Ta̤lě̤ta̤yô̤̌nu a ô̌ kû̌ Cǒmara dě ta̤lě̤ta̤yô̤̌ numî̌ Cǒmara hǒ.

A mî̌ asô̌sô̌kû̌ ta̤lî dě a lîtîklî̌ dǒ ta̤khǐsiwi̤ akla dě ta̤khǐsiwi̤ ma̤pî̌kè jò lû̌û tô̤̌.

Kòyò dǒ kòyò kaǎ a kû̌ ta̤lě̤ta̤yô̤̌ tôpwa̤nu, a hèhtû ma̤pô̤̌ kòyòhǎkhû̌phû̌nu dě a hè ô̌htûpwa̤ dǒ pakla hǒ. Dě pa kè̌shǐ a ta̤bwǐdû̌sîrîhtû. Cǒmara aphû̌khû ô̌pwǎ tôpwa̤nô̤̌ akhû̌akhî, a nǐ̤bǎ bò ta̤bwǐdû̌sîrîhtû dǒ aphaô̌ a mî̌ kòyò dǒ a lǒbe kû̌ ta̤bwǐta̤sîrî kû̌ ta̤tě̤ta̤mè̤̌ tôpwa̤.

Cǒmara nobô̌lò̤ tutṳ̌ lû̌û ta̤pṳ̂̌tocǒ. Ta̤ dǒ a bô̌lò̤ tô̤̌nu a ô̌ tôcǒ tô̤̌. A mî̌ ta̤htûpwa̤ a kòshî̌ dě ta̤htûpwa̤ nî̌ a ǐ kò ta̤lî dǒ kòyò pṳ̂̌꤮ tôpwa̤ aya.

Dǒ nô̌kò tôni̤nu, Khûyṳ̂ha kè̌shǐ Yeshǔ hè dǒ a ô̌ dě a hî̌ kû̌, “Kè̌mò̌, Cǒmara a sû̌phû̌ dǒ a phî̌kè hǎkhû̌phû̌ a ta̤sǔta̤plěsî nutôpwa̤.

A hè ô̌htûpwa̤ dǒ hǎkhû̌ hǒ. Dě a bô̌lò̤ tûû̌ hǎkhû̌ bǎbǎkǎlè a mî̌ kòyò hî̌tè tôpwa̤nu hǎkhû̌phû̌ sî̌yaphlô lû̌ tô̤̌. A hè dǒ a shiphû̌gǎphû̌ nutokhlǒ a ô̌ bǎbǎkǎlè a kòyò tokhlǒ kaǎshěshu lû̌û tô̤̌.

Ta̤lî mè̤̌mî̌canu, a glè̌ hènṳ̌ dǒ hǎkhû̌ hǒ, dě a gǔ lîtîklî̌ htò̌lṳ̌ bǎ kòyò pṳ̂̌꤮ tôpwa̤.

Cǒmara ǐlò̤ ta̤sû̌ta̤tòwò kû̌ Khûmṳ̂shě dě Khûmṳ̂shě ǐlò̤ tutṳ̌ kû̌ pa, bǎbǎkǎlè Yeshǔ Khrǐ mî̌ kòyò dǒ a ǐlò̤ pa ta̤bwǐta̤sîrî kû̌ ta̤tě̤ta̤mè̤̌.